Kòlo 1:11 - WƆŊ FƐ̀Ì EBÒ SÌÀŊ DAYÀA

^11-12 È zoolà wo Dayà wèè woiŋ kìɛ̀ŋ e gààŋ e yìwìà e gaàŋ jòòwouŋ nɛ̀, e kìlà naŋ kɛ̀ɛ̀nɛ̀ŋ gààŋ wèè naŋ kɔ̀ɛ̀ e keì ɗewe gbiŋ sùà ke jii tɔumtɔ̀ùm sùà. E yìwìà e zɔlɔ̀ gèe sùà, kìɛìŋ ke sɛ̀ gè koɓɛ̀ wo Dèdaà, wo yèɔ naiŋ nyɛ̀nɛ̀ŋ nìŋ naŋ nɔ̀ŋ aŋ bàiŋbà wèè naŋ kɛ̀ɛ̀nɛ̀ŋ e nɛ̀ɛŋ bà wo Dayà naŋ bànè hàa wèè anyùùŋ nɛɛmauŋ nyàŋ e kànà e gbolòùŋ nɛ sùà.

Kòlo 1:11 ပူးပေါင်းရင်းမြစ်များ

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

Ɛfesɔ̀ 3:16

Mìŋ dawà Dayà e wèè, e yìwìà maŋ bànè e jòòwouŋ nɛ̀ sùà, wo fèiŋ e gààŋ e yìwìà wo Jinàuŋ nɔɔ̀ŋ e wèè niŋ nyìngà sùà.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Ɛfesɔ̀ 6:10

E gbio sùà, tòòyaìŋ e kɔɔ nyingèiŋ nɛ̀ nààŋ nìŋ yaà aŋ bàiŋbà Kanaà Jisɛ̀ Kulaì sùà esàɓù e gààŋ zùlù gbeeuŋ nɛ̀ sùà lɛ.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

2Pììlɛ 1:6

yèè e jiikɛ̀ɛ̀iŋ nɛ̀ tòòyaìŋ niŋ nyɛ̀iŋ bi yɛ̀mɛ̀ diɛŋ, e diɛŋ yɛ̀mɛiŋ nɛ̀ tòòyaìŋ niŋ ke jii kùwa, yèè ke jii kùwaiŋ nɛɛ̀ŋ tòòyaìŋ nyiŋ maŋ nyiiiŋ màŋ kìla koɓɛ̀ Dayà,

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.

Maŋ kèì nyɛɛnɛŋ 14:12

Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà. Yèè àŋ kuwa ɓɛìŋ aŋ jɔ̀ɔ̀lɔ̀ maŋ sàwàuŋ màŋ dìì e kìlà aŋ kɛ̀ɛ̀nɛ̀ŋ hààwe wo Jisɛ̀ sùà.