Kòlo 1:10 - WƆŊ FƐ̀Ì EBÒ SÌÀŊ DAYÀA

¹⁰ kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

Kòlo 1:10 ပူးပေါင်းရင်းမြစ်များ

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:8

Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 4:12

Tɛɛ̀ naŋ ɓɛìŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdà aŋ yè nyaŋ kinɛiŋ àŋ naŋ jàà kpùa nyàŋ, yèè aŋ naŋ hààwè Dayà, màànààŋ wo Eɓulɔhɛɛ̀ŋ naŋ wa nyɛ̀nɛ̀ŋ paŋgàà wò naŋ wa nɔ̀ŋ kpùà jààuŋ lɛ̀.

Luùm 6:4

Nààŋ è naiŋ wa nɔ̀ŋ gùa wi, yàwi nààŋ Jisɛ̀ kulaì naiŋ wa fɔ̀ɔ̀yɛ̀ koɓɛ̀ guùŋ yèè àŋ naŋ wi sììyè koɓɛ̀ guùŋ. È naiŋ wa nɔ̀ŋ gùa wi wèè eiŋ nɔ̀ŋ wɔŋ nyiiŋ gèe jɛi sùà, nààŋ wo Dayà wo Dèdaà naŋ wa gè wo Jisɛ̀ Kulaì e fàa dìì koɓɛ̀ wɔŋ nyiiŋ gèe e yìwìà e jòòwò gààŋ nɛɛmaŋ gbee sùà.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

2 Kɔliìŋ 5:9

Eɓìèmàŋjɛ̀wɛ̀ nɛ̀ŋ maŋ gbiŋ, è manaŋ wèè eiŋ nyɛ̀nɛ̀ŋ ke jiiuŋ nɛɛ̀ŋ ke fà lɛ. E pɛɛ nɔ̀ŋ maŋ gboo wi màŋ sùà ɔ̀ɔ̀ ko gbooì wò yaà lɛ.

2 Kɔliìŋ 9:8

Wo Dayà wòum ɓɛ̀nɛ̀ŋ kìɛ̀ŋ e nìàŋ e yèɛ mùŋ naŋ kpɛɛ̀ŋ weè niŋ zimgbe lɛ̀, e wèè kɛ̀ e teenga gbiŋ muŋ kɛɛnɛ̀ŋ e keì sìàaŋ mùŋ naŋ kpɛɛ̀ŋ weè niŋ lɛ̀ wèè muàŋ bi, e kìlà màŋ ɓɛ̀nɛ̀ŋ kpùùmàŋ anyùuŋ bà.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 4:13

Yèè e wèètii, yàwi nààŋ gbiŋ doiŋ nàŋ hnè ɓɛ̀ guùŋ, koɓɛ̀ e mìèsùàguùŋ nɛ e hààwe wilɛ̀ sùà, yèè e jiikɛ̀ɛ wilɛ̀ sùà nyaàiŋ dè wo Jɔ̀àfèlàà Dayàa, è doiŋ nàŋ nɔ̀ŋ anyuùŋ kàmaiŋ màànààŋ nɔŋ wo Jisɛ̀ Kulaì yaà lɛ, yèè è doiŋ nàŋ nɔ̀ŋ mààŋ wuŋ bi.

Ɛfesɔ̀ 5:10

Fɛ̀ɛìŋ niŋ gbeè e yèɛ fɔ̀ɔ̀yɛ̀ Dayà jii lɛ̀.

Ɛfesɔ̀ 5:15

E wèètii yɛ̀mɛìŋ maŋ nyiiŋ màŋ diɛŋ. Ɓɔ̀ nìŋ nɔ̀ŋ fuɔŋ mààŋ ànyuùŋ gò kùwìè jiikɛ̀ɛ, kɛɛ nɔ̀ɔìŋ fuɔ̀ŋ mààŋ anyuùŋ kùwìè kɛ̀ɛ̀jii. Tòòmoìŋ e teenga siaàŋ gbiŋ nìŋ kuwa lɛ̀ tɛ̀ɛ̀.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Kòlo 2:19

Aŋ fè ɓɛìŋ àŋ bà nyiŋ bà wò Jisɛ̀ Kulaì sùà, wo yèɔ yaà ɓɛ̀màŋɗì ke kpùnaàŋ wɔ. Wo Jisɛ̀ Kulaì nàŋ kiɛ̀ŋ ke kpùnaàŋ gààŋ, yèè wò toomàŋ maŋ suono suono màŋ yèè maŋ kèìŋ maŋ wèè maŋ kùwà koɓɛ̀ guùŋ kpaŋ, e kìlà kè dɛkɛ̀ màànààŋ wo Dayà manaŋ lɛ̀.

Kòlo 2:6

Nààŋ nìŋ naŋ jàà wo Jisɛ̀ Kulaì kùàŋ dìì wèè wo nɔ̀ŋ wo Kanaiŋ nɔɔ̀ŋ lɛ, nìŋ kuwa naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà.

Kòlo 3:20

Jɔ̀àkàiŋ jɔa nyàŋ, jɔ̀ɔ̀lɔìŋ anyuùŋ kòmaiŋ nyàŋ dìì e teenga gbiŋ, tɛɛ̀ nàŋ fɔɔyɛ̀ wo Dayà jii.

Kòlo 4:5

Tòòmoìŋ jiikɛ̀ɛ sùà e nyaàiŋ dè e ɗeweɛ̀ nìŋ tuwà koɓɛ̀ anyùùŋ nyaŋ kuwà hààwe nyàŋ. Tòòmoìŋ e teenga siaàŋ gbiŋ nìŋ kuwa lɛ̀ wèè niŋ kiɛ̀ŋ ke miè gbìaàŋ ko nɛ̀ɛ̀ŋ nyiŋ niìŋ.

1Tɛsè 2:12

È naiŋ sìè di, e nyɛ̀nɛ̀ŋ maŋ jiiiŋ màŋ fà, yèè è naiŋ nɔ̀ŋ dàwe sùà wèè naŋ nɔ̀ŋ wɔ̀ŋ nyiiŋ gèe sùà wɔŋ yèɔ naŋ fɔ̀ɔ̀yɛ̀ Dayà jii wɔ̀ŋ, wo yèɔ naiŋ nyààŋ wèè woiŋ gè nyààŋ diɛŋ naŋ nɔ̀ŋ aŋ bàuŋbà e kanauŋ nɛ̀ yaà e jòòwouŋ nɛ̀ sùà wɔ.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

2Time 2:4

Wo kààlòòɗùàa yaà ke di e tòmouŋ nɛ̀ diɛŋ wɔ̀, manaŋ wo kìɛ̀ŋ ke jii fàa koɓɛ̀ kaaloɔ̀ sìaùŋ feìŋ wɔ, weètii wo fè kpùlìà kè nyɛ̀nɛ̀ŋ nyiiŋ gèeuŋ nɔɔ̀ŋ kè jè ànyuùŋ nyaŋ fè àŋ kààlòòɗùà nyaŋ.

Taitɔ̀ 3:1

Kùnoò dìkà maŋ jìì anyuùŋ ko Kuliì nyaŋ koɓɛ̀ maŋ keì mɛɛ̀ŋ, aŋ kòmàŋ anyuùŋ gbeegbèè nyiŋ nyàŋ mìè yèè aŋ jɔɔlɔ̀ nyiŋ dìì, yèè aŋ nɔ̀ŋ e bànèbane nyiŋ wèè aŋ nyɛ̀nɛ̀ŋ tɛ̀ɛ̀ dòmaŋ nyaaŋ ɗewe gbiŋ sùà.

Taitɔ̀ 3:14

Anyuùŋ wi nyàŋ kuwa wèè aŋ gbèè e ɗèwè e teenga nyiŋ nɛ̀ gbìàŋ maŋ tòmo kɛnɛ sùà. E wèè maŋ nyiiŋ nyiŋ màŋ nɔ̀ŋ e kpùùmaŋ koɓɛ̀ aŋ nyuùŋ joo bà kɛ̀ àŋ tòòmò maŋ nyiiŋ nyiŋ màŋ tɛ̀ɛ̀.

Hiɓu 11:5

E hààwe naŋ nyɛ̀nɛ̀ŋ wo Inɔ̀ jèè wɔŋ nyiiŋ gèeɔ̀ sùà. Wèè esaɓù lii wò naŋ wa jòwò ko àìjɛnɛ̀ŋ, yèè wo nyùùŋ gbiŋ gòuŋ wa ɓɛ̀nɛ̀ŋ mɛɛ̀ŋ, esaɓù kɛ̀ wo Dayà nauŋ wa joowò. Wɔŋ fɛ̀ì Dayàa wààŋ wèè paŋ wo Inɔ̀ jòwà wa, ke mìè seì naŋ tɔɔ̀ kɛ̀ wò naŋ wa nyɛ̀nɛ̀ŋ e nɛ̀ɛŋ wo Dayà manaŋ wa lɛ̀.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.

2Pììlɛ 1:8

Maŋ keì mààŋ mɛɛ̀ŋ nìŋ kuwa naŋ nyɛ̀nɛ̀ŋ, sèè nìŋ nyɛ̀nɛ̀ŋ miìŋ yèè nìŋ nyɛ̀nɛ̀ŋ miìŋ zimgbe zimgbe, è do nàŋ nyɛ̀nɛ̀ŋ naŋ nɔ̀ŋ kpala kpala, niŋ naàŋ nɔ̀ŋ ànyuùŋ jɛ̀kɛ e nyaàiŋ dè e jiikɛ̀ɛɛ̀ nìŋ kuwa wèè wo Kana wiɔ̀ Jisɛ̀ Kulaì lɛ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

3Jɔ̀ɔŋ 1:6

Àŋ naŋ fè ke mìè seì koɓɛ̀ ke gbòò anyuùŋ hààwe nyàŋ e nyaàìŋ dè e mànaàŋ mùŋ kuwa lɛ̀. Kɔ̀nɛɛ̀ŋ kpùùmàŋ nyiŋ aŋ nyɛ̀nɛ̀ŋ e kààiŋ nyiŋ nɛ̀ wèè e fɔɔyɛ̀ wo Dayà jii.