Juù 1:8 - WƆŊ FƐ̀Ì EBÒ SÌÀŊ DAYÀA

⁸ Anyùùŋ nyaŋ mìŋ yaà wòò kii nyiŋ nyàŋ, àŋ yaà mààŋ anyùùŋ gò maŋ gɔa nyàŋ pɔɔpɔ̀ɔ̀ maŋ kpùnàŋ nyiiŋ bi màŋ maŋ jùumù sùà nyaŋ. Àŋ giiyà e gààŋ tòòmò Dayàa maŋhɛɛ, yèè aŋ fè maŋ mìè ɓɛ̀ɛ̀pɔ̀ɔ koɓɛ̀ aŋ màikà nyaŋ ko àìjɛnɛ̀ŋ.

Juù 1:8 ပူးပေါင်းရင်းမြစ်များ

Luù 11:25

Sèè wo jinàaŋ naanààaŋ kɛɛ̀o, wò mɛɛ̀ŋ wo nyùùŋ bi wò yaà mààŋ ko saaŋ kò yaà hàmaŋ fo, yèè kò zɛnɛŋ.

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Luù 19:14

Kɛɛ anyùùŋ wuŋ bi nyàŋ wɔŋ fuɔuŋ nɔɔ̀ŋ nauŋ wa wùɔ̀ŋ. Kpeiŋ àŋ naŋ tùɔ̀ŋ aŋ keela wɔŋ fuɔŋ joo bi sùà wèè aŋ woò nyààŋ, ‘E manàìŋ wò felaa wɛɛ̀ wò do nɔ̀ŋ wò kana wiɔ̀.’

Nyɛ̀nɛ̀ŋ 23:5

Wo Pɔɔ̀ naŋ fasàì wààŋ, “Nyɛ̀iŋ nààŋ wùìyaim nyàŋ, miŋ nyimààŋ weè kɛ̀ wuŋ nàŋ yaà wò Kànà Sìèfèìŋ Zòòlo Gbeeɔ̀. Wɔŋ Fɛ̀ì Dayàa naŋ woò wààŋ, ‘Ɓɔ̀ mùŋ woò è keì naanààŋ kòɓɛ̀ wò sìèfèìŋ àŋ nyunùum nyàŋ.’ ”

Nyɛ̀nɛ̀ŋ 7:27

Kɛɛ wo yèɔ yaà wa ɓùlìè wo dàwiuŋ nɔɔ̀ŋ wɔ naŋ dùlò wo Mòòze wɔŋ fàà guùŋ yèè wò nauŋ dawè wààŋ, ‘Ɓòò naum nyɛ̀nɛ̀ŋ wo kana yèè wo nyuùŋ gbàì gòlàà diɛŋ wi?

Nyɛ̀nɛ̀ŋ 7:39

“Kɛɛ aŋ nèwàènèwe wi nyàŋ naŋ gè maŋhɛɛ wèè auŋ jàà kùàŋ dìì; àŋ nauŋ dùlò fàà guùŋ yèè àŋ naŋ nyɛ̀nɛ̀ŋ wànàŋ maŋ jii nyiŋ màŋ sùà wèè aŋ kɛɛ̀ ko Ijè.

1 Kɔliìŋ 3:17

Wo Dayà do nàŋ pɔ̀ɔ̀pɔ̀ɔ̀ wo nyùùŋ gbiŋ wo yèɔ pɔɔpɔ̀ɔ̀ ke saaŋ zòòlò Dayàa wɔ̀. Ke saaŋ zòòlò Dayàa kè yaà ke sààŋ nɛɛmaŋ, yèè nyɛ̀iŋ bi nàŋ yaà ke saaŋ zòòlouŋ nɛɛ̀ŋ.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

1Time 1:10

e kpùlìà anyùùŋ maŋ kpèè naanààŋ nyaŋ, anyuùŋ nyɛ̀nɛ̀ŋ hmɔ̀ŋtù fɛɛ̀ nìngè nyaŋ, anyuùŋ ɓèmè anyùùŋ e ɗo dìì, aŋ yè nyaŋ tɔɔ e kìlà àŋ fè maŋ mìè seì tòa nyàŋ, ɔ̀ɔ̀ aŋ yè nyaŋ kaà e keì gò kɛ̀ɛ̀nɛ̀ŋ jiikɛ̀ɛ è hààweɛ̀ sùà nyaŋ.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

1Pììlɛ 2:17

Kùwiè e ɓɛ̀ɛ̀jàa wèè nyùùŋ gbiŋ, mànaìŋ ke gbòò aŋ wùìya nyàŋ, niŋ dùàŋ Dayà yèè niŋ kiɛ̀ŋ wo Kànà Gbèè fuɔɔ̀ŋ e ɓɛ̀ɛ̀jàa.