Juù 1:7 - WƆŊ FƐ̀Ì EBÒ SÌÀŊ DAYÀA

⁷ Jàaìŋ ko Sɔdɔ̀ùŋ yaà ko Gòmolà jii, yèè maŋ jawa gbɛ̀ɛ̀ kɔɔ miŋ màŋ. Anyùùŋ bi naŋ wa nyɛ̀nɛ̀ŋ mààŋ aŋ màikà nyaŋ naŋ wa nyɛ̀nɛ̀ŋ lɛ. Àŋ naŋ wa tòòmò maŋ kpùnaŋ nyiŋ màŋ wèè maŋ kèì nàànààŋ ke yɛ̀ɛ̀ hmɔtu kà tinàŋ gbiŋ nyìniaŋ. Àŋ naŋ kɔ̀ e nìmìlà kèì nyìngà e hmɔɔ̀ŋ kùwa dìì wèè nyiiŋ gèe gò jùà julɔfɔ, wèè e nɔ̀ŋ e gòo sengèì wèè anyùùŋ nyaŋ gbiŋ.

Juù 1:7 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 11:24

Weètii tɔ̀ miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ eiŋ nìàŋ, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ maŋ kpàlàùŋ kpàlàùŋ maŋ sùà lɛ e ɗuunyaàŋ.”

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Luù 17:29

Ke ɗɔɔɛ̀ wo Lɔɔ̀ naŋ wa yèwè ko Sɔdɔ̀ùŋ lɛ, e hmɔɔ̀ŋ jɛi yaà le dùò e hmɔ̀ɔ̀ŋ naŋ wa fòlò ko àìjɛnɛ̀ŋ yèè è naŋ sɔ̀ɔ̀ ko jawaì e jìwà aŋ gbiŋ.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

2Tɛsè 1:7

yèè nyɛ̀iŋ nyàŋ naŋ yɛ̀mɛ̀ e mɔ̀ɔ̀nɛŋ nyàŋ, wò doiŋ nàŋ filè e kìlà wo wi filè yàwi pɛɛ. Wò do tɛɛ̀ nàŋ nyɛ̀nɛ̀ŋ sèè wo Kanaà Jisɛ̀ yaà aŋ màìkà gaàuŋ nyàŋ àŋ hnàŋ e yìwìà ko àìjɛnɛ̀ŋ,

2Tɛsè 1:8

e hmɔɔ̀ŋ kùwa sùà wèè wo gbàì e tɔ̀ɔ̀nyaàŋ sùà anyùùŋ nyaŋ naŋ kùwìè wo Dayà maŋhɛɛ nyàŋ, yèè aŋ yè nyaŋ fè jɔ̀ɔ̀lɔ̀ Èbò Siaàŋ nyaàiŋ dè wò Kana wiɔ̀ Jisɛ̀ dìì nyaŋ.

2Pììlɛ 2:2

Anyuùŋ zimgbe do nàŋ dè maŋ kpèè naanààŋ nyiŋ màŋ maŋjɛ̀wɛ, e nɔ̀ŋ saɓù anyùùŋ kùùnò gbòà maŋ mìè ɓɛ̀ɛ̀pɔ̀ɔ nyaàiŋ dè ke dòmàŋ tɔ̀ɔ̀nyaàŋ.

2Pììlɛ 2:6

Wo Dayà naŋ wa hèè e kìtì hmɔ̀ɔ̀ŋ ko Sɔdɔ̀ùŋ yaà ko Gòmolà, maŋ jawa bi maŋ gbiŋ kìlà e duum, yèè wò naŋ miŋ nyɛ̀nɛ̀ŋ wèè maŋ nɔŋ e tɔ̀ɔ̀màŋseì wèè e nɛ̀ɛŋ do nàŋ kaaìŋ koɓɛ̀ anyuùŋ gò nyìmàŋ Dayà nyaŋ lɛ̀.

2Pììlɛ 3:7

Kɛɛ ke mìè gbòà guùŋ yii wo Dayà naŋ yɛi wa gbòò le, naŋ kìlìè maŋ àìjɛnɛ̀ŋ maŋ yèè e dìì lɛɛ̀ nàaŋ kùàŋ feìŋ wèè e hmɔ̀ɔ̀ŋ go miŋ nàŋ pɔɔpɔ̀ɔ̀, e jèèsùà ke ɗɔ̀ɔ̀ gbài kitiɛ̀ diɛŋ wo Dayà wo gbàì anyuùŋ gò nyìmàŋ Dayà nyaŋ e kìlà wo nyiŋ sìà e hmɔ̀ɔ̀ŋ wa nàwèè.