Juù 1:4 - WƆŊ FƐ̀Ì EBÒ SÌÀŊ DAYÀA

⁴ Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Juù 1:4 ပူးပေါင်းရင်းမြစ်များ

Maafiù 13:25

Wɔŋ dùùm guùŋ, e teengaà anyùùŋ nyaŋ gbiŋ yaà wa maŋ jàwè lɛ, wo joouŋ naŋ hnè yèè wò naŋ vààì maŋ dɛɛ naanààŋ kòmàŋ e kpàli lɛ̀ e fèemàŋ ko ɓùi yèè wò naŋ kɔ̀.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

1Time 5:8

Kɛɛ sèè wo nyùùŋ gbiŋ go yɛ̀mɛ̀ ke kpoouŋ nɛɛ̀ŋ diɛŋ, ɓɔɔɓɔɔ ngèè aŋ yè nyaŋ yaà ke kpòò nyiiŋ biɛ̀ sùà nyaŋ, àŋ gììyà e hààweɛ̀ maŋhɛɛ, yèè àŋ nìàŋ anyuùŋ gò kùwìè hààwe nyàŋ.

2Time 2:12

Sèè è naiŋ jèè kɔ̀ɔ̀yɛ̀ keì nyìnga dìì, yàwiiŋ nyiŋ doiŋ nàŋ nɔ̀ŋ e kana kɛ̀ɛ̀uŋ nɛ̀ sùà. Sèè euŋ gììyà maŋhɛɛ, wò do wi nàŋ gììyè maŋhɛɛ.

2Time 3:6

Aŋ bà nyiŋ kɔ̀à maŋ sààŋ anyuùŋ joo dìì, wèè aŋ kùwie e gààŋ aŋ jɔ̀ùŋ kɛ̀ɛ̀nɛ̀ŋ zɔ̀kpɔ̀ nyaŋ diɛŋ wèè aŋ nyiŋ kàà e kàà kàaɓì nyiŋ nɛ̀ aŋ yè nyaŋ yaà aŋ ɗo maŋ jùùmù nyiŋ màŋ dìì yèè maŋ jùùmù bi nàŋ toomàŋ nyiìŋ wèè aŋ nyɛ̀nɛ̀ŋ maŋ keì naanààŋ zimgbe maŋ kpùnaŋ nyiŋ màŋ sùà.

1Pììlɛ 2:16

Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.

1Pììlɛ 4:18

Nààŋ wɔŋ fɛ̀ì Dayàa naŋ woò lɛ, “È naŋ nyìngè wèè anyùùŋ tɔ̀ɔ̀nyaàŋ nyaŋ aŋ yɛ̀mɛ̀ e jòèyè, kɛ̀ kiìŋ nàŋ do nàŋ kaaìŋ koɓɛ̀ anyùùŋ maŋ jùumù nyaŋ yaà aŋ yè nyaŋ gò hààwè Dayà nyaŋ?”

2Pììlɛ 2:10

kaikai ngèè aŋ yè nyaŋ dè maŋ kpèè kùwà ninaŋ màŋ yaà maŋ kpùnaŋ nyiŋ màŋ sùà maŋ maŋjɛ̀wɛ aŋ kɔ̀ɔ̀yɛ̀ e gaàŋ Dayàa fɛ̀ɛ̀ sùà. Aŋ kààmɔɔŋ tòa nyɛɛ̀ŋ naŋ nyìngè ɗì e kìlà aŋ fè dùàŋ nyùùŋ, aŋ fè kìɛ̀ŋ àŋ jinàŋ kùwìè e gààŋ tòmo nyàŋ ko àìjɛnɛ̀ŋ è ɓɛ̀ɛ̀jàa, àŋ diɛ̀ŋ nyiìŋ.

2Pììlɛ 2:7

Wo Lɔɔ̀ wo yèɔ yaà wa wo nyùùŋ tɔ̀ɔ̀nyaàŋ wɔ, yèè wò yaà wa ke jii mɔ̀ɔ̀nɛŋ sùà wèè maŋ kpèè nàànààŋ anyuùŋ gò nɔ̀ŋ màŋ sàwà dìì nyaŋ wɔ̀, wo Dayà nauŋ wa joeyè.

2Pììlɛ 3:7

Kɛɛ ke mìè gbòà guùŋ yii wo Dayà naŋ yɛi wa gbòò le, naŋ kìlìè maŋ àìjɛnɛ̀ŋ maŋ yèè e dìì lɛɛ̀ nàaŋ kùàŋ feìŋ wèè e hmɔ̀ɔ̀ŋ go miŋ nàŋ pɔɔpɔ̀ɔ̀, e jèèsùà ke ɗɔ̀ɔ̀ gbài kitiɛ̀ diɛŋ wo Dayà wo gbàì anyuùŋ gò nyìmàŋ Dayà nyaŋ e kìlà wo nyiŋ sìà e hmɔ̀ɔ̀ŋ wa nàwèè.

1Jɔ̀ɔŋ 2:22

Ɓòò, kai, nàŋ yaà aŋ nyuùŋ tòa nyàŋ? Aŋ yè nyaŋ naŋ woò nyààŋ wo Jisɛ̀ nààŋ wo fè Kulaìɔ wɔ̀. Anyùùŋ mààŋ nyɛɛ̀ŋ nàŋ yaà aŋ jòò Kulaì nyaŋ, yèè àŋ naŋ gììyè wo Dèdaà yèè wo Jɔ̀àfelaaà maŋhɛɛ.

Juù 1:15

wèè wo hàà kiti anyùùŋ nyaŋ gbiŋ diɛŋ. Wò do nàŋ ngàìnɓù anyuùŋ gò nyìmàŋ Dayà nyaŋ gbiŋ wèè maŋ jùumù maŋ gbiŋ àŋ naŋ wa dè nyɛ̀nɛŋ màŋ e kpùlìà maŋ mìè gbòà ɓɛ̀ɛ̀pɔ̀ɔ naanààŋ maŋ kinɛiŋ àŋ naŋ wa dè gbòa maŋ nyiiŋ gè nyiŋ màŋ sùà maŋ e nyaàiŋ euŋ dè.”

Juù 1:18

Àŋ naiŋ wa woò nyààŋ, “Sèè maŋ ɗɔɔ dìàmaaŋ màŋ gbɛɛ wa nàwèè, anyùùŋ bà do nàŋ fòlò aiŋ hiilè, anyùùŋ nyaŋ naŋ dè e ɗèwè Dayà gò nyìmàŋ nyiŋ bi lɛ̀ maŋjɛ̀wɛ nyàŋ.”

Maŋ kèì nyɛɛnɛŋ 15:4

Ɓòò nààŋ naum kìɛ̀ŋ ɓɛ̀ɛ̀jàa e kìlà wo jòòwò e deè mɔ̀ɛ̀, Kanaà? Ɓòò nàŋ do nàŋ gè maŋhɛɛ wèè wo dàànè ebò e gbee mɔ̀ɛ̀? Muàŋ guùŋ nàŋ yaà wo jè nɛɛmaàŋ. Anyùùŋ nyaŋ maŋ fuɔŋ màŋ gbiŋ sùà do nàŋ hnè yèè aum zoolò, esaɓù kɛ̀ àŋ yɛmɛ̀ maŋ kpèè tɔ̀ɔ̀nyaàum màŋ gbiŋ janjai.”