Juù 1:3 - WƆŊ FƐ̀Ì EBÒ SÌÀŊ DAYÀA

³ Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.

Juù 1:3 ပူးပေါင်းရင်းမြစ်များ

Nyɛ̀nɛ̀ŋ 17:3

wèè wo nyiŋ tɔɔ̀ kɛ̀ wo Kulaìɔ wo Dayà naŋ wa tàeɗùù wèè wo jòèyè e ɗuunyaàŋ wɔ kuwa wa wo kà e nimilà dìì yèè wo fà, e kìlà wo yèwà e fàa dìì wɔŋ nyiiŋ gèeo sùà. Wo Pɔɔ̀ naŋ nyiŋ woò wààŋ, “Wo Jisɛ̀ wɛɛ̀ mìŋ yààìŋ yaà wòò e kiiuŋ wɔ̀ nàŋ yaà wo Kulaìɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ.”

Nyɛ̀nɛ̀ŋ 18:28

Wò naŋ wa gììyè aŋ Juùù nyaŋ maŋhɛɛ yèè yaà nyiŋ naŋ kpaane kpàànè ko ɓài. Yèè wò naŋ nyiŋ tɔɔ̀ janyai e yìwìà wɔŋ fɛ̀ì Dayàa sùà kɛ̀ wo Jisɛ̀ nàŋ yaà wo Kulaìɔ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Nyɛ̀nɛ̀ŋ 4:12

Wuŋ guùŋ nɔŋ naum ɓɛ̀nɛ̀ŋ jòèye. Wo nyùùŋ bà gbiŋ fè kò àìjɛnɛ̀ŋ dìì wò yèɔ wò Dayà naŋ wi kiɛ̀ŋ wɔ wèè wo wi joeyè eɓìèmàŋjɛ̀wɛ̀ wuŋ.”

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Nyɛ̀nɛ̀ŋ 9:13

Wo Ananaayà naŋ fasàì wààŋ, “Kanaà, anyuùŋ zimgbe àim wòò e kèè wo felaa wɛɛ̀, e nyaàiŋ dè maŋ keì naanààŋ maŋ kinɛiŋ wò naŋ nyìnìè anyùùŋ nɛɛmauŋ nyàŋ ko Jùlusɛ̀làm lɛ.

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

Gàla 2:5

Kɛɛ è manaŋ wa wèè naŋ kɛ̀ɛ̀nɛ̀ŋ Ebò Sìàŋ tɔ̀ɔ̀nyaàaŋ. Tɛɛ̀ naŋ nyɛ̀nɛ̀ŋ e gò nyiŋ wa nyimèè wèè è teenga kpuu pɛɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Gàla 6:11

Yɛ̀mɛìŋ maŋ fɛi gbeegbèè maŋ mìŋ naŋ banè nààŋ mìŋ naŋ miŋ sìngìè wɔŋ kùàŋ miàŋ biɔ̀ lɛ̀.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Kòlo 1:2

nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ hààwè nɛɛmaŋ nyàŋ ko Kòlosìà, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ. Tɔ̀ wo Dayà wo Dèda wiɔ̀ wo kiɛ̀iŋ e tɛ̀ɛ̀tɛ̀ɛ̀ yèè ke jii fàa.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Time 1:18

Jɔ̀à miɔ̀ŋ Timetè, mìŋ yààùm tùlia sùà ke jii wèè e gààŋ lɛɛ̀, e nyaàiŋ dè maŋ mìè gbòa màŋ wo wɛ̀ijìɔ naŋ wa gbòò e teengà gɔu sùà e nyaàiŋ eum dè lɛ. Tòòmo maŋ mìè gbòa mɛɛ̀ŋ mààŋ manɛ̀ŋ sùmìàŋ e ɗùà wèè muŋ sòmàŋ tɛ̀ɛ̀,

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

2Time 1:13

Kùwià maŋ mìè tɔ̀ɔ̀nyaàŋ maŋ mìŋ naum wa kaà maŋ ke di, wèè maŋ nɔ̀ŋ e tɔ̀ɔ̀màŋseì maŋ niŋ dè maŋjɛ̀wɛ̀, yèè muŋ jeeè e hààweɛ̀ yaà e mànaàŋ e yèɛ yaà weè wi nààŋ è yààìŋ aŋ bàwibà wo Jisɛ̀ Kulaì sùà lɛ.

Taitɔ̀ 1:4

Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

Hiɓu 13:22

Mìŋ yààìŋ pɔɔwɔ nyɛ̀iŋ nààŋ wùìyaim nyàŋ, wèè naŋ kòmàŋ maŋ mìè gbìàŋ jii nyingè mɛɛ̀ŋ, esaɓù kɛ̀ wɔŋ fɛi sìngaim wɛɛ̀ŋ ko nɛ̀ɛ̀iŋ niìŋ, wɔŋ gò mùnlàŋ.

Hiɓu 6:9

Jòòpɛɛ èiŋ yɛi wɛ̀i gbòà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ, kɛɛ tɔɔɓaa èiŋ nyìmàŋ kɛ̀ kòò nìŋ yaà nyìnìè maŋ kèì jii tùlia kɛnɛ màŋ anyùùŋ nyɛnɛŋ sèè wo Dayà joeyà nyiìŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

2Pììlɛ 2:21

È hewa weè nàŋ nɔ̀ŋ tɛ̀ɛ̀ e wèè kɛ̀ ɓɔ̀ àŋ nyìmàŋ kè dòmàŋ tɔ̀ɔ̀nyaàaŋ, e wèè aŋ niŋ nyìmàŋ kpeiŋ aŋ fè ke sàwà nɛɛmaàŋ jɛwɛ ke yèɛ wo Dayà naŋ kiɛ̀ŋ lɛ̀.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.

Juù 1:17

Kɛɛ nyɛ̀iŋ nààŋ dàwi mànaim nyàŋ, jàaìŋ maŋ keì maŋ aŋ kèèlà tàeɗùù Kana wiɔ̀ Jisɛ̀ Kulaì naiŋ wa woò e gɔuo sùà lɛ jii.

Juù 1:20

Kɛɛ sèè è nɔ̀ŋ wèè nyɛ̀iŋ nààŋ dàwi mànaim nyàŋ, kùnoìŋ nɔŋ nyɛ̀nɛ̀ŋ nyɛ̀iŋ bi wèè niŋ nyìngà sùà wèè e hààwè nɛɛmaàŋ nìŋ kuwa lɛ̀. Zòòloìŋ e gààŋ Jìnàŋ Dayàa sùà,

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”