Juù 1:25 - WƆŊ FƐ̀Ì EBÒ SÌÀŊ DAYÀA

²⁵ Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.

Juù 1:25 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luù 1:47

Wɔŋ nyììŋ jinàŋ miɔ̀ŋ yaà e zɔlɔ̀ sùà esàɓù Dayà, wo Nyuùŋ Jòèye miɔ̀ŋ.

Jɔ̀ɔŋ 4:22

Anyùùŋ nyaŋ e yìwìà ko Sàmilià aŋ nyimààŋ kɛ̀ ɓòò àŋ zoolà. Kɛɛ yàwi nààŋ Juùù nyaŋ èiŋ nyìmàŋ wo Dayàa è zoolàìŋ wɔ, yèè esaɓù wilɛ̀ sùà anyùùŋ nyaŋ gbiŋ e ɗuunyaàŋ àŋ do nàŋ jòèyè.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Luùm 11:33

Diè wo Dayà yaà yɛi tɛ̀ɛ̀ zimgbe koɓɛ̀ anyùùŋ nyaŋ gbiŋ le! Diè wò kuwa yɛi jiikɛ̀ɛ zimgbe yèè wò naŋ nyìmè e keì fèemàŋ le! Ɓòò naŋ ɓɛ̀nɛ̀ŋ gɔ̀àì è kitiuŋ nɛ̀ sùà? Ɓòò naŋ ɓɛ̀nɛ̀ŋ nyìmàŋ maŋ kpèèuŋ màŋ?

Luùm 11:36

Tɔɔɓaa wo Dayà naŋ wa bànè manɛ̀ŋ maŋ gbiŋ. Wuŋ nàŋ kuwa e gàaŋ manɛ̀ŋ maŋ gbiŋ diɛŋ. E jòòwo nɔ̀ŋ koɓɛ̀ Dayài wèè julɔfɔ. Àmiinàŋ.

Luùm 16:27

Tɔɔɓaa, esàɓù Jisɛ̀ Kulaìɛ sùà, è joowàìŋ wo Dayà guùŋ kɛ̀ɛ̀nɛ̀ŋ jiikɛ̀ɛɔ̀ wèè julɔfɔ. Àmiinàŋ.

Ɛfesɔ̀ 1:8

e yèɛ wò naŋ wi kiɛ̀ŋ zimgbe lɛ̀! Esaɓù kɛ̀ wo Dayà kuwa e jiikɛ̀ɛ kà tinàŋ gbiŋ, yèè wò naŋ nyìmè e nɛ̀ɛŋ gbiŋ.

Ɛfesɔ̀ 3:10

Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

1Time 2:3

E zòòlo mààŋ tɛɛ̀ è yaà tɛ̀ɛ̀, yèè è fɔɔyɛ̀ wo Dayà wo Nyuùŋ Jòèye wiɔ̀ ke jii,

Taitɔ̀ 2:10

ɔ̀ɔ̀ ɓɔ̀ àŋ wùà àŋ kɛ̀ɛ̀nɛŋ nyiŋ nyàŋ sìwè. Kɛɛ aŋ tɔɔ̀ kɛ̀ e teenga gbiŋ àŋ yaà tɛ̀ɛ̀ yèè aŋ nɔ̀ŋ anyuùŋ tùlìà jii, kpeiŋ kɛ̀ tɛɛ̀ do nàŋ tɔ̀ɔ̀ e ɓɛ̀ɛ̀jàa gbee koɓɛ̀ e kàaà e nyaàiŋ dè wo Dayà wo Nyuùŋ Jòèye wiɔ̀ maŋ keì nyɛ̀nɛŋ nyiŋ màŋ gbiŋ sùà.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Taitɔ̀ 3:4

Kɛɛ nààŋ e tɛ̀ɛ̀tɛ̀ɛ̀ yaà e mànàŋ Dayàa, wo Nyuùŋ Jòèye wiɔ̀ naŋ nɔ̀ŋ tɔ̀ɔ̀ niŋ ko nɛ̀ɛ̀ŋ wiì lɛ,

Hiɓu 13:8

Wo Jisɛ̀ Kulaì fè vɔɔnɔ̀ŋ julɔfɔ. Wuŋ nàŋ yaà wo Jìsɛ̀ gunɔ̀ɔŋ jɛ̀ɛ̀, nàaŋ ɗɔɔ yɛɛ̀, yèè julɔfɔ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

Maŋ kèì nyɛɛnɛŋ 1:6

e kìlà wò naŋ wi nyɛ̀nɛ̀ŋ aŋ kana, wèè eiŋ zòòlò Dayà wo Dèdauŋ nɔɔ̀ŋ mààŋ aŋ sìèfèìŋ zòòlo. E jòòwo yèè e gààŋ nɔ̀ŋ koɓɛ̀ wo Jisɛ̀ Kulaìi wèè julɔfɔ yèè julɔfɔ! Àmiinàŋ.