Juù 1:24 - WƆŊ FƐ̀Ì EBÒ SÌÀŊ DAYÀA

²⁴ Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Juù 1:24 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Maafiù 25:31

Yèè wo Jisɛ̀ naŋ nyiŋ ɓɛìŋ woò wààŋ, “Sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e jòòwo gbee mɛ̀ sùà, yèè aŋ màikà nyaŋ gbiŋ àŋ yààìm kɔɔ, mìŋ do nàŋ jɛ̀ì ke kpùà Kana miɛ̀ŋ diɛŋ.

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Luù 9:26

Sèè wo nyùùŋ gbiŋ woim nyìnìàŋ sàngè e kpùlìà kè mìè gbìàŋ ebò siaàŋ, kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ douŋ wa nàwèè nàŋ nyìnìè sàngè e teengaà mìŋ hnàŋ wa nàwèè e gbolòùŋ mɛ̀ yàà gbòlòùŋ mɛ̀ɛ̀ŋ gbèè Dèdauŋ miɔ̀ŋ sùà yaà aŋ màikà nɛɛmaŋ nyàŋ.

Luùm 14:4

Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.

Luùm 8:31

Kiìŋ è naiŋ ɓɛ̀nɛ̀ŋ wòo e nyaàiŋ dè maŋ keì mɛɛ̀ŋ gbiŋ? Sèè wo Dayà nɔ̀ŋ weè wi, kɛ̀ ɓòò naŋ ɓɛ̀nɛ̀ŋ nɔ̀ŋ wo joo wi?

2 Kɔliìŋ 11:2

Mìŋ yaà le koo zimgbe wèè muàŋ, nààŋ nɔŋ wo Dayà yaà lɛ, mùŋ yaà mààŋ wo jɔ̀ùŋ jɔ̀à bɛ̀ɛ̀ zɛ̀nɛŋ wo yèɔ mìŋ naŋ ɓèmè e ɗààhiì ke yɛɛ̀ gbìàuŋ koɓɛ̀ wo fèlàà guùŋ kpò nɔŋ wɔ̀, tèènè mààŋ wo Jisɛ̀ Kulaì wuŋ bi.

2 Kɔliìŋ 4:14

Eiŋ nyìmàŋ kɛ̀ wo Dayà, wo yèɔ naŋ gè wo Kanaà Jisɛ̀ e fàaà dìì wɔ, wò do wi nàŋ gè dìì yàwi pɛɛ e kpùlìà Jisɛ̀, wo wi kɔà e hààwè nyɛ̀iŋ nààŋ gbiŋ diɛŋ ko fɛ̀ɛ̀fèìŋ wuŋ biì.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

Ɛfesɔ̀ 3:20

E gaàuŋ nɛ̀ yaà wì tòòmò kɔɔ sùà lɛ, è nyɛnɛŋ zimgbe e nìàŋ e yèɛ gbiŋ è naiŋ ɓɛ̀nɛ̀ŋ dàwe weè niŋ lɛ̀, ɔ̀ɔ̀ e yèɛ kàìŋ nɛ è naiŋ ɓɛ̀nɛ̀ŋ gòngò kii niŋ lɛ̀. Mìŋ zoolà wèè wo Jisɛ̀ Kulaì yaà ke gbòò anyuùŋ hààwe nyàŋ aŋ hìàŋ e jòòwo koɓɛ̀ Dayài, e teenga gbiŋ sùà wèè julɔfɔ yèè julɔfɔ Àmiinàŋ.

Ɛfesɔ̀ 5:27

Wò naŋ yɛi nyɛ̀nɛ̀ŋ wèè wo kɛɛnɛ̀ŋ ke gbòò anyuùŋ hààwe nyàŋ e jòòwo yèè e nɛɛmaŋ sùà, wèè ɓɔ̀ kè kuwìè lè fee ɔ̀ɔ̀ è tɔ̀mɛ bà gbiŋ.

Kòlo 1:22

kɛɛ esàɓù e fà ke kpùnàŋ wo Jɔ̀àfelaauŋ nɔɔ̀ŋ, wo Dayà wòiŋ nyɛ̀nɛ̀ŋ nàŋ nɔ̀ŋ anyuùŋ mɔ̀ɔ̀nɔuŋ, wèè wo nyɛ̀nɛ̀iŋ niŋ nɔ̀ŋ nɛɛmaŋ, niŋ zɛ̀nɛŋ, e kìlà ɓɔ̀ niŋ kɛɛnɛ̀ŋ tɔ̀mɛ kò fɛɛ̀fenùuŋ.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

Kòlo 3:4

Wɔŋ nyiiŋ gèe kɛnɛiŋ nɔɔ̀ŋ nàŋ yaà wo Jisɛ̀ Kulaì, sèè wò folo wa nàwèè ɓɛìŋ ko fɛɛ̀feìŋ, kpeiŋ kɛ̀ nyɛ̀iŋ yèè wuŋ do nàŋ fòlò ko fɛɛ̀feìŋ, e kìlà nìŋ do nàŋ nɔ̀ŋ aŋ bàiŋbà e jòòwouŋ nɛ̀ sùà.

2Time 4:18

Wo Kanaà doim nàŋ joeyè woim gè maŋ keì naanààŋ sùà, e kìlà woim kɔ̀à e Kànà àìjɛnɛ̀uŋ nɛ̀ sùà. Tɔ̀ e jòòwo nɔ̀ŋ e weèuŋ wèè julɔfɔ yèè jùlɔ̀fɔ̀! Àmiinàŋ.

Jìiiŋ 2:10

Wo nyùnɔ̀ɔŋ pɛɛ kùwà maŋ sàwà maŋ gbiŋ kɛɛ wo sòò kè guùŋ wò ɓà maŋ gbiŋ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

Juù 1:21

yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.

Maŋ kèì nyɛɛnɛŋ 14:5

Anyùùŋ nyɛɛ̀ŋ kòò àŋ wòò wa è tòa, yèè aŋ kuwà è tɔ̀mɛ bà gbiŋ.