Juù 1:23 - WƆŊ FƐ̀Ì EBÒ SÌÀŊ DAYÀA

²³ Jòèyeìŋ nyùùŋ gbiŋ wo yèɔ manaŋ wo jòèyà wɔ màànààŋ nìŋ henàŋ zòkpò wo nyùùŋ bà e yìwìà e hmɔ̀ɔ̀ŋ sùà lɛ. E jùù kpùlìà ke nyowo nɔ̀ŋ jiiiŋ màŋ diɛŋ wèè wo nyùnɔ̀ɔŋ manaŋ ke nyowo wɔ̀. Kɛɛ wùaìŋ anyùùŋ nyaŋ naŋ kùwò ninaŋ esàɓù maŋ kpèè kùwà ninaŋ nyiŋ màŋ sùà nyaŋ, e pɛɛ nɔ̀ŋ maŋ dèè kɔɔ nyiŋ màŋ.

Juù 1:23 ပူးပေါင်းရင်းမြစ်များ

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

1 Kɔliìŋ 15:33

Ɓɔ̀ nìŋ zuwò nyɛ̀iŋ bi. “Aŋ dàwi nyàŋ nyɛnɛŋ tɛ̀ɛ̀ nyaŋ, aŋ naanààŋ nyaŋ pɔɔpɔ̀ɔ̀ nyiìŋ.”

1 Kɔliìŋ 3:15

Kɛɛ sèè e tòmo mɔ̀ɛ̀ e hèwà, kɛ̀ maŋ niŋ gbɛ̀nɛ̀ŋ, kɛɛ muàŋ bi wo Dayà doum nàŋ joeyè, mààŋ koɓɛ̀i mùŋ folo e hmɔ̀ɔ̀ŋ sùà le.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.

2Tɛsè 3:14

È ɓɛ̀nɛ̀ŋ hɛ̀ɛ̀nɛŋ kɛ̀ anyùuŋ bà kui, aŋ naàŋ jɔ̀ɔ̀lɔ̀ kè miè gbìaàŋ è naŋ tùɔ̀ŋ wɔ̀ŋ fɛi wɛɛ̀ŋ sùà yɛ dìì. Sèè tɛɛ̀ è kaaìŋ yɛi, jàaìŋ nyiŋ jii niŋ gè kii nyiŋ kùàŋ sùà wèè e sàngè nyɛ̀nɛ̀ŋ nyiŋ.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

2Jɔ̀ɔŋ 1:11

Wo nyùùŋ gbiŋ naŋ jàà anyùùŋ mààŋ nyɛɛ̀ŋ kùàŋ dìì wɔ, wò nɔ̀ŋ wo bà nyiŋ bà wèè maŋ kpèè naanààŋ maŋ àŋ nyɛ̀nɛŋ màŋ.

Juù 1:22

Anyùùŋ nyaŋ yaà e sikà sùà nyaŋ, yɛ̀mɛìŋ nyiŋ nyowo niŋ kpuumàŋ nyiŋ.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.

Maŋ kèì nyɛɛnɛŋ 3:4

Kɛɛ nyɛ̀iŋ nààŋ kpàkaiŋ ko Saɗì, kòò nìŋ sìè è hààweiŋ nɛ̀ ninaŋ è jùumù sùà. Nìŋ doim nàŋ kààìŋ maŋjɛ̀wɛ maŋ deè fùà sùà, esaɓù kɛ̀ nìŋ kuwa e tɔ̀ɔ̀nyaàŋ wèè naŋ niŋ nyɛ̀nɛ̀ŋ.