Juù 1:21 - WƆŊ FƐ̀Ì EBÒ SÌÀŊ DAYÀA

²¹ yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.

Juù 1:21 ပူးပေါင်းရင်းမြစ်များ

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 14:21

“Wo nyùnɔ̀ɔŋ yèɔ gbiŋ mànàìm wɔ, wò do nàŋ nyɛ̀nɛ̀ŋ e yèɛ mìŋ nauŋ woò wèè wo nyɛ̀nɛ̀ŋ lɛ. Yèè wo Dèda miɔ̀ŋ douŋ nàŋ mɔ̀nɔ̀ŋ. Mìŋ do nàŋ mɔ̀nɔ̀ŋ wo nyùùŋ wii miàŋ pɛɛ, yèè mìŋ do nàŋ hnè koɓɛ̀ wo nyùùŋ wii màànààŋ nɔŋ mìŋ yaà lɛ.”

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

Luùm 5:5

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Luùm 8:39

Manɛ̀ŋ gààŋ maŋ ko fùùiŋ ɔ̀ɔ̀ ko dìlìi, manɛ̀ŋ bàne màŋ gbiŋ e ɗuunyaàŋ fè wi ɓɛ̀nɛ̀ŋ gè è mànàŋ Dayàa sùà è yèɛ yaà weè wi wo Kana wiɔ̀ Jisɛ̀ Kulaì sùà lɛ.

2Tɛsè 3:5

Tɔ̀ wo Kanaà dèiŋ ke dòmaŋ diɛŋ wèè niŋ kuwìè e mànaŋ mààŋ Dayà yèè ke jii kùwaà wo Jisɛ̀ Kulaì kiɛ̀ŋ lɛ.

1Time 1:2

Mìàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàŋ Timetèi, wo jɔ̀àfelaa kɛnɛ miɔ̀ŋ, e hààweɛ̀ sùà. Tɔ̀ wo Dayà wo Dèda wiɔ̀ yaà Kanaà Jisɛ̀ Kulaì wo Kana wiɔ̀, kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 1:2

Miàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàum Timetèi, wo jɔ̀à mànaŋ miɔ̀ŋ. Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

2Pììlɛ 3:12

Nààŋ nìŋ yaà fùlìè ke ɗɔ̀ɔ̀ Dayàa wèè ke haì lɛ, nyɛ̀nɛìŋ e yèɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè ke zumò hnàaŋ ke ɗɔɔɛ̀ maŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, yèè e zùzù do nàŋ sàngèè manɛ̀ŋ sìàŋ sìàŋ àìjɛnɛ̀ŋ maŋ.

1Jɔ̀ɔŋ 4:16

Yèè yàwi bi èiŋ nyìmàŋ e kìlà èiŋ hààwè e mànaàŋ wo Dayà kuwa weè wilɛ̀. Wo Dayà nàŋ yaà e mànaŋ, yèè aŋ yè nyaŋ nɔ̀ŋ e mànaŋ sùà nyaŋ, àŋ yaà wo Dayà sùà yèè wo Dayà yaà nyiìŋ sùà.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:21

Nyɛ̀iŋ nààŋ jɔ̀àim nyàŋ, yɛ̀mɛìŋ nyɛ̀iŋ bi diɛŋ wèè aŋ dayà joo nyàŋ.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.

Juù 1:22

Anyùùŋ nyaŋ yaà e sikà sùà nyaŋ, yɛ̀mɛìŋ nyiŋ nyowo niŋ kpuumàŋ nyiŋ.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.