Jìiiŋ 5:9 - WƆŊ FƐ̀Ì EBÒ SÌÀŊ DAYÀA

⁹ Ɓɔ̀ nìŋ tɔɔ̀ zàwè nyɛ̀iŋ wouwòù è fèemàŋ, nyɛ̀iŋ nààŋ wùìyaim nyàŋ, e wèè wo Dayà goiŋ nàŋ gbààì è keì. Wo nyuùŋ hàà kitiɔ̀ wò kià gbɛ̀ɛ̀, wò yaà e bànèbaneuŋ wèè wo hnàŋ.

Jìiiŋ 5:9 ပူးပေါင်းရင်းမြစ်များ

Maafiù 24:33

E jììkɛ̀ɛ̀ guùŋ bi sùà, sèè nìŋ yɛmɛ̀ nɔŋ maŋ keì mɛɛ̀ŋ gbiŋ màŋ nɔ̀ŋ kàaiŋ sùà, nyìmaìŋ kɛ̀ e teengaà è gbɛ̀ɛ̀ ko yɛ̀mgbɛ̀ nyùùŋ gbiŋ.

1 Kɔliìŋ 10:11

Maŋ keì mɛɛ̀ŋ gbiŋ naŋ nyiŋ kaaìŋ wèè e nɔ̀ŋ tɔ̀ɔ̀màŋseì koɓɛ̀ anyùùŋ, yèè è naŋ nɔ̀ŋ sìngaiŋ wèè e gòo ko nɛ̀ɛ̀ŋ wiì. È yààìŋ e tèèngà e ɗuunyaŋ jùaà sùà.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

2 Kɔliìŋ 9:7

Wo nyùùŋ gbiŋ kiɛ̀ŋ e yèɛ gbiŋ wò naŋ ɗewè wèè wo kiɛ̀ŋ lɛ, ɓɔ̀ mùŋ kiɛ̀ŋ wèè kè jii muɛ̀ŋ ke jòò fùùŋ ɔ̀ɔ̀ e nɔ̀ŋ mààŋ è kpàŋ è kɔɔ, wo Dayà manaŋ wo nyùnùɔŋ naŋ kiɛ̀ŋ ke jii fàa diɛŋ wɔ̀.

Gàla 5:14

Maŋ Sàwà maŋ gbiŋ màŋ yaà ke Sàwà guùŋ sùà. Ke Sàwà bi nàŋ yaà, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Gàla 5:26

Ɓɔ̀ è nɔ̀ìŋ ànyuùŋ ɓììne, ɔ̀ɔ̀ eiŋ nɔ̀ŋ gììyà sùà anyuùŋ joo e koo sèè è nɔ̀ìŋ wòò sùà wìàà è yààìŋ tɛ̀ɛ̀ e nyiŋ nìàŋ.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

Jìiiŋ 4:12

Wo Dayà guùŋ nɔ̀ŋ nàŋ kiɛ̀ŋ ke sàwàa yèè wuŋ nàŋ gbaì wo nyùùŋ. Wuŋ naŋ ɓɛ̀nɛ̀ŋ wo nyuùŋ jòèye e kìlà wo jìwà nyùùŋ. Kɛɛ ɓòò nàŋ yaà muàŋ wèè maŋ gbàì wo dàwi mɔɔ̀ŋ e keì?

Jìiiŋ 5:10

Wèè e tɔ̀ɔ̀màŋsèì e mɔ̀ɔ̀nɛŋ yèè ke jii kùwa, nyɛ̀iŋ nààŋ wùìyaim nyàŋ, yɛ̀mɛìŋ weè aŋ wɛ̀ijì nyaŋ naŋ wa gbùùyè e dèè Kanaà Dayà diɛ̀ŋ nyàŋ.

Jìiiŋ 5:7

Kùwaìŋ jii, nyɛ̀iŋ nààŋ wùìyaim nyàŋ, e jèèsùà wo Kanaà Jisɛ̀ Kulaì wo hnàŋ. Yɛ̀mɛìŋ e ɗeweɛ̀ anyuùŋ tòmò ɓù nyaŋ kuwo maŋ jii aŋ fòlà e teengaà wèè maŋ nɛ̀ŋjè jii nyiŋ màŋ kòmàŋ maŋ nɛ̀ŋje kɛnɛ maŋ diì nyiŋ màŋ diɛŋ. Àŋ kuwo maŋ jii nyiŋ màŋ aŋ fòlà maŋ gɔ̀àà e fèèmàŋ koɓɛ̀ doa nàŋ yaà e sɛ̀ɛ̀ɛ dìì maŋ.

1Pììlɛ 4:5

Kɛɛ àŋ do nàŋ fàsàì maŋ màaŋdàwè koɓɛ̀ Dayài, wo yèɔ naŋ banebànè wèè wo gbàì anyùùŋ nyaŋ kuwa nyiiŋ gèeɔ̀ nyaŋ yaà anyuùŋ fàa nyàŋ wɔ.

1Pììlɛ 4:9

Jàaìŋ anyùùŋ kùàŋ dìì maŋ gbooiŋ màŋ sùà, yèè ɓɔ̀ nìŋ gulìà ɗìòsùà wèètii.

Maŋ kèì nyɛɛnɛŋ 3:20

Kòmaìŋ tɛɛ̀! Mìŋ sià wɔŋ gbemgbeeɔ̀ feìŋ yèè ka wuŋ kpùlà. Sèè wo nyùùŋ gbiŋ komo ke miè miɛ̀ŋ e kìlà wo yìlè wɔŋ gbemgbeeɔ̀, mìŋ do nàŋ jɔ̀ ko saaŋ nyiŋ niìŋ yèè yàwi nyiŋ doiŋ nàŋ jììyè e nɛ̀ŋje koɓɛ̀ guùŋ.