Jìiiŋ 5:6 - WƆŊ FƐ̀Ì EBÒ SÌÀŊ DAYÀA

⁶ Nàŋ jèè e keì anyùùŋ, nàŋ jìwà anyuùŋ tɔ̀ɔ̀nyaàŋ, aŋ yè nyaŋ gòiŋ wa gàngà sìwè nyaŋ.

Jìiiŋ 5:6 ပူးပေါင်းရင်းမြစ်များ

Maafiù 21:38

Kɛɛ nààŋ anyuùŋ yɛ̀mɛ̀ ɓùɔ diɛŋ naŋ yɛ̀mɛ̀ wo jɔ̀àfelaauŋ nɔɔ̀ŋ, àŋ naŋ wòò nyiŋ bi e fèemàŋ nyààŋ, ‘Wo jɔ̀àfèlàà kenàaŋ wuŋ bi wɛɛ̀. Jìwà winùuŋ, kɛ̀ manɛ̀ɛ̀ŋ dààuŋ màŋ nɔ̀ŋ weè wi!’

Maafiù 27:20

Kpeiŋ aŋ kànà sìèfèìŋ zòòlo gbee nyàŋ yèè aŋ màmànkùmɛ̀ŋ fuɔɔ̀ŋ naŋ pɔ̀wɔ̀ anyùùŋ nyaŋ wèè aŋ dawè wèè wo Bàlaɓà kɛɛ aŋ jìwà wo Jisɛ̀.

Maafiù 5:39

Kɛ̀ɛ̀ tɔ̀ miŋ woòiŋ naàŋ kɛ̀, ɓɔ̀ nìŋ giiyà ànyùùŋ è kpàŋ wèè è nànàaŋ àŋ naiŋ jàà lɛ. Sèè wo nyùùŋ bà woum hàà fɛ̀ɛ̀ wɔŋ nyààŋ e kùàŋ jìka mɔɔ̀ŋ, kilà ɓɛìŋ wɔŋ nyààŋ e kùàŋ gbɔnɔŋ mɔɔ̀ŋ wuŋ pɛɛ wo haà wɔŋ fɛ̀ɛ̀.

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

Nyɛ̀nɛ̀ŋ 8:32

Kià naŋ yaà wa koɓɛ̀i wo kenàaŋ yaà wa kpinie wɔŋ fɛ̀ì Dayàa sùà lɛ, “Wò yaà mààŋ wo ɓaawaa wo yèɔ àŋ yaà kòasùà wèè auŋ jìwà, ɔ̀ɔ̀ mààŋ wo ɓaawaa bɔwɔ gò ɓɛ̀nɛ̀ŋ gòla sèè àŋ nɔ̀ùŋ hɛ̀nɛŋ sùà maŋ duum ko fɛ̀ɛ̀fèìŋ wo nyuùŋ kɛ̀ɛ̀uŋ nɔɔ̀ŋ. Yèè wo gò wa gbòà.

Hiɓu 10:38

Anyùùŋ tɔ̀ɔ̀nyaàŋ nyaŋ miàim Dayà naŋ jàà kùàŋ dìì nyaŋ, àŋ do nàŋ kùwìè e hààwe, e kìlà aŋ nɔ̀ŋ wɔŋ nyiiŋ gèeɔ̀ sùà. Kɛɛ sèè wo bà guùŋ gbiŋ wo fè e hààweɛ̀ wò kuwa lɛ̀ jɛwɛ, ke jii miɛ̀ŋ naàŋ fɔ̀ weè nyiŋ.”

Jìiiŋ 2:6

Kɛɛ màŋ pɔ̀ɔ̀ wo nyuùŋ kòmàŋ ke nuùɔŋ ɓɛ̀ɛ! Anyuùŋ bàne nyàŋ kùwòìŋ naanààŋ àŋ gɔ̀ɛ̀ìŋ dìì maŋ zɛ̀mɛ̀ɛ̀ŋ keì wòo dìì.

Jìiiŋ 4:2

E wùànàŋ manɛ̀ŋ bà nyɛ̀nɛ̀ìŋ, kɛɛ niŋ fè miŋ yɛmɛ̀, wèètii nìŋ jiwe nyùùŋ. Nìŋ nyɛnɛŋ e wùànàŋ manɛ̀ŋ keekèè, kɛɛ niŋ fè miŋ yɛmɛ̀, weètii nìŋ taaŋ nyààŋ yèè naŋ sòmàŋ. Niŋ fè yɛ̀mɛ̀ mànɛ̀ŋ maŋ nìŋ manaŋ màŋ, esaɓù kɛ̀ niŋ fè dàwè wò Dayà weè miŋ.

1Pììlɛ 4:18

Nààŋ wɔŋ fɛ̀ì Dayàa naŋ woò lɛ, “È naŋ nyìngè wèè anyùùŋ tɔ̀ɔ̀nyaàŋ nyaŋ aŋ yɛ̀mɛ̀ e jòèyè, kɛ̀ kiìŋ nàŋ do nàŋ kaaìŋ koɓɛ̀ anyùùŋ maŋ jùumù nyaŋ yaà aŋ yè nyaŋ gò hààwè Dayà nyaŋ?”