Jìiiŋ 5:20 - WƆŊ FƐ̀Ì EBÒ SÌÀŊ DAYÀA

²⁰ jàaìŋ tɛɛ jii, wo nyùnɔ̀ɔŋ gbiŋ naŋ kɛ̀lɛ̀ɛ̀ ke jìì wo nyùùŋ maŋ jùumùɔ e yìwìà ke dòmaŋ ɓàuŋ nɛɛ̀ŋ diɛŋ wɔ̀, wò do nàŋ jòèyè wo jìnàŋ nyùùŋ maŋ jùumù wii e yìwìà e fàa dìì. Yèè tii è hiàŋ maŋ jùumù zimgbe jùùyà hakɛ̀.

Jìiiŋ 5:20 ပူးပေါင်းရင်းမြစ်များ

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

Felemɔ̀ŋ - PHM 1:19

E yìwìà wɔŋ kùàŋ miàŋ biɔ̀ mìŋ yaà tɛɛ̀ singie ko nɛ̀ɛ̀iŋ niìŋ kɛ̀, miàim Pɔɔ̀, mìŋ do niŋ nàŋ paawà ko nɛ̀ɛ̀ŋ muìŋ. Kɛɛ mùŋ kùwàìm e kpàŋ wɔŋ nyiiŋ gèe jɛi mɔɔ̀ŋ esàɓù wo Jisɛ̀ Kulaì sùà.

Jìiiŋ 1:15

Kpeiŋ sèè e wànàŋ maŋ keì naanààŋ jɔ̀à wo nyùùŋ ke jiio sùà, yèè wo nyùùŋ bi jàà maŋ keì bi kùàŋ dìì, wò do naŋ gbìɛ̀ŋ kùàŋ maŋ kèì jùumù nyɛ̀nɛŋ sùà. Sèè wo nyùùŋ wò jeeyà maŋ jùumù sùà, ko jee ɗìuŋ niìŋ wò dò naŋ fɔ̀.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

Jìiiŋ 5:15

Yèè e zòòlo kùwìè e hààwe lii do nàŋ jòèyè wo nyuùŋ sàaàŋ, wo Dayà douŋ nàŋ gè dìì, yèè sèè wo weè pɛɛ nyɛ̀nɛ̀ŋ maŋ kèì jùumù wo Kanaà Dayà juuyà maŋ jùumùuŋ màŋ hakɛ̀.

Jìiiŋ 5:19

Nyɛ̀iŋ nààŋ wùìyaim nyàŋ, sèè wo nyùùŋ gbiŋ naiŋ nɔ̀ŋ e tɛɛ wò naŋ kɛ̀ɛ̀ e tɔ̀ɔ̀nyaàaŋ maŋjɛ̀wɛ yèè wo nyùùŋ bà wouŋ niŋ ɓɛìŋ kɛ̀lɛ̀ɛ̀ sùà,

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

Maŋ kèì nyɛɛnɛŋ 20:6

E zɔlɔ̀ yaà e kpùùmaŋ gbee è yaà anyuùŋ jiɛ̀jiɛ̀ nyaŋ nàŋ wa yèwè e fàaà dìì wɔŋ nyiiŋ gèeɔ̀ sùà nyaŋ. E fàa dìà tìyèeɛ̀ kuwà è gààŋ kò diɛŋ nyiŋ. Àŋ do nàŋ nɔ̀ŋ aŋ sìèfèìŋ zòòlo yèè anyùùŋ nɛɛmaŋ wèè Dayà yaà wo Jisɛ̀ Kulaì, e kìlà àŋ do nàŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.