Jìiiŋ 5:19 - WƆŊ FƐ̀Ì EBÒ SÌÀŊ DAYÀA

¹⁹ Nyɛ̀iŋ nààŋ wùìyaim nyàŋ, sèè wo nyùùŋ gbiŋ naiŋ nɔ̀ŋ e tɛɛ wò naŋ kɛ̀ɛ̀ e tɔ̀ɔ̀nyaàaŋ maŋjɛ̀wɛ yèè wo nyùùŋ bà wouŋ niŋ ɓɛìŋ kɛ̀lɛ̀ɛ̀ sùà,

Jìiiŋ 5:19 ပူးပေါင်းရင်းမြစ်များ

Maafiù 18:15

“Sèè wo wùìya mɔɔ̀ŋ wò jààùm e nànàŋ, kɔ̀à ko nɛ̀ɛ̀uŋ niìŋ muŋ woòuŋ niŋ. Kɛɛ nyɛnɛ̀ŋ niŋ ke gbùnuo sùà nyɛiŋ tìyèe fèemàŋ. Sèè wò kumiàŋ e yèɛ mùŋ naŋ woò lɛ, kɛ̀ wò kìlà ko nɛ̀ɛ̀ŋ muìŋ.

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

1Time 6:10

E gùlòɛ wèè keì naanààŋ gɛ̀wɛɛ̀ zimgbe nàŋ yaà e wùànàŋ nɛɛnɛŋ keekèè. Anyùùŋ nyaŋ bà nyiŋ fɔɔnɔ̀ŋ e wùànàŋ nɛɛnɛŋ aŋ kɛ̀ɛ̀ e hààweɛ̀ maŋjɛ̀wɛ, yèè àŋ fè nyiŋ bi maŋ jii mɔ̀ɔ̀nɛ̀ŋ zimgbe.

1Time 6:21

Anyùùŋ nyaŋ bà nyiŋ woà nyààŋ àŋ kuwa jiikɛ̀ɛ yɛ̀, yèè e jìwààjɛ̀wɛ̀ɛ naŋ nɔ̀ŋ kɛ̀ àŋ naŋ fè e hààwe nyiŋ nɛ̀ jɛwɛ. Tɔ̀ wo Dayà kiɛ̀ŋ nyɛ̀iŋ gbiŋ e tɛ̀ɛ̀tɛ̀ɛ̀.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

Hiɓu 5:2

Wo kànà sìèfèìŋ zòòlo gbeeɔ̀ wuŋ bi kuwa e zɔ̀kpɔ̀ e kɔɔuŋ nɛ̀ sùà, weètii wò kɛɛnɛ̀ŋ ke nyowo wèè anyùùŋ ɓàaɓàa yaà anyuùŋ nyɛ̀nɛ̀ŋ maŋ keì naanààŋ.

Jìiiŋ 1:16

Nyɛ̀iŋ nààŋ wùìyaim nyàŋ, ɓɔ̀ nìŋ dangè wò nyùùŋ doiŋ zuwò.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 3:14

Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.

Jìiiŋ 5:20

jàaìŋ tɛɛ jii, wo nyùnɔ̀ɔŋ gbiŋ naŋ kɛ̀lɛ̀ɛ̀ ke jìì wo nyùùŋ maŋ jùumùɔ e yìwìà ke dòmaŋ ɓàuŋ nɛɛ̀ŋ diɛŋ wɔ̀, wò do nàŋ jòèyè wo jìnàŋ nyùùŋ maŋ jùumù wii e yìwìà e fàa dìì. Yèè tii è hiàŋ maŋ jùumù zimgbe jùùyà hakɛ̀.

2Pììlɛ 3:17

Kɛɛ nyɛ̀iŋ nààŋ wùìyaim nyàŋ, nàŋ naàŋ tɛɛ̀ gbiŋ nyìmàŋ, yɛ̀mɛìŋ nyɛ̀iŋ bi diɛŋ. Wèè anyuùŋ gò nɔ̀ŋ màŋ sàwà dìì goiŋ nàŋ gè kè dòmaŋ siaŋ diɛŋ.

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.