Jìiiŋ 5:17 - WƆŊ FƐ̀Ì EBÒ SÌÀŊ DAYÀA

¹⁷ Wo Ìlaajà yaà wa wo nyuùŋkpùuŋ mààŋ yàwi bi. Wò naŋ zoolò e jɔ̀ɔ̀lɔ sùà wèè maŋ gɔ̀àà ɓɔ̀ màŋ sɔ̀àà, yèè wèè maŋ dòà taai gbànaŋ maŋ gɔ̀àà gbiŋ gò sɔ̀àà è dììɛ diɛŋ.

Jìiiŋ 5:17 ပူးပေါင်းရင်းမြစ်များ

Luù 4:25

Kɛɛ e tɔɔɓaaà nàŋ yaà, tɔ̀ miŋ woòiŋ, aŋ jɔ̀ùnèèdàà zimgbe yaà wa ko Ezɔ̀ɛ̀ e teengaà wo Ìlaajà yaà wa fuɔŋ lɛ̀. E teenga bi sùà ke nyiliɛ̀ gò wa yilè wèè maŋ gɔ̀àà màŋ do sɔ̀àà wèè màŋ dòà taai gbànaŋ, yèè e jiè gbee naŋ sɔ̀ɔ̀ e kpɛ̀lɛ̀ wɔŋ fuɔɔ̀ŋ gbiŋ sùà.

Nyɛ̀nɛ̀ŋ 10:26

Kɛɛ wo Pììlɛ nauŋ gè dìì wo sie, yèè wò nauŋ woò wààŋ, “Sìè. Miàŋ pɛɛ mìŋ yaà nɔŋ wo nyuùŋkpùuŋ.”

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Luùm 11:2

Wo Dayà gò fè ànyunùuŋ nyàŋ wò naŋ tàeɗùù e yìwìà kò tɔɔtuì nyaŋ jɛwɛ. Nàŋ jàà jii e kpɛ̀nɛɛ̀ŋ wɔŋ fɛ̀ì Dayàa sùà, ko yèe wo wɛ̀ijìɔ Ìlaajà naŋ wa tɔ̀ɔ̀ e zàwè koɓɛ̀ Dayài, e nyaàiŋ dè anyùùŋ Ezɔ̀ɛ̀ nyaŋ lɛ̀?

Maŋ kèì nyɛɛnɛŋ 11:6

Wo Dayà naŋ nyiŋ kìɛ̀ŋ gààŋ wèè aŋ yìlà ke nyiliɛ̀ wèè maŋ gɔ̀àà go nàŋ sɔ̀ɔ̀ e teengaà àŋ do nàŋ nɔ̀ɔ̀ŋ gbùùyè ke mìè Dayàa lɛ̀. Àŋ kuwa ɓɛìŋ e gààaŋ wèè aŋ nyɛ̀nɛ̀ŋ maŋ wuiyè gbeegbèè maŋ yèè maŋ wuiyè nyɛɛɛ̀ maŋ gbiŋ maŋ kìlà maŋ sɛ̀ìŋ. Àŋ kuwa ɓɛìŋ e gààaŋ sèè àŋ mɔnɔŋ wèè aŋ hìàŋ e keì nyìnga ɗewe gbiŋ e dììɛ gbiŋ diɛŋ.