Jìiiŋ 5:16 - WƆŊ FƐ̀Ì EBÒ SÌÀŊ DAYÀA

¹⁶ Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.

Jìiiŋ 5:16 ပူးပေါင်းရင်းမြစ်များ

Maafiù 21:22

Sèè mùŋ kɛɛnɛ̀ŋ e hààwe, wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀ e zòòlo sùà.”

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Luù 9:6

Anyùùŋ màŋjɛ̀wɛ̀ nyaŋ naŋ kɔ̀ yèè àŋ naŋ kɔ̀ɛ̀ maŋ vàa màŋ gbiŋ sùà, àŋ yaà wòò Ebò Siaàŋ e kìlà àŋ yaà sùngìè anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ maŋ tàta màŋ gbiŋ sùà.

Jɔ̀ɔŋ 9:31

Kà nyìmàŋ kɛ̀ wo Dayà fè kùmìàŋ ànyùùŋ màŋ jùumù. Wò kumiàŋ anyùùŋ nyaŋ kiɛ̀uŋ ɓɛ̀ɛ̀jàa e kìlà àŋ nyɛnɛŋ e yèɛ wò manaŋ àŋ nyɛ̀nɛ̀ŋ lɛ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 19:18

Anyuùŋ hààwe nyàŋ zimgbe nyiŋ naŋ wa hnè, yèè àŋ naŋ ngàà tɔ̀ɔ̀tù wòò maŋ keì naanààŋ maŋ àŋ yaà wa nyinie màŋ.

Nyɛ̀nɛ̀ŋ 8:24

Wo Saimɔ̀ŋ naŋ fàsàì wo Pììlɛ yèè wo Jɔ̀ɔŋ wààŋ, “Pɔ̀wɔìŋ wo Kanaà weèim, wèè e yèɛ nìŋ naŋ woò e nyaàiŋ eim dè lɛ kɛ̀ ɓɔ̀ è kaàim.”

Luùm 3:10

Wɔŋ fɛ̀ì Dayàa naŋ woò wààŋ, “Wo nyùùŋ tɔ̀ɔ̀nyaàŋ gbiŋ fè,

Luùm 5:19

Màànààŋ nɔŋ yàwi nààŋ gbiŋ naiŋ wa nɔ̀ŋ anyùùŋ maŋ jùumù esàɓù e jùùmù wo nyùùŋ guùŋ lɛ, wo Adamàŋ, e ɗèwè guùŋ bi sùà wo Dayà naŋ wi jàà kùàŋ dìì esàɓù e tɔ̀ɔ̀nyààŋ wo nyùùŋ guùŋ, wo Jisɛ̀ Kulaì.

Kòlo 1:9

E wèè esaɓù lɛɛ̀, è zoolà e weèiŋ e teenga gbiŋ e yìwìà ke ɗɔɔ jiɛ̀jiɛ̀ɛ è naiŋ wa kòmò e kèè hààweiŋ nɛ̀ lɛ. È zoolàìŋ wèè wo Dayà woiŋ tɔ̀ɔ̀ e nɛ̀ɛŋ gbiŋ wò manaŋ naŋ nyɛ̀nɛ̀ŋ lɛ, yèè woiŋ kìɛ̀ŋ e jiikɛ̀ɛ e kìlà woiŋ nyɛ̀nɛ̀ŋ naŋ nyìmàŋ e yèɛ wo Jinàuŋ nɔɔ̀ŋ kiɛ̀ŋ lɛ,

1Tɛsè 5:17

Zòòloìŋ e teenga gbiŋ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

1Tɛsè 5:25

Wùìya wi nyàŋ, zòòloìŋ weè wi yàwi pɛɛ.

Hiɓu 11:4

E hààwe naŋ wa nyɛ̀nɛ̀ŋ wo Eɓɛ̀ɛ̀ naŋ kìɛ̀ŋ wo Dayà e nɛ̀ŋ saaà kɛnɛ e nìàŋ e yèɛ wo Kiìŋ naŋ wa kiɛ̀ŋ lɛ. E yìwìà e hààweuŋ nɛ̀ sùà wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ, esaɓù kɛ̀ wo Dayà wuŋ bi naŋ wa jàà kùàŋ dìì wèè e nɛ̀ŋ kìɛuŋ nɛ̀. Esàɓù e hààweuŋ nɛ̀ sùà wo Eɓɛ̀ɛ̀ kòò wò yaà nɔŋ gbuuye, jòòpɛɛ wo fè ɓɛìŋ wɔ̀ŋ nyiiŋ gèeɔ̀ sùà.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Hiɓu 13:18

Zòòloìŋ weè wi e teenga gbiŋ. Èiŋ hààwè kɛ̀ è kùwàìŋ maŋ jii sengèì, esaɓù kɛ̀ è manaŋ eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e teenga gbiŋ.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.