Jìiiŋ 5:15 - WƆŊ FƐ̀Ì EBÒ SÌÀŊ DAYÀA

¹⁵ Yèè e zòòlo kùwìè e hààwe lii do nàŋ jòèyè wo nyuùŋ sàaàŋ, wo Dayà douŋ nàŋ gè dìì, yèè sèè wo weè pɛɛ nyɛ̀nɛ̀ŋ maŋ kèì jùumù wo Kanaà Dayà juuyà maŋ jùumùuŋ màŋ hakɛ̀.

Jìiiŋ 5:15 ပူးပေါင်းရင်းမြစ်များ

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Jɔ̀ɔŋ 5:14

Eɓìèmàŋjɛ̀wɛ̀ tii, wo Jisɛ̀ naŋ mɛ̀ɛ̀ŋ wo felaaà ko Saaŋ Zòòlò Dayài yèè wò nauŋ woò wààŋ, “Màŋ naàŋ jòèyà. Kɔ̀à kɛɛ ɓɔ̀ mùŋ nyɛ̀nɛ̀ŋ ɓɛìŋ màŋ kèì jùumù. Sèè mùŋ nyɛnɛŋ ɓɛìŋ e jùumù, e keì naanààŋ bà doum nàŋ kaaìŋ.”

Jɔ̀ɔŋ 6:39

Yèè e yèɛ wo Dayà manaŋ ka nyɛ̀nɛ̀ŋ lɛ tiŋ tɛɛ̀, wèè ka yɛ̀mɛ̀ anyùùŋ nyaŋ gbiŋ wò naim kiɛ̀ŋ nyaŋ diɛŋ wèè kɛ̀ wo bà gbiŋ ɓɔ̀ wò go. E kìlà, wò manaŋ wèè ka nyiŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

2 Kɔliìŋ 4:14

Eiŋ nyìmàŋ kɛ̀ wo Dayà, wo yèɔ naŋ gè wo Kanaà Jisɛ̀ e fàaà dìì wɔ, wò do wi nàŋ gè dìì yàwi pɛɛ e kpùlìà Jisɛ̀, wo wi kɔà e hààwè nyɛ̀iŋ nààŋ gbiŋ diɛŋ ko fɛ̀ɛ̀fèìŋ wuŋ biì.

Jìiiŋ 1:6

Kɛɛ wo nyùnɔ̀ɔŋ gbiŋ dawà wo Dayà wèè e nɛ̀ŋ wɔ, wo kuwiè e hààweɛ̀ yèè ɓɔ̀ wò sikà gbiŋ. Esaɓù kɛ̀ wo nyùnɔ̀ɔŋ gbiŋ naŋ dàwè Dayà e sìka sùà wɔ, wò yaà maàŋ e bɔ̀iŋ nɛ̀ wɔŋ juwoɔ̀. Sèè wɔŋ fòìɔ dè nɔŋ wɔŋ juwoɔ̀ ɓulanàŋ e bɔ̀iŋ nɛ̀ è jowo è deye.

Jìiiŋ 5:13

Wo nyùùŋ bà yààìŋ tɛɛ wò yaà e keì nyìnga sùà? Wo zoolò Dayà. Wo nyùùŋ gbiŋ yààìŋ tɛɛ wò yaà e zɔlɔ̀ sùà? Ke di nɔ̀uŋ wo dàà maŋ nùŋ Dayà tɛ̀nɛŋ.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.

Jìiiŋ 5:20

jàaìŋ tɛɛ jii, wo nyùnɔ̀ɔŋ gbiŋ naŋ kɛ̀lɛ̀ɛ̀ ke jìì wo nyùùŋ maŋ jùumùɔ e yìwìà ke dòmaŋ ɓàuŋ nɛɛ̀ŋ diɛŋ wɔ̀, wò do nàŋ jòèyè wo jìnàŋ nyùùŋ maŋ jùumù wii e yìwìà e fàa dìì. Yèè tii è hiàŋ maŋ jùumù zimgbe jùùyà hakɛ̀.