Jìiiŋ 5:13 - WƆŊ FƐ̀Ì EBÒ SÌÀŊ DAYÀA

¹³ Wo nyùùŋ bà yààìŋ tɛɛ wò yaà e keì nyìnga sùà? Wo zoolò Dayà. Wo nyùùŋ gbiŋ yààìŋ tɛɛ wò yaà e zɔlɔ̀ sùà? Ke di nɔ̀uŋ wo dàà maŋ nùŋ Dayà tɛ̀nɛŋ.

Jìiiŋ 5:13 ပူးပေါင်းရင်းမြစ်များ

Maafiù 26:30

Kpeiŋ àŋ naŋ dàà wɔŋ nùŋ guùŋ yèè àŋ naŋ kɔ̀ koɓɛ̀ wɔŋ tòò maŋ Ɔlè Kùùɔ.

Luù 22:44

Ke jii mɔ̀ɔ̀nɛŋ gbee sùà wò naŋ ɓɛìŋ zoolò. Yèè maŋ jɛi màŋ nauŋ wa fòlò kɔɔ màŋ yaà wa mààŋ maŋ sɛ̀ìŋ màŋ yaà dè sùà ko dììnaŋ.

Luù 23:42

Kpeiŋ wò naŋ wòò wo Jisɛ̀ wààŋ, “Jisɛ̀, jaàim jii sèè mùŋ hnàŋ wa nàwèè e Kana mɔ̀ɛ̀ sùà!”

1 Kɔliìŋ 14:15

Kɛ̀ kiìŋ mìŋ nyɛnɛŋ naàŋ? Yàwi jinàŋ miɔ̀ŋ do nàŋ zoolò, e kìlà yàwi jii miɛ̀ŋ e zoolò. Yàwi jinàŋ miɔ̀ŋ do nàŋ gbeemè, e kìlà yàwi jii miɛ̀ŋ e gbeemè.

1 Kɔliìŋ 14:26

Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

Ɛfesɔ̀ 5:19

Sèè nìŋ deenàŋ koɓɛ̀ guùŋ, gbòaìŋ aŋ dàwiiŋ nyàŋ kɔɔ maŋ nùŋ Dayà tɛ̀nɛŋ sùà, yaà maŋ nùŋ nɛɛmaŋ wo jinàaŋ sùà, gbèèmeìŋ maŋ nùŋ Dayà tɛ̀nɛ̀ŋ koɓɛ̀ Kanaà, yèè e tɛ̀nɛŋ maŋ jiiiŋ màŋ sùà.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.

Jìiiŋ 5:10

Wèè e tɔ̀ɔ̀màŋsèì e mɔ̀ɔ̀nɛŋ yèè ke jii kùwa, nyɛ̀iŋ nààŋ wùìyaim nyàŋ, yɛ̀mɛìŋ weè aŋ wɛ̀ijì nyaŋ naŋ wa gbùùyè e dèè Kanaà Dayà diɛ̀ŋ nyàŋ.

Maŋ kèì nyɛɛnɛŋ 14:3

Anyuùŋ taasùùŋ hɔ̀nɔ̀ɔ̀ guùŋ kpɛ̀ùŋ tìyèe jɛ̀wɛ̀ tiinàŋ (144,000) nyaŋ naŋ wa sìè ke kpùà Kanaà Dayà feìŋ, yaà maŋ ɗòlònɛ̀ŋ tiinàŋ maŋ yèè aŋ màmàŋkùmɛŋ nyàŋ. Àŋ yaà wa dàa sùà wɔŋ nùŋ jɛi, wɔŋ yèɔ nyiŋ bi nɔŋ naŋ wa gbeè wɔŋ. E yìwìà anyuùŋ kpùuŋ ziì nyaŋ gbiŋ tɛɛ e dììɛ diɛŋ, nyiŋ nɔŋ wo Dayà naŋ wa bilɛ̀ŋ.

Maŋ kèì nyɛɛnɛŋ 7:10

Àŋ naŋ wa kpààŋ sɛiŋ nyààŋ, “Wo Dayà wiɔ̀ jaa ke kpùà kanaà diɛŋ yaà wo Ɓaawaaà wɔ, kuwa gààŋ wèè wo jòèyè anyunùuŋ nyàŋ!”