Jìiiŋ 5:11 - WƆŊ FƐ̀Ì EBÒ SÌÀŊ DAYÀA

¹¹ Anyùùŋ nyaŋ naŋ kɔ̀ e mɔ̀ɔ̀nɛŋ dìì nyaŋ è nyààìŋ nyiìŋ anyuùŋ kɛ̀ɛ̀nɛ̀ŋ zɔlɔ̀. Nàŋ kòmàŋ ebò e ɗeweɛ̀ wo Jòo naŋ wa kùwò jii lɛ̀, yèè nàŋ nyìmàŋ e ɗeweɛ̀ wo Dayà nauŋ wa kiɛ̀ŋ ko diemeì lɛ. Wo Dayà naŋ dìè ke nyowo yèè e hakɛ̀ jùùya.

Jìiiŋ 5:11 ပူးပေါင်းရင်းမြစ်များ

Maafiù 10:22

Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Luù 1:50

E yìwìà koɓɛ̀ anyùùŋ nyaŋ gbiŋ e ɗuunyaàŋ, wò tɔɔ̀ ke nyowo koɓɛ̀ anyùùŋ nyaŋ zoolàuŋ nyaŋ.

Luù 11:10

Esaɓù kɛ̀ wo Dayà dò nàŋ kìɛ̀ŋ anyùùŋ nyaŋ dawàuŋ wèè manɛ̀ŋ nyaŋ. Wò do nàŋ kìɛ̀ŋ manɛ̀ŋ koɓɛ̀ anyùùŋ nyaŋ kamàŋ mìŋ nyaŋ, e kìlà wò do nàŋ yìlè wɔŋ gbemgbeeɔ̀ wèè anyùùŋ aŋ yɛ̀mɛ̀ manɛ̀ŋ maŋ àŋ zoolà weè miŋ màŋ.

Luù 6:36

Kɛ̀ɛ̀nɛìŋ ke nyowo wèè aŋ dàwium nyàŋ, màànààŋ nɔŋ wo Dèdaiŋ nɔɔ̀ŋ kuwa ke nyowo lɛ̀.

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Ɛfesɔ̀ 2:4

E ɗewe gbio sùà, wo Dayà naŋ banè ke nyowo sùà, yèè e mànaàŋ wò kuwa weè wilɛ̀ è naŋ dɛɛ̀.

Hiɓu 10:39

E fèìŋ mààŋ ànyùùŋ nyaŋ naŋ fè è hààwe nyiŋ nɛ̀ jɛwɛ yèè àŋ naŋ fɔ̀ nyaŋ. È doiŋ nàŋ jèè e hààwe maŋ nyiiŋ gèe wi màŋ sùà e jèèsùà wo Dayà wo wi joeyè .

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

Jìiiŋ 1:2

Nyɛ̀iŋ nààŋ wùìyaim nyàŋ gèeìŋ e zɔlɔ̀ gbee sèè e wàà maŋ keì nyìnga kà tinàŋ gbiŋ fòlòìŋ feìŋ,

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 3:14

Kɛɛ sèè pɛɛ maŋ kà e keì nyìnga dìì wèè e tɔ̀ɔ̀nyaàŋ, wo Dayà doum nàŋ kpuumò. Wèètii ɓɔ̀ mùŋ dùàŋ nyùùŋ gbiŋ, yèè ke jii mɔɛ̀ŋ ɓɔ̀ kè sɛɛɛ̀ wèè è nɛ̀ɛŋ ànyùùŋ naŋ ɓɛ̀nɛ̀ŋ nyɛ̀nɛŋ lɛ̀.

2Pììlɛ 2:9

Kɛɛ wo Kanaà nyìmàŋ e ɗeweɛ̀ wò joeyà anyùùŋ Dayà nyaŋ maŋ keì nyìnga nyiŋ màŋ sùà lɛ, yèè wo kùwìè anyuùŋ gò nyìmàŋ Dayà nyaŋ e ngàìnɓu dìì wèè ke ɗɔ̀ɔ̀ gbài kitiɛ̀ diɛŋ wa nàwèè,