Jìiiŋ 3:15 - WƆŊ FƐ̀Ì EBÒ SÌÀŊ DAYÀA

¹⁵ E jiikɛ̀ɛ mààŋ tɛɛ̀ e fè è yèɛ yewe wò Dayà sìwè lɛ, e jè ke fòolàa e ɗuunyaŋ lɛɛ̀ tii, wo Jìnàŋ Dayàa fè niìŋ sùà e jè Sɛ̀tanàaŋ wuŋ bi tii.

Jìiiŋ 3:15 ပူးပေါင်းရင်းမြစ်များ

Luù 16:8

Wèè esaɓù lɛɛ̀, wo kààmɔ̀ɔ̀ŋ wo ɓɔ̀ìjɔ̀à kàaɓì yɛ̀mɛ̀ manɛ̀ŋ diɛɔ̀ŋ nauŋ tɛnɛ̀ŋ wèè e jiikɛ̀ɛ wò naŋ nyɛ̀nɛ̀ŋ wèè wuŋ bi lɛ̀. Yɛi nɔŋ anyùùŋ kàaɓì nyaŋ e ɗuunyaŋ lɛɛ̀ àŋ yaà. Àŋ kuwa e jiikɛ̀ɛ zimgbe manɛ̀ŋ nyɛ̀nɛŋ nyiŋ màŋ sùà e nìàŋ anyùùŋ tɔ̀ɔ̀nyaàŋ nyaŋ.”

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Luùm 1:22

Àŋ naŋ woò nyààŋ àŋ kuwa jiikɛ̀ɛ, kɛɛ àŋ naŋ zùwò nyiŋ bi.

1 Kɔliìŋ 1:27

E nɛ̀ɛŋ e ɗuunyaàŋ naŋ nyààŋ e ɓàaɓàa lɛ̀, tiŋ wo Dayà naŋ tàeɗùù titi wèè esaɓù, tiŋ nàŋ yaà wèè wo sìà anyuùŋ kɛ̀ɛ̀jii nyàŋ e sàngè, yèè wò naŋ ɓèmè e nɛ̀ɛŋ e ɗuunyaàŋ nyaaŋ e zɔ̀kpɔ̀ lɛ wèè wo sìà anyùùŋ gààŋ nyaŋ e sàngè.

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

1 Kɔliìŋ 3:19

E nɛ̀ɛŋ e ɗuunyaŋ lɛɛ̀ naŋ jàà kùàŋ dìì wèè e nɔ̀ŋ e jiikɛ̀ɛ lɛ̀, è yaà e ɓàaɓàa ko fɛ̀ɛ̀fèìŋ Dayài. Nààŋ wɔŋ fɛ̀ì Dayàa naŋ woò lɛ, “Wo Dayà kuwìà wo nyuùŋ kɛ̀ɛ̀jiiɔ̀ ke gbaù e jiikɛ̀ɛ̀uŋ nɛ̀ sùà”,

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

2Tɛsè 2:9

Wo Nyuùŋ Naanààŋ do nàŋ hìɛ̀ŋ e gààŋ Sɛ̀tanàaŋ wo nyɛ̀nɛ̀ŋ maŋ kèè mèè tòa kà tinàŋ gbiŋ yaà maŋ keì fòònò nyùùŋ,

1Time 4:1

Wo Jìnàŋ Nɛɛmaàŋ naŋ woò janjai wààŋ anyuùŋ nyaŋ bà nyiŋ do naŋ fè e hààweɛ̀ jɛwɛ teenga kpuu sùà, àŋ do naŋ jɔ̀ɔ̀lɔ̀ aŋ jinàŋ tòa dìì, e kìlà aŋ dè e kàà aŋ jinàŋ naanààŋ maŋjɛ̀wɛ.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

Jìiiŋ 1:5

Sèè nyɛ̀iŋ nyɛɛ̀ŋ bà gbiŋ niŋ gò kùwìè è jiikɛ̀ɛ, wo dawè Dayà, wuŋ nàŋ kiɛ̀ŋ nyùùŋ kpùuŋ gbiŋ sengei e yìwìà ke jii fauŋ nɛɛ̀ŋ diɛŋ.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

Juù 1:19

Ànyùùŋ nyɛɛ̀ŋ nàŋ hiàŋ e fèemàŋ gòòno, aŋ yè nyaŋ gongà kɛ̀ e kèì wɔŋ nyiiŋ wɛɛ̀ŋ nɔŋ ke fòolà yɛɛ̀ nàŋ kùwà nyiìŋ e gààŋ diɛŋ, yèè aŋ kuwà wò Jìnàŋ Dayàa màŋ jii nyiŋ màŋ sùà.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 2:24

“Kɛɛ nyɛ̀iŋ nààŋ gbànaŋ nyàŋ ko Tàyatilà kòò nìŋ dè è kàa naanààŋ lɛɛ̀ màŋjɛ̀wɛ. Kòò nìŋ gbèè è nɛ̀ɛŋ ànyuùŋ gbànaŋ nyàŋ nyaaŋ nyààŋ, ‘ke gbùnù zutùùɛŋ wèè wo Sɛ̀tanàŋ.’ Tɔ̀ miŋ woòiŋ kɛ̀ miŋ naàiŋ gbùwò wɔ̀ŋ nɛ̀ŋfoo mùnga bà gbiŋ ɗi.

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”