Jìiiŋ 3:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.

Jìiiŋ 3:14 ပူးပေါင်းရင်းမြစ်များ

Maafiù 27:18

Wo Paalè wa nyìmàŋ kɛ̀ aŋ màmànkùmɛ̀ŋ aŋ Juùù nyaŋ naŋ wa kìɛ̀ŋ wo Jisɛ̀ ko nɛ̀ɛ̀uŋ niìŋ esaɓù kɛ̀ e kooɛ̀ yaà nyiìŋ wa.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 26:9

“Miàŋ bi mìŋ naŋ wa gongò kɛ̀ sɔɔ̀ ka wa nyɛ̀nɛ̀ŋ e yèɛ gbiŋ mìŋ kuwa wa ka nyɛ̀nɛ̀ŋ lɛ wèè ka pɔ̀ɔ̀pɔ̀ɔ̀ e dèè sìàŋ Jisɛ̀ɛ e yìwìà ko Naazɔ̀ɛ̀.

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Nyɛ̀nɛ̀ŋ 7:9

“Aŋ jɔ̀àfèlàà Jègɔ nyàŋ naŋ wa gììyè wo nanàŋ nyiŋ nɔɔ̀ŋ Jòòsɛ le koo yèè àŋ nauŋ wa maàŋ e ɗo dìì ko Ijè. Kɛɛ wo Dayà yàaùŋ wa maŋjɛ̀wɛ,

Luùm 1:29

Àŋ naŋ dìè maŋ jùumù, maŋ kpèè naanààŋ, yèè àŋ yaà wùànàŋ manɛ̀ŋ maŋ gbiŋ, àŋ naŋ kɛ̀ɛ̀fɛ̀ɛ̀ maŋ dòmaŋ nyaaŋ màŋ gbiŋ. Àŋ naŋ dìè le kòò, àŋ yaà anyuùŋ jìwà nyùùŋ, àŋ sumiàŋ aŋ dàwi, àŋ nyɛnɛŋ kàaɓì, yèè àŋ kuwa maŋ jii naanààŋ. Àŋ fiafìà nyùùŋ,

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 2:17

Nyɛ̀iŋ bi zà? Nìŋ nyaaŋ nyɛ̀iŋ bi aŋ Juùù. Nìŋ naŋ tùlìè maŋ Sàwà maŋ jii e kìlà nìŋ kɛɛ maŋ nyòngà wèè Dayà.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

1 Kɔliìŋ 13:4

E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

1 Kɔliìŋ 5:2

Diè nìŋ naŋ naàŋ ɓɛ̀nɛ̀ŋ ɓèmè nyiŋ bi gbee? Kɛɛ ke nyowo heiŋ nàŋ diè, yèè wo felaaà naŋ nyɛ̀nɛ̀ŋ e keì mààŋ tii wɔ̀, nauŋ gè ke gboòiŋ nɛɛ̀ŋ sùà.

1 Kɔliìŋ 5:6

E fè tɔ̀ɔ̀nyaàŋ è wèè naŋ kɛ̀ɛ̀ màŋ nyòngà. Nàŋ nyìmàŋ e nɛ̀ɛŋ àŋ woà lɛ nyààŋ, “E sòi jùwìà gbɔ̀u jɔa tòloò è nyɛnɛŋ ke gbɔ̀uɛ̀ gbiŋ ke jòwà gbee.”

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

Gàla 5:15

Kɛɛ sèè naŋ nɔ̀ŋ sùmiaŋ sùà e fèemàŋ mààŋ aŋ yìlì ɓìè, sɔɔ̀ naŋ yɛ̀mɛ̀ nyɛiŋ bi diɛŋ, sèè è go yɛi nɔ̀ŋ, nìŋ do nàŋ pɔ̀ɔ̀pɔ̀ɔ̀ nyɛ̀iŋ bi.

Gàla 5:20

aŋ dàyà joo yèè anyùùŋ sɛɛ̀ŋ zòòlo, è nyɛ̀nɛ̀ŋ anyùùŋ aŋ wùònò fèemàŋ e kìlà aŋ sòmàŋ, aŋ nɔ̀ŋ e koo, e wùàŋ, yèè aŋ nɔ̀ŋ e gòngò nyiŋ biɛ̀ sùà. E kìlà àŋ hiàŋ e fèemàŋ gòòno maŋ dèène yèè maŋ gbòò sùà.

Gàla 5:21

Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Gàla 5:26

Ɓɔ̀ è nɔ̀ìŋ ànyuùŋ ɓììne, ɔ̀ɔ̀ eiŋ nɔ̀ŋ gììyà sùà anyuùŋ joo e koo sèè è nɔ̀ìŋ wòò sùà wìàà è yààìŋ tɛ̀ɛ̀ e nyiŋ nìàŋ.

Gàla 6:13

Aŋ yè nyaŋ pɛɛ nyɛnɛŋ e wùànàŋ wèè aiŋ jàà kpùa maŋ kèìŋ maŋ sùà nyaŋ, aŋ fè jɔ̀ɔ̀lɔ̀ kè Sàwàa dìì, àŋ manaŋ nɔŋ maŋ nɔ̀ŋ kpùà jàa maŋ kèìŋ maŋ sùà wèè aŋ kɛ̀ɛ̀ maŋ yòngà kɛ̀ nàŋ jɔ̀ɔ̀lɔ̀ e ɗèwè maŋ langi nyìŋ màŋ dìì.

Fèle 1:15

Anyùùŋ nyaŋ bà nyiŋ yaà gbùùyè ke mìè Dayàa e nyaàiŋ dè wo Jisɛ̀ Kulaì, esaɓù kɛ̀ àŋ giiyà wì koo yèè àŋ nyinìàŋ wì nyaàtàaŋ. Aŋ bà nyiŋ gboo ke mìè Dayàa esaɓù kɛ̀ àŋ manaŋ aŋ kìɛ̀ŋ kpùùmaŋ.

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

1Time 6:4

wo nyùùŋ mààŋ wii tɔɔ̀ wuŋ bi e dɛ̀ɛ̀kɛ sùà, yèè wo nyimààŋ è nɛ̀ŋ gbiŋ. Wò yaà ngèè siinyɛŋ ke jiikɛ̀ɛuŋ nɛɛ̀ŋ sùà, yèè e gòngò maŋhɛɛ gèe yaà e nyaàŋ tàaŋ e nyaàiŋ dè maŋ mìè gbòa màŋ yè maŋ hiàŋ e koo, e tɛɛ gòòno, e ɓɛ̀ɛ̀pɔ̀ɔ, yèè maŋ keì naanààŋ,

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

Jìiiŋ 3:16

Koɓɛ̀i anyuùŋ gè le koo, yèè anyuùŋ kɛ̀ɛ̀fɛ̀ɛ̀, yèè anyùùŋ nyaŋ manaŋ e nɛ̀ɛŋ gbiŋ wèè nyiŋ guùŋ kpò yaà lɛ, kuuŋ maŋ keì gɔ̀àgɔ̀à sùà yèè maŋ keì naanààŋ gɛ̀wɛɛ̀ gbiŋ màŋ yaà.

Jìiiŋ 5:19

Nyɛ̀iŋ nààŋ wùìyaim nyàŋ, sèè wo nyùùŋ gbiŋ naiŋ nɔ̀ŋ e tɛɛ wò naŋ kɛ̀ɛ̀ e tɔ̀ɔ̀nyaàaŋ maŋjɛ̀wɛ yèè wo nyùùŋ bà wouŋ niŋ ɓɛìŋ kɛ̀lɛ̀ɛ̀ sùà,