Jìiiŋ 3:13 - WƆŊ FƐ̀Ì EBÒ SÌÀŊ DAYÀA

¹³ Ɓòò naŋ kɛ̀ɛ̀jii yèè wò jaa e keì jii e tɛɛiŋ? Tɔ̀ɔ̀ niŋ e yìwìà wɔŋ nyiiŋ gèe siaŋ mɔɔ̀ŋ sùà, yèè maŋ kpèè siaum màŋ mùŋ nyinìàŋ e jɔ̀ɔ̀lɔ dìì e yèɛ folo e jiikɛ̀ɛ sùà lɛ.

Jìiiŋ 3:13 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Maafiù 5:5

“E zɔlɔ̀ yaà anyùùŋ nyaŋ deeyà nyiŋ bi nyàŋ. Nyiŋ nàŋ do nàŋ kɛ̀ɛ̀nɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ!

Maafiù 7:24

“Weètii wo nyùnɔ̀ɔŋ gbiŋ komo maŋ miè gbìaim mɛɛ̀ŋ e kìlà wo miŋ jɔ̀ɔ̀lɔ̀ dìì wɔ, wò yaà mààŋ wo nyuùŋ kɛ̀ɛ̀jii wò yèɔ naŋ nyɛ̀lɛ̀ ke saauŋ nɛɛ̀ŋ wɔŋ duò tàà gbee diɛŋ.

1 Kɔliìŋ 6:5

E sàngè yààìŋ. Tɔɔɓaa e pɛɛ nɔ̀ŋ wo nyùùŋ guùŋ kòò wò yààìŋ tɛɛ ke gboòiŋ nɛɛ̀ŋ sùà wò ɓɛnɛ̀ŋ wèè wo yɛ̀mɛ̀ e nɛ̀ŋ wòò aŋ wùìya nyàŋ è fèemàŋ.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 8:24

Tɔ̀ɔìŋ e mànaiŋ nɛ̀ ko nɛ̀ɛ̀ŋ nyiŋ niìŋ, wèè maŋ gbòò anyuùŋ hààwe nyàŋ aŋ yɛmɛ̀ niŋ, aŋ nyìmàŋ kɛ̀ è yaà e tɔɔɓaa wèè eiŋ kɛ̀ɛ̀ maŋ nyòngà weèiŋ.

Gàla 5:23

e ɓɛ̀ɛ̀jàa, yèè wo nyuùŋ nyìmàŋ e ɗèwè wuŋ bi kùwa. Ke sàwà bà gbiŋ fè wèè ke gbòà naanààŋ è nyààìŋ dè màŋ keì mɛɛ̀ŋ.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

Gàla 6:4

Nyɛ̀iŋ nyɛɛ̀ŋ bà gbiŋ tuàŋ e tòmò muàŋ biɛ̀ maŋ nɔnɔŋ tɛ̀ɛ̀ kaiŋ. Sèè e tòmo bi naŋ nɔ̀ŋ tɛ̀ɛ̀, kɛ̀ màŋ ɓɛ̀nɛ̀ŋ kɛ̀ɛ̀ maŋ yòngà nyààìŋ dè e tòmoɛ̀ mùŋ naŋ nyɛ̀nɛ̀ŋ lɛ, kɛɛ muŋ naàŋ niìŋ ɓɛ̀nɛ̀ŋ gbɛ̀ɛ̀nɛ̀ŋ è tòmò nyùùŋ joo bà gbiŋ.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Taitɔ̀ 3:2

Wòò nyiŋ ɓɔ̀ àŋ woò è keì naanààŋ wèè nyùùŋ gbiŋ, kɛɛ aŋ mɔɔnɔ̀ŋ, yèè aŋ nɔ̀ŋ jii fàa sùà, yèè e teenga gbiŋ sùà aŋ tɔɔ̀ ke kpèè jii siaŋ koɓɛ̀ nyùùŋ gbiŋ.

Hiɓu 13:5

Ɓɔ̀ nìŋ nɔ̀ŋ ànyuùŋ mànàŋ nɛɛnɛŋ zimgbe. Kɛ̀ɛ̀nɛìŋ ke jii fàa wèè e yèɛ nìŋ kuwa lɛ̀. Wo Dayà naŋ woò wààŋ, “Miŋ naàum wa nàwèè jòò, e kìlà miŋ naàum wa nàwèè gììyè kɛ̀ɛ.”

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

Jìiiŋ 2:18

Kɛɛ wo nyùùŋ bà do nàŋ woò wààŋ, “Mùŋ kuwa e hààwe, yèè miàŋ mìŋ kuwa maŋ kpèè siaŋ.” Tɔ̀ɔ̀im e hààwe gò kɛ̀ɛ̀nɛ̀ŋ màŋ kpèè siaum màŋ, kɛ̀ miàŋ esàɓù maŋ kpèèim màŋ sùà mìŋ doum nàŋ tɔ̀ɔ̀ e hààwe mɛ̀.

Jìiiŋ 3:1

Nyɛ̀iŋ nààŋ wùìyaim nyàŋ, nyɛ̀iŋ nààŋ zimgbeiŋ ɓɔ̀ nìŋ fɛ̀ɛ̀ wèè naŋ nɔ̀ŋ àŋ kààmɔɔŋ. Jàaìŋ jii kɛ̀ wo Dayà do wa nàwèè nàŋ gbàì yàwi nààŋ kààmɔ̀ɔ̀ŋ maŋ Sàwà Dayà nyaŋ e tɔ̀ɔ̀nyaàŋ nyìnga sùà e nìàŋ anyuùŋ gbànaŋ nyàŋ.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

1Pììlɛ 1:15

Kɛɛ, e nɛ̀ŋ gbiŋ nìŋ naŋ nyɛ̀nɛ̀ŋ, nɔ̀ìŋ e nɛɛmaŋ sùà màànààŋ nɔŋ wo Dayàa naiŋ nyààŋ wɔ wò yaà e nɛɛmaŋ sùà lɛ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

1Pììlɛ 3:4

E siàum mɔ̀ɛ̀ e nɔ̀ŋ ke jii mɔɛ̀ŋ diɛŋ esaɓù kɛ̀ mùŋ siaŋ tùwo yèè mùŋ kuwa wo jinàŋ sìàŋ sìàŋ tùwo yèè wò naŋ tɔumtɔ̀ùm. E sìàŋ mààŋ tɛɛ̀ è yaà wèè julɔfɔ, yèè wo Dayà jàà niìŋ kùàŋ dìì.