Jìiiŋ 2:5 - WƆŊ FƐ̀Ì EBÒ SÌÀŊ DAYÀA

⁵ Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

Jìiiŋ 2:5 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 5:3

“E zɔlɔ̀ yaà anyùùŋ nyaŋ naŋ pɔɔ̀ wo jinàaŋ sùà nyaŋ. Nyiŋ nàŋ kanaŋ e Kànà àìjɛnɛ̀ɛŋ!

Luù 12:21

Wo Jisɛ̀ naŋ jìwè nyààŋ wò naŋ woò wààŋ, “Yɛi è do nàŋ nɔ̀ŋ wèè anyùùŋ nyaŋ naŋ gbònò e bàne wèè nyiŋ bi nyàŋ, kɛɛ aŋ gò banè wò Dayà fɛɛ̀feìŋ.”

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Luù 16:22

Wo felaa pɔ̀ɔɔ̀ naŋ wa fɔ̀ yèè aŋ màikà nyaŋ nauŋ kɔɔ̀ aŋ jàà wo Eɓulɔhɛɛ̀ŋ kɔɔ ko àìjɛnɛ̀ŋ. Wo kenàŋ bàneɔ̀ wuŋ pɛɛ naŋ wa fɔ̀ yèè àŋ nauŋ sìè.

Luù 16:25

Kɛɛ wo Eɓulɔhɛɛ̀ŋ nauŋ fasàì wààŋ, ‘Dàwi miɔ̀ŋ, kɛ̀ɛ̀nɛɛ̀ŋ ke jii jàa kɛ̀ mùŋ kuwa wa e tɛ̀ɛ̀tɛ̀ɛ̀ɛ gbiŋ e teengaà mùŋ yaà wa wɔŋ nyiiŋ gèeɔ̀ sùà lɛ, yèè mùŋ naŋ wa gè maŋhɛɛ wèè maŋ tɔ̀ɔ̀ ke nyowo koɓɛ̀ Lazɔlɔ̀i jòòpɛɛ wò yaà wa kùwìè e keì nyìngaà gbiŋ. Kɛɛ kòò wò yaà naàŋ ke jii fàa sùà, yèè muàŋ mùŋ yaà kùwìè e keì nyìnga.

Luù 22:29

Yèè nààŋ nɔŋ wo Dèda miɔ̀ŋ naim kìɛ̀ŋ e tɔ̀ɔ̀nyaàaŋ wèè ka kɛ̀ɛ̀ e kana, yɛi nɔŋ mìŋ doiŋ nàŋ kìɛ̀ŋ e tɔ̀ɔ̀nyaàŋ bì.

Luù 6:20

Wo Jisɛ̀ naŋ yɛ̀mɛ̀ anyùùŋ màŋjɛ̀wɛ̀uŋ nyàŋ yèè wò naŋ nyiŋ woò wààŋ, “E zɔlɔ̀ yaà anyùùŋ nyaŋ naŋ pɔɔ̀ nyaŋ. Nyiŋ nàŋ kanaŋ e Kànà Dayàa!”

Jɔ̀ɔŋ 7:48

Anyùùŋ gbèègbèè aŋ Juùù nyaŋ bà guùŋ pɛɛ ɔ̀ɔ̀ aŋ Fɛlosiì nyaŋ gò hààwè wò felaa wɛɛ̀.

Nyɛ̀nɛ̀ŋ 7:2

Wo Siiwììŋ naŋ nyiŋ fasaì wààŋ, “Kùmiàŋ nìim, nyɛ̀iŋ nààŋ wùìyaim yèè nyuùŋ kòmaim nyàŋ! Wèè paŋ wo dèda wiɔ̀ Eɓulɔhɛɛ̀ŋ wo ka wa wo joo ko jawaì àŋ nyaaŋ Hàlaàŋ lɛ, wo Dàyà gbolòùŋ gbeeɔ̀ nauŋ wa fòlò feìŋ ko jawa gbeeì àŋ nyaaŋ Mɛsèpòtamiɔ̀,

Luùm 8:17

Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

1 Kɔliìŋ 2:9

Nààŋ wɔŋ fɛ̀ì Dayàa naŋ woò lɛ, “E nɛ̀ɛŋ wo nyùùŋ gbiŋ kòò yɛ̀mɛ̀ wa ɔ̀ɔ̀ kòò kòmò wa lɛ, e nɛ̀ɛŋ wo nyùùŋ gbiŋ kòò gòngò wa kè jiiò sùà kɛ̀ è ɓɛ̀nɛ̀ŋ kàaiŋ lɛ̀, tiŋ nàŋ yaà e nɛ̀ɛŋ wo Dayà naŋ banebànè wèè anyùùŋ nyaŋ mànaùŋ nyaŋ.”

2 Kɔliìŋ 4:15

Tɛɛ̀ gbiŋ yaà wèè esaɓùiŋ nɛ̀ sùà, yèè nààŋ e tɛ̀ɛ̀tɛ̀ɛ̀ Dayàa yaà hài sùà anyuùŋ zimgbe, àŋ do nàŋ fè e zòòlò ke sɛ̀ gèe zimgbe koɓɛ̀ e jòòwo Dayàa.

2 Kɔliìŋ 6:10

Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

1Tɛsè 2:12

È naiŋ sìè di, e nyɛ̀nɛ̀ŋ maŋ jiiiŋ màŋ fà, yèè è naiŋ nɔ̀ŋ dàwe sùà wèè naŋ nɔ̀ŋ wɔ̀ŋ nyiiŋ gèe sùà wɔŋ yèɔ naŋ fɔ̀ɔ̀yɛ̀ Dayà jii wɔ̀ŋ, wo yèɔ naiŋ nyààŋ wèè woiŋ gè nyààŋ diɛŋ naŋ nɔ̀ŋ aŋ bàuŋbà e kanauŋ nɛ̀ yaà e jòòwouŋ nɛ̀ sùà wɔ.

2Tɛsè 1:5

Tɛɛ̀ gbiŋ naŋ tɔɔ̀ kɛ̀ e kèì gbàì Dayà è yaà tɔ̀ɔ̀nyaàŋ wèètii wo Dayà doiŋ nàŋ jàà kùàŋ dìì wèè naŋ nɔ̀ŋ anyuùŋ kɛnɛ e kanauŋ nɛ̀ sùà, e yèɛ nìŋ yaà mɔɔnɛŋ weè niŋ lɛ̀.

1Time 6:18

Wòò nyiŋ wèè aŋ nyɛ̀nɛ̀ŋ e keì sìàŋ, aŋ nɔ̀ŋ bàne nyiŋ e tòmo siaŋ sùà, aŋ banebànè wèè aŋ kiɛ̀ŋ anyuùŋ joo.

2Time 4:18

Wo Kanaà doim nàŋ joeyè woim gè maŋ keì naanààŋ sùà, e kìlà woim kɔ̀à e Kànà àìjɛnɛ̀uŋ nɛ̀ sùà. Tɔ̀ e jòòwo nɔ̀ŋ e weèuŋ wèè julɔfɔ yèè jùlɔ̀fɔ̀! Àmiinàŋ.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

Jìiiŋ 1:16

Nyɛ̀iŋ nààŋ wùìyaim nyàŋ, ɓɔ̀ nìŋ dangè wò nyùùŋ doiŋ zuwò.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 1:9

Aŋ wùìya kɛ̀ɛ̀nɛ̀ŋ hààwe wi nyàŋ naŋ pɔɔ̀ nyaŋ, aŋ gè zɔlɔ̀ esaɓù kɛ̀ wo Dayà do nyiŋ nàŋ joowò.

1Pììlɛ 1:4

weètii è yɛmɛ̀ìŋ ko dòmàŋfeìŋ wèè eiŋ kɛ̀ɛ̀nɛ̀ŋ maŋ kpùùmaŋ bàne màŋ wo Dayà naŋ bànè ko hàa wèè anyunùuŋ nyàŋ maŋ. Wò naŋ miŋ bànè hàa weèiŋ ko àìjɛnɛ̀ŋ, ko yèi maŋ fè hèwà ɔ̀ɔ̀ maŋ pɔɔ̀ ɔ̀ɔ̀ maŋ kùwìè è tɔ̀mɛ.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.

Maŋ kèì nyɛɛnɛŋ 2:9

Kà nyìmàŋ maŋ keì nyìngaiŋ màŋ. Kà nyìmàŋ kɛ̀ nìŋ naŋ kɛ̀ɛ̀ò sìwè, kɛɛ tɔɔɓaa nìŋ naŋ banè. Kà nyìmàŋ maŋ keì naanààŋ maŋ àŋ woà maŋ e nyaàiŋ eiŋ dè e yìwìà anyùùŋ nyaŋ nyaaŋ nyiŋ bi aŋ Juùù, kɛɛ aŋ fè àŋ Juùù nyaŋ. Àŋ yaà ke gbòò anyùùŋ màŋjɛ̀wɛ̀ Sɛ̀tanàŋ.

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.