Jìiiŋ 2:21 - WƆŊ FƐ̀Ì EBÒ SÌÀŊ DAYÀA

²¹ Dièsɔa wo nèwàènèwe wiɔ̀ Eɓulɔhɛɛ̀ŋ naŋ wa nyɛ̀nɛ̀ŋ wo Dayà nauŋ wa jàà kùàŋ dìì? È yaà wa esàɓù ke kpèè siauŋ nɛɛ̀ŋ sùà nààŋ wò naŋ wa kìɛ̀ŋ wo jɔ̀àfelaauŋ nɔɔ̀ŋ Ààze wèè wouŋ gììyà saaà wɔŋ gbɛ̀gbɛ̀ zòòloɔ̀ diɛŋ.

Jìiiŋ 2:21 ပူးပေါင်းရင်းမြစ်များ

Maafiù 12:37

Ke ɗɔɔ yii wa nàwèè, maŋ mìè gbòaiŋ màŋ wo Dayà do nàŋ toomò wèè woiŋ gbaì. Miiŋ nàŋ doiŋ nàŋ jèè e keì ɔ̀ɔ̀ maiŋ gè e keì ɗì.”

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Luù 1:73

Wò naŋ gboonò koɓɛ̀ Eɓulɔhɛɛ̀iŋ kɛ̀, wò do wi naŋ joeyè e yìwìà aŋ joo wi nyàŋ sìwè. Kpeiŋ wò do wi nàŋ gè e jùù sùà wèè euŋ zoolò,

Luù 16:24

Wo kenàŋ bàneɔ̀ naŋ wòò wo Eɓulɔhɛɛ̀ŋ wààŋ, ‘Dàa Eɓulɔhɛɛ̀ŋ, yɛ̀mɛ̀im ke nyowo! Tuàŋ wo Lazɔlɔ̀ wèè wo dè ke kiiòuŋ nɛɛ̀ŋ e wùìyè sùà yèè wo dè miŋ e milè, esaɓù kɛ̀ mìŋ yaà kùwìè e keì nyìnga zimgbe e hmɔ̀ɔ̀ŋ lɛɛ̀ sùà.’

Luù 16:30

Yèè wo kenàŋ bàneɔ̀ naŋ woò wààŋ, ‘Tii gò gàŋ, dèda Eɓulɔhɛɛ̀ŋ! Kɛɛ sèè wo nyùùŋ bà wo weè yèwà e fàaà dìì yèè wo kà ko nɛ̀ɛ̀ŋ nyiŋ niìŋ, àŋ he weì nàŋ fè maŋ jùumù nyiŋ màŋ jɛwɛ.’

Jɔ̀ɔŋ 8:39

Anyùùŋ nyaŋ naŋ wòò wo Jisɛ̀ nyààŋ, “Wo Eɓulɔhɛɛ̀ŋ naŋ yaà wo dèda wiɔ̀.” Yèè wo Jisɛ̀ naŋ nyiŋ fasàì wààŋ, “Sèè naŋ weè nɔ̀ŋ aŋ jɔ̀à kòmàŋ Eɓulɔhɛɛ̀ŋ nyaŋ, nìŋ he weè nàŋ nyɛ̀nɛ̀ŋ e nɛ̀ɛŋ wò naŋ wa nyɛ̀nɛ̀ŋ lɛ.

Jɔ̀ɔŋ 8:53

E sɛmɛmaŋ mɔ̀ɛ̀ naŋ nìè e jè wo dèda wiɔ̀ Eɓulɔhɛɛ̀ŋ? Wò naŋ wa fɔ̀, e hààwè aŋ wɛ̀ijì nyaŋ. Ɓòò mùŋ naŋ gongò kɛ̀ mùŋ yaà?”

Nyɛ̀nɛ̀ŋ 7:2

Wo Siiwììŋ naŋ nyiŋ fasaì wààŋ, “Kùmiàŋ nìim, nyɛ̀iŋ nààŋ wùìyaim yèè nyuùŋ kòmaim nyàŋ! Wèè paŋ wo dèda wiɔ̀ Eɓulɔhɛɛ̀ŋ wo ka wa wo joo ko jawaì àŋ nyaaŋ Hàlaàŋ lɛ, wo Dàyà gbolòùŋ gbeeɔ̀ nauŋ wa fòlò feìŋ ko jawa gbeeì àŋ nyaaŋ Mɛsèpòtamiɔ̀,

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 4:1

Sèè è nɔ̀ŋ yɛi, kɛ̀ kiìŋ è naiŋ ɓɛ̀nɛ̀ŋ wòo wèè wo nèwàènèwe wiɔ̀ Eɓulɔhɛɛ̀ŋ e nyaàiŋ dè e yèɛ wuŋ bi naŋ wa nyɛ̀nɛ̀ŋ lɛ? Kiìŋ wò naŋ wa nyìmè e jiikɛ̀ɛuŋ nɛ̀ sùà?

Luùm 4:12

Tɛɛ̀ naŋ ɓɛìŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdà aŋ yè nyaŋ kinɛiŋ àŋ naŋ jàà kpùa nyàŋ, yèè aŋ naŋ hààwè Dayà, màànààŋ wo Eɓulɔhɛɛ̀ŋ naŋ wa nyɛ̀nɛ̀ŋ paŋgàà wò naŋ wa nɔ̀ŋ kpùà jààuŋ lɛ̀.

Luùm 4:16

Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.

Hiɓu 11:17

E hààwe naŋ nyɛ̀nɛ̀ŋ wo Eɓulɔhɛɛ̀ŋ naŋ wa kìɛ̀ŋ wo jɔ̀àfelaauŋ nɔɔ̀ŋ Ààze koɓɛ̀ Dayài wèè nɔ̀ŋ e nɛ̀ŋ saaà, nààŋ wo Dayà naŋ wa gbìɛ̀ŋ wuŋ Eɓulɔhɛɛ̀ŋ e wàa dìì. Wo Eɓulɔhɛɛ̀ŋ nàŋ yaà wo nyùnɔ̀ɔŋ wo Dayà naŋ jɔ̀ɔ̀ e ɗààhiì, yɛi nɔŋ è yaà wò naŋ wa banebànè, wèè wo gììyà wo jɔ̀àfèlàà gunùuŋ nɔɔ̀ŋ saaà.

Jìiiŋ 2:18

Kɛɛ wo nyùùŋ bà do nàŋ woò wààŋ, “Mùŋ kuwa e hààwe, yèè miàŋ mìŋ kuwa maŋ kpèè siaŋ.” Tɔ̀ɔ̀im e hààwe gò kɛ̀ɛ̀nɛ̀ŋ màŋ kpèè siaum màŋ, kɛ̀ miàŋ esàɓù maŋ kpèèim màŋ sùà mìŋ doum nàŋ tɔ̀ɔ̀ e hààwe mɛ̀.

Jìiiŋ 2:24

Nàŋ yɛmɛ̀ kɛ̀, wo Dayà jaa nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù maŋ kpèè siauŋ màŋ sùà, e fè nɔŋ wèè è hààweɛ̀ tiŋ guùŋ kpò.