Jìiiŋ 2:20 - WƆŊ FƐ̀Ì EBÒ SÌÀŊ DAYÀA

²⁰ Muŋ nyuùŋ zùwoum, mùŋ manaŋ wèè maŋ tɔɔ̀ kɛ̀ e hààwe fɔɔnyɔ̀ɔ̀ŋ gò kùwìè kè nyɛ̀nɛŋ siaŋ è yaà wèè foo?

Jìiiŋ 2:20 ပူးပေါင်းရင်းမြစ်များ

Luùm 1:21

Àŋ nyìmàŋ wo Dayà, kɛɛ aŋ fòuŋ kìɛ̀ŋ è ɓɛ̀ɛ̀jàa ɔ̀ɔ̀ auŋ gè sɛ̀. Maŋ gòngo nyiŋ màŋ yaà wèè foo, yèè maŋ jiikɛ̀ɛ gò kɛɛnɛ̀ŋ nyiŋ màŋ naŋ nyɛ̀nɛ̀ŋ àŋ nɔ̀ŋ ke nyìwì sùà.

Luùm 3:28

È naiŋ yɛmɛ̀ kɛ̀ wo Dayà jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààweɛ̀ àŋ kuwa lɛ̀, kɛɛ e fè wèè màŋ Sàwà maŋ è jɔɔlɔ̀ìŋ dìì maŋ.

Luùm 9:20

Kɛɛ ɓòò nàŋ yààùm muàum nyuùŋ kpùnɔɔ̀ŋ, wèè maŋ gbìàŋ wo Dayà wɔŋ mààŋdàwè wèè e yèɛ wò nyɛnɛŋ lɛ̀? E golà kpoò fè ɓɛ̀nɛ̀ŋ dàwè wò nyùnɔ̀ɔŋ naŋ niŋ banè wɔ wààŋ, “Wèè kiìŋ mùŋ naim yɛi bànè?”

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Time 1:6

Anyùùŋ nyaŋ bà nyiŋ àŋ fè maŋ keì kɛnɛ mɛ̀ɛ̀ŋ jɛwɛ, yèè aŋ bà nyiŋ àŋ dè e keì kpàna maŋjɛ̀wɛ wèè foo.

Taitɔ̀ 1:10

Anyuùŋ gò jɔɔlɔ̀ zimgbe àŋ yaào aŋ kuwà è ɓɛ̀ɛ̀jàà wèè àŋ sìèfeìŋ, yèè àŋ zuwà anyùùŋ nyaŋ bà nyiŋ maŋ mìè gbòa foofòò sùà. Tɛɛ̀ yaà e tɔɔɓaa yèè è kaaìŋ, kai kai ngèè aŋ Juùù nyaŋ yè nyaŋ kaà kɛ̀, sɔɔ̀ anyùùŋ nyaŋ fè àŋ Juùù nyaŋ aŋ nɔ̀ŋ kpùà jàa nyiŋ pangàà àŋ nɔ̀ŋ anyuùŋ hààwe.

Jìiiŋ 1:26

Sèè wo nyùùŋ gbiŋ naŋ goungò ke jiio sùà kɛ̀ wò yaà wo nyuùŋ zòòlò Dayà kɛɛ wo fè yɛ̀mɛ̀ màŋ mìè gbòauŋ màŋ diɛŋ, wò yaà nɔŋ zùwo sùà wuŋ bi yèè e Dayà zòòlouŋ nɛ̀ kàìŋ nɛ è yaà e foofòò niŋ.

Jìiiŋ 2:17

Yɛi e hààweɛ̀ yaà, sèè e hààweɛ̀ e nɔ̀ŋ tiŋ guùŋ ke kpèè siaŋ bà gbiŋ gò niŋ nɔ̀ŋ màŋjɛ̀wɛ è yaà e hààwe fàa.

Jìiiŋ 2:26

Weètii, nààŋ nɔŋ wo jinàaŋ folo wo nyuùŋ kpùnɔɔ̀ŋ sùà kɛ̀ wò fà lɛ, yɛi nɔŋ è yaà sèè ke kpèè ke gò nɔ̀ŋ è hààwe màŋjɛ̀wɛ è yaà e hààwe fàa.