Jìiiŋ 2:18 - WƆŊ FƐ̀Ì EBÒ SÌÀŊ DAYÀA

¹⁸ Kɛɛ wo nyùùŋ bà do nàŋ woò wààŋ, “Mùŋ kuwa e hààwe, yèè miàŋ mìŋ kuwa maŋ kpèè siaŋ.” Tɔ̀ɔ̀im e hààwe gò kɛ̀ɛ̀nɛ̀ŋ màŋ kpèè siaum màŋ, kɛ̀ miàŋ esàɓù maŋ kpèèim màŋ sùà mìŋ doum nàŋ tɔ̀ɔ̀ e hààwe mɛ̀.

Jìiiŋ 2:18 ပူးပေါင်းရင်းမြစ်များ

Luùm 14:23

Kɛɛ sèè àŋ go kɛ̀ɛ̀nɛ̀ŋ hààwe e nyaàiŋ dè e nɛ̀ŋjeɛ̀ àŋ jè lɛ, wo Dayà do nyiŋ nàŋ hèè e kiti diɛŋ, esaɓù kɛ̀ aŋ gò nyìnìàŋ è keì bi è hààwe sùà. Ke nyɛ̀nɛŋ gbiŋ ke yèɛ gò jàànè kòɓɛ̀ è hààwe lɛ̀ è yaà e jùumù.

Luùm 3:28

È naiŋ yɛmɛ̀ kɛ̀ wo Dayà jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààweɛ̀ àŋ kuwa lɛ̀, kɛɛ e fè wèè màŋ Sàwà maŋ è jɔɔlɔ̀ìŋ dìì maŋ.

Luùm 4:6

Wɔŋ fɛ̀ì Dayàa sùà wo Dèèwe naŋ wòò è kèè e zɔlɔ̀ɛ hnàŋ koɓɛ̀ wo nyùnɔ̀ɔŋ wo Dayà naŋ jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ wɔ, eɓìèmàŋjɛ̀wɛ̀ e nɛ̀ŋ gbiŋ e yèɛ wo nyùùŋ wii nyɛnɛŋ lɛ̀.

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Luùm 9:19

Nyɛ̀iŋ nyɛɛ̀ŋ bà guùŋ doim nàŋ woò wààŋ, “Sèè è nɔ̀ŋ yɛi, kɛ̀ dièsɔa wo Dayà naŋ ɓɛ̀nɛ̀ŋ sìà wo nyùùŋ gbiŋ jii? Ɓòò naŋ ɓɛ̀nɛ̀ŋ gììyà e yèɛ wo Dayà manaŋ lɛ̀ maŋhɛɛ?”

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Taitɔ̀ 2:7

E gbio sùà, muàŋ bi nɔ̀ŋ e tɔ̀ɔ̀màŋsèì maŋ kpèè siaŋ. Mùŋ kuwa maŋ jilɛ̀ŋ, e kìlà maŋ sìà ke di e kàa mɔ̀ɛ̀ sùà.

Hiɓu 11:31

E hààwe naŋ nyɛ̀nɛ̀ŋ wo Làhaà, wo nìe nyɛ̀nɛ̀ŋ hmɔŋtuɔ̀, wo Dayà gòuŋ wa jìwà, màànààŋ àŋ naŋ wa jìwè anyùùŋ nyaŋ naŋ wa gììyè wo Dayà maŋhɛɛ nyàŋ, esaɓù kɛ̀ wò naŋ wa jàà anyùùŋ Ezɔ̀ɛ̀ nyaŋ kùàŋ dìì, aŋ yè nyaŋ naŋ wa hnè wèè yɛmɛ̀ e jɛ̀ì kìì fuɔɔ̀ŋ jɛ̀wɛ̀ nyaŋ.

Hiɓu 11:33

E yìwìà esàɓù hààweɛ̀ àŋ kuwa wa lɛ̀, àŋ naŋ sùmìè maŋ kànà fuɔŋ ɗi yèè àŋ naŋ miŋ ɓùlò. Àŋ naŋ wa nyɛ̀nɛ̀ŋ tɔ̀ɔ̀nyaàŋ, yèè wo Dayà naŋ nyiŋ wa kìɛ̀ŋ e nɛ̀ɛŋ wò naŋ wa jɔ̀ɔ̀ e ɗààhiì wèè wo nyiŋ kiɛ̀ŋ lɛ. Àŋ naŋ wa ɓùwò maŋ nyààŋ aŋ nyàa nyàŋ,

Hiɓu 11:6

Wo nyùùŋ gbiŋ fè ɓɛ̀nɛ̀ŋ nyɛ̀nɛ̀ŋ è yèɛ wò Dayà manàŋ lɛ̀ sèè wò go kɛ̀ɛ̀nɛ̀ŋ hààwe, esaɓù kɛ̀ wo nyùnɔ̀ɔŋ gbiŋ hnàŋ wo koɓɛ̀ Dayài wɔ̀ kuwa wo kɛ̀ɛ̀nɛ̀ŋ hààwe kɛ̀ wo Dayà yaà wɔŋ nyiiŋ gèeɔ̀ sùà, yèè wò kiɛ̀ŋ e jìwààjɛ̀wɛ̀ koɓɛ̀ anyùùŋ gbiŋ kamàuŋ nyaŋ.

Jìiiŋ 2:14

Nyɛ̀iŋ nààŋ wùìyaim nyàŋ, kiìŋ nàŋ yaà e jìwààjɛ̀wɛ̀ siaàŋ wèè wo nyùùŋ woò kɛ̀ wò kuwa e hààwe kɛɛ maŋ nyɛ̀nɛuŋ màŋ fè niŋ tɔɔ̀? Sèè wo nyùùŋ kùwìè e hààwe mààŋ tii èuŋ ɓɛ̀nɛ̀ŋ joeyè?

Jìiiŋ 3:13

Ɓòò naŋ kɛ̀ɛ̀jii yèè wò jaa e keì jii e tɛɛiŋ? Tɔ̀ɔ̀ niŋ e yìwìà wɔŋ nyiiŋ gèe siaŋ mɔɔ̀ŋ sùà, yèè maŋ kpèè siaum màŋ mùŋ nyinìàŋ e jɔ̀ɔ̀lɔ dìì e yèɛ folo e jiikɛ̀ɛ sùà lɛ.