Jìiiŋ 1:26 - WƆŊ FƐ̀Ì EBÒ SÌÀŊ DAYÀA

²⁶ Sèè wo nyùùŋ gbiŋ naŋ goungò ke jiio sùà kɛ̀ wò yaà wo nyuùŋ zòòlò Dayà kɛɛ wo fè yɛ̀mɛ̀ màŋ mìè gbòauŋ màŋ diɛŋ, wò yaà nɔŋ zùwo sùà wuŋ bi yèè e Dayà zòòlouŋ nɛ̀ kàìŋ nɛ è yaà e foofòò niŋ.

Jìiiŋ 1:26 ပူးပေါင်းရင်းမြစ်များ

Maafiù 15:9

E zòòlo nyiŋ nɛ̀ ko nɛ̀ɛ̀ŋ miìŋ è yaà wèè foo, esaɓù kɛ̀ àŋ kaà maŋ sàwà bànè nyuùŋkpùuŋ, e teenè mààŋ miiŋ nàŋ yaà maŋ sàwàim màŋ!’ ”

Luù 8:18

“Jàaìŋ maŋ nùŋ dìì tɛ̀ɛ̀ wèè e ɗeweɛ̀ nìŋ komo maŋ kàìŋ lɛ. Esaɓù kɛ̀ anyùùŋ nyaŋ kuwa e nɛ̀ŋ bà nyaŋ, wo Dayà do nyiŋ ɓɛìŋ nàŋ tooyè. Kɛɛ anyùùŋ nyaŋ kuwà è nɛ̀ŋ bà nyàŋ, e tòloòɛ pɛɛ àŋ naŋ gongò kɛ̀ àŋ kuwa lɛ̀, wò do nyiŋ niŋ nàŋ gè sìwè.”

1 Kɔliìŋ 15:15

Eɓìèmàŋjɛ̀wɛ̀ tii, è do nàŋ nɔ̀ŋ tɔ̀ɔ sùà kɛ̀ è yààìŋ tòa sùà e nyaàiŋ dè Dayà. Esaɓù, è naiŋ woò kɛ̀ wò naŋ gè wo Jisɛ̀ Kulaì e fàa dìì. Kɛɛ sèè e nɔ̀ŋ tɔɔɓaa kɛ̀ anyuùŋ fàa nyàŋ naàŋ yèwè è dìì wɔŋ nyiiŋ gèeɔ̀ sùà, kɛ̀ wo Dayà gò wa gè wò Jisɛ̀ Kulaì è fàa dìì.

1 Kɔliìŋ 15:2

Tiŋ nàŋ yaà e tɔɔɓaaà, ke miè gbìàŋ Ebò Siaàŋ mìŋ naŋ wòò ko nɛ̀ɛ̀ŋ niìŋ lɛ. E hààweɛ̀ èiŋ joeyè sèè nìŋ kùwò niìŋ kpaŋ, sɔɔ̀ zà naŋ wa nɔŋ haawè wèè foo.

1 Kɔliìŋ 3:18

Ɓɔ̀ nìŋ zuwò nyɛ̀iŋ bi. Sèè wo nyùùŋ gbiŋ naŋ gongò kɛ̀ wò naŋ kɛ̀ɛ̀jii maŋ kèì ɗuunyaŋ mɛɛ̀ŋ sùà, kɛ̀ sɔɔ̀ maŋ nyɛ̀nɛ̀ŋ zùwo wèè maŋ kɛ̀ɛ̀nɛ̀ŋ kɛ̀ɛ̀jii.

Gàla 2:6

Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Gàla 3:4

Maŋ keì nyìnga màŋ gbiŋ nìŋ naŋ wa kɔ̀ dìì maŋ, naŋ wa nɔ̀ŋ wèè foo? Tɔɔɓaa maŋ fè wa è wèè foo!

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Ɛfesɔ̀ 5:4

Gbeeiŋ ngèè wèè naŋ gbòà maŋ mìè gbòa naanààŋ, maŋ mìè gbòà sàngè kà tinàŋ gbiŋ, ɔ̀ɔ̀ maŋ mìè gbòa gò kùwìè jiikɛ̀ɛ, kɛɛ naŋ gè wo Dayà ke sɛ̀.

Kòlo 4:6

Maŋ mìè gbòaiŋ màŋ maŋ ɓuuyè nyiŋ maŋ nùŋ e teenga gbiŋ e kìlà aŋ kɛɛnɛ̀ŋ mànaŋ weè miŋ yèè maŋ hiàŋ nyiŋ e keì sìàŋ. Yɛ̀mɛìŋ maŋ mìè gbòaiŋ màŋ diɛŋ e kìlà niŋ nɔ̀ŋ bànèbaneiŋ wèè naŋ fàsàì wo nyùùŋ tɛ̀ɛ̀ sèè wò dawàìŋ wɔŋ mààŋdàwè.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 1:22

Ɓɔ̀ nìŋ kòmaŋ nɔŋ kè miè gbìaàŋ nìŋ do kuii dìà, kɛɛ nyɛ̀nɛìŋ e nɛ̀ɛŋ ke miè gbìaàŋ naŋ woò lɛ.

Jìiiŋ 2:20

Muŋ nyuùŋ zùwoum, mùŋ manaŋ wèè maŋ tɔɔ̀ kɛ̀ e hààwe fɔɔnyɔ̀ɔ̀ŋ gò kùwìè kè nyɛ̀nɛŋ siaŋ è yaà wèè foo?

1Pììlɛ 3:10

Màànààŋ wɔŋ fɛ̀ì Dayàa naŋ woò lɛ, “Wo nyùnɔ̀ɔŋ manaŋ wèè wo jììkà wɔŋ nyiiŋ e kìlà wo yɛ̀mɛ̀ maŋ ɗɔɔ siaŋ wɔ̀, wo gèe maŋ miè naanààŋ gbòa kùàŋ sùà, yèè wo dàngè tòa.