Jìiiŋ 1:18 - WƆŊ FƐ̀Ì EBÒ SÌÀŊ DAYÀA

¹⁸ Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

Jìiiŋ 1:18 ပူးပေါင်းရင်းမြစ်များ

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

1 Kɔliìŋ 4:15

Sèè weè pɛɛ naŋ kùwìè anyuùŋ yɛ̀mɛ̀ e kiiŋ dììo sùà e sɔ̀ngɔ̀ tààsùùŋ zììyà maŋ nyììŋ gè anyuùŋ hààwe nyàŋ sùà, nìŋ kuwa nɔ̀ŋ wo dèda guùŋ. Maŋ nyiiŋ gèeiŋ màŋ e nɔ̀iŋ aŋ bàiŋbà Jisɛ̀ Kulaì sùà, mìŋ naŋ nɔ̀ŋ wo dèdaiŋ esaɓù kɛ̀ miàŋ naŋ hìɛ̀ŋ ke mìè gbìàŋ Ebò Siaàŋ ko nɛ̀ɛ̀ŋ niìŋ.

2 Kɔliìŋ 6:7

esàɓù mìè gbìàŋ tɔ̀ɔ̀nyaàŋ wiɛ̀, yèè esàɓù e gààŋ Dayàa sùà. È kùwàìŋ e tɔ̀ɔ̀nyaàŋ tiŋ nàŋ yaà e kaì nɛ̀ŋ sùmiaŋ wilɛ̀, wèè eiŋ dàà ke gùuŋ, yèè wèè eiŋ yɛ̀mɛ̀ yàwi bi diɛŋ.

Ɛfesɔ̀ 1:12

E wèètii, yàwi nyàŋ naiŋ nɔ̀ŋ aŋ jiɛ̀jiɛ̀ nyaŋ wèè eiŋ kùwìè ke jii tùlia wo Jisɛ̀ Kulaì sùà nyaŋ, tɛ̀nɛ̀ŋ wiìŋ e jòòwò Dayàa!

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

2Time 2:15

Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ naŋ ɓɛ̀nɛ̀ŋ nyɛ̀nɛŋ lɛ̀ wèè wo Dayà jààum kùàŋ dìì, mààŋ wo nyuùŋ tòmoɔ̀ e sàngè fè wèè è tòmouŋ nɛ̀ wɔ, wo yèɔ kaà ke mìè gbìàŋ Dayàa e tɔ̀ɔ̀nyaàŋ sùà wɔ̀.

Hiɓu 12:23

Nàŋ hnàŋ koɓɛ̀ ke gbòò anyuùŋ hààwè Dayà nyaŋ, aŋ jɔ̀à kòmaŋ jiɛ̀jiɛ̀ nyaŋ, aŋ yè nyaŋ maŋ deè nyiŋ màŋ yaà sìnga miŋ ko àìjɛnɛ̀ŋ. Nàŋ hnàŋ koɓɛ̀ Dayài, wo nyuùŋ hàà kitiɔ̀ wèè anyùùŋ nyaŋ gbiŋ, yèè aŋ jìnàŋ anyùùŋ tɔ̀ɔ̀nyaàŋ nyàŋ gbiŋ wo Dayà naŋ nyɛ̀nɛ̀ŋ àŋ naŋ zɛ̀nɛ̀ŋ nyaŋ.

Jìiiŋ 1:15

Kpeiŋ sèè e wànàŋ maŋ keì naanààŋ jɔ̀à wo nyùùŋ ke jiio sùà, yèè wo nyùùŋ bi jàà maŋ keì bi kùàŋ dìì, wò do naŋ gbìɛ̀ŋ kùàŋ maŋ kèì jùumù nyɛ̀nɛŋ sùà. Sèè wo nyùùŋ wò jeeyà maŋ jùumù sùà, ko jee ɗìuŋ niìŋ wò dò naŋ fɔ̀.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

Jìiiŋ 3:14

Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

1Jɔ̀ɔŋ 3:9

Aŋ yè nyaŋ yaà aŋ jɔ̀à Dayà nyaŋ, aŋ fè nɔŋ nɔ̀ŋ màŋ jùumù sùà keleiŋ. Esaɓù nàŋ yaà kɛ̀ ke sɔ̀ŋ Dayàa yaà nyiìŋ sùà. Yèè nààŋ wo Dayà nàŋ yaà wo Dèda nyiŋ nɔɔ̀ŋ lɛ, aŋ fè nyɛ̀nɛ̀ŋ màŋ kèì jùumù keleiŋ.

Maŋ kèì nyɛɛnɛŋ 14:4

Anyùùŋ nyɛɛ̀ŋ nyiŋ guùŋ nɔŋ nàŋ yaà aŋ felaa nyàŋ nààŋ kòò àŋ sìè è hààwe nyiŋ nɛ̀ ninaŋ, aŋ yè nyaŋ nyimààŋ kèè jɔùŋ nyaŋ. Àŋ dè wo Ɓaawaaà maŋjɛ̀wɛ àŋ kà koɓɛ̀i gbiŋ wò kɔ̀à lɛ. Àŋ naŋ nyiŋ bilɛ̀ŋ e yìwìà anyuùŋ kpùuŋ ziì nyaŋ gbiŋ sùà e dììɛ diɛŋ, yèè nyiŋ nàŋ yaà aŋ jiɛ̀jiɛ̀ nyaŋ do nàŋ nɔ̀ŋ kìɛŋ nyiŋ koɓɛ̀ Dayài yèè koɓɛ̀ wo Ɓaawaaà.