Jìiiŋ 1:17 - WƆŊ FƐ̀Ì EBÒ SÌÀŊ DAYÀA

¹⁷ Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

Jìiiŋ 1:17 ပူးပေါင်းရင်းမြစ်များ

Maafiù 7:11

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛ̀ŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ mànɛ̀ŋ kɛnɛ kòɓɛ̀ ànyùùŋ nyaŋ dawàuŋ nyaŋ?

Luù 11:13

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ wò Jìnàŋ Nɛɛmaàŋ kòɓɛ̀ ànyùùŋ nyaŋ dawàuŋ nyaŋ?”

Jɔ̀ɔŋ 1:9

Tɛɛ̀ nàŋ yaà wa e gbòlòùŋ tɔ̀ɔ̀nyaàaŋ e yèɛ yaà wa hìnìè e ɗuunyaàŋ wèè e mɛ̀ɛ̀ŋ anyùùŋ nyaŋ gbiŋ diɛŋ lɛ̀.

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

1 Kɔliìŋ 4:7

Kiìŋ kai nàŋ yaà e kiium sùà è yaà è gbà? Wo Dayà nààŋ gòum fè è nɛ̀ɛŋ gbiŋ mùŋ kuwa lɛ̀? Sèè è nɔ̀ŋ yɛi, kɛ̀ wèè kiìŋ mùŋ kɛɛ maŋ nyòngà, mààŋ koɓɛ̀i e nɛ̀ɛŋ mùŋ kuwa lɛ̀, e fè è nɛ̀ŋ kìɛ̀ŋ Dayà?

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Ɛfesɔ̀ 2:8

E yìwìà e tɛ̀ɛ̀tɛ̀ɛ̀ Dayàa sùà wò naiŋ joeyè, esàɓù e hààwe sùà. Niŋ gò nyɛ̀nɛ̀ŋ è nɛ̀ŋ bà gbiŋ weè niŋ, e wèè wo nyùùŋ gbiŋ go nàŋ kɛ̀ɛ̀ màŋ nyòngà, esaɓù kɛ̀ è yaà e nɛ̀ŋ kìɛŋ wo Dayà naiŋ niŋ kiɛ̀ŋ.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

Hiɓu 13:8

Wo Jisɛ̀ Kulaì fè vɔɔnɔ̀ŋ julɔfɔ. Wuŋ nàŋ yaà wo Jìsɛ̀ gunɔ̀ɔŋ jɛ̀ɛ̀, nàaŋ ɗɔɔ yɛɛ̀, yèè julɔfɔ.

Jìiiŋ 1:5

Sèè nyɛ̀iŋ nyɛɛ̀ŋ bà gbiŋ niŋ gò kùwìè è jiikɛ̀ɛ, wo dawè Dayà, wuŋ nàŋ kiɛ̀ŋ nyùùŋ kpùuŋ gbiŋ sengei e yìwìà ke jii fauŋ nɛɛ̀ŋ diɛŋ.

Jìiiŋ 3:15

E jiikɛ̀ɛ mààŋ tɛɛ̀ e fè è yèɛ yewe wò Dayà sìwè lɛ, e jè ke fòolàa e ɗuunyaŋ lɛɛ̀ tii, wo Jìnàŋ Dayàa fè niìŋ sùà e jè Sɛ̀tanàaŋ wuŋ bi tii.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

1Jɔ̀ɔŋ 1:5

Ke miè gbìaàŋ è naiŋ kòmò wo Jisɛ̀ naŋ wi woò lɛ nàŋ yaà e yèɛ è yààìŋ woo lɛ̀ kɛ̀, wo Dayà yaà e gbolòùŋ, yèè ke nyìwì bà gbiŋ fòuŋ sùà.

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.

Maŋ kèì nyɛɛnɛŋ 21:23

Ko jawa gbeeì, esaɓù bà fè wa wèè è gɔɛɛ̀ ɔ̀ɔ̀ wɔ̀ŋ wààa mao dè, fòfoo e jòòwò Dayàa nàŋ mɛɛŋ ko jawaì, e kìlà wo Ɓaawaaà nàŋ yaà e laumpòɛ wèè ko jawa gbeeì.

Maŋ kèì nyɛɛnɛŋ 22:5

E dùùm gbiŋ nào wa nàwèè ɓɛìŋ kùwò, e kìlà aŋ naàŋ ɓɛìŋ nyɛ̀nɛ̀ŋ è wànàŋ è laumpò ɔ̀ɔ̀ è gbòlòùŋ gɔɛɛ̀, esaɓù kɛ̀ wo Kanaà Dayà nàŋ do nàŋ nɔ̀ŋ e gbolòùŋ nyiŋ nɛ̀. Wuŋ yaà wo Ɓaawaaà do nàŋ nɔ̀ŋ aŋ kana wèè julɔfɔ yèè julɔfɔ.