Jìiiŋ 1:14 - WƆŊ FƐ̀Ì EBÒ SÌÀŊ DAYÀA

¹⁴ Manɛ̀ŋ maŋ tawà wo nyùùŋ jii wèè wo sɛ̀ɛ̀ maŋ jùumù sùà maŋ nàŋ yaà maŋ kèì wànàŋ naanààŋ maŋ ke jiiuŋ nɛɛ̀ŋ sùà. Miiŋ nàŋ nyɛ̀nɛùŋ wo gbìàŋ kùàŋ maŋ keì naanààŋ nyɛ̀nɛŋ sùà.

Jìiiŋ 1:14 ပူးပေါင်းရင်းမြစ်များ

Maafiù 15:18

Kɛɛ e nɛ̀ɛŋ fuliàìŋ ko nyààŋ lɛ tiŋ nàŋ yewe maŋ jii komaiŋ màŋ diɛŋ, yèè mɛɛ̀ŋ nàŋ nyɛnɛŋ maŋ nɔ̀ŋ wo nyuùŋ gò zɛ̀nɛ̀ŋ.

Maafiù 15:20

Maŋ keì naanààŋ mɛɛ̀ŋ gbiŋ fòlòùm ko sùà yèè maum nyɛ̀nɛ̀ŋ maŋ nɔ̀ŋ wo nyuùŋ gò zɛ̀nɛ̀ŋ. Kɛɛ sèè mùŋ go gùà le sìwè paŋgàà maŋ jènɛ̀ŋ nààŋ àŋ naŋ woò lɛ, tii e fòum nyɛ̀nɛ̀ŋ wèè maŋ nɔ̀ŋ wò nyuùŋ gò zɛ̀nɛ̀ŋ.”

Maafiù 4:1

Kpeiŋ wo Jìnàŋ wo Kanaà Dayà naŋ nyɛ̀nɛ̀ŋ wo Jisɛ̀ wo kà ke fòùngà e diì wòaà sùà wèè wo Sɛ̀tanàaŋ wouŋ wàà.

Maafiù 5:28

Kɛɛ tɔ̀ miŋ woòiŋ naàŋ e tɔ̀ɔ̀nyaàaŋ kɛ̀, sèè wo nyùùŋ gbiŋ wo yɛ̀mɛ̀ wo jɔùŋ maŋjɛ̀wɛ, yèè wouŋ mànàŋ ke jiiuŋ nɛɛ̀ŋ sùà wèè wo nɔ̀ŋ wo jawèuŋ, kɛ̀ wo nyùùŋ wii wò nyìnìàŋ wo jɔùŋ wii hmɔŋtu ke jiiuŋ nɛɛ̀ŋ sùà.

Luùm 7:11

E jùumù naŋ yɛ̀mɛ̀ ɗewe, yèè esàɓù ke sàwàa, e jùumù naim zuwò yèè è naim jìwè.

Luùm 7:13

Tɛɛ̀ naŋ tɔɔ̀ kɛ̀ e tɛ̀ɛ̀tɛ̀ɛ̀ nyiŋ nɛ̀ naim nyɛ̀nɛ̀ŋ mìŋ naŋ fɔ̀? Ke sàwàa nààŋ gòim wa nyɛ̀nɛ̀ŋ mìŋ do fà. Kɛɛ e jùumù naŋ tòòmò ke sàwàa, yèè è naim nyɛ̀nɛ̀ŋ mìŋ naŋ fɔ̀, wèè kɛ̀ anyùùŋ naŋ ɓɛ̀nɛ̀ŋ nyìmaŋ janjai kɛ̀ kiìŋ nàŋ yaà e jùumù. E yìwìà esàɓù ke sàwàa, èiŋ naàŋ ɓɛ̀nɛ̀ŋ nyìmaŋ kɛ̀ e jùumù yaà e keì naanààŋ gbee.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Hiɓu 3:13

Kɛɛ è yaà tɛ̀ɛ̀ wèè naŋ kìɛ̀ŋ àŋ dàwiiŋ nyàŋ maŋ jii nyingè ke ɗɔɔ gbiŋ, nààŋ nɔŋ ke mìè Dayàa “Nàaŋ” wɔŋ fɛ̀ì Dayàa sùà naŋ woò lɛ. Wo nyùùŋ bà gbiŋ e tɛɛiŋ ɓɔ̀ wò nyɛ̀nɛ̀ŋ kè jiiuŋ nɛɛ̀ŋ kè do nyìngà esàɓù maŋ jùumù maŋ wò do nàŋ nyɛ̀nɛ̀ŋ maŋ.

Jìiiŋ 1:13

Sèè eiŋ kà e wàa dìì wèè eiŋ nyɛ̀nɛ̀ŋ e keì naanààŋ, ɓɔ̀ è woò wìà, “Wò Dayà naŋ wi wɔ̀ɔ̀ wèè eiŋ nyɛ̀nɛ̀ŋ è keì naanààŋ lii.” Esaɓù kɛ̀ e keì naanààŋ fè tàwè wò Dayà kè jiiò sùà, yèè wuŋ bi fè nyɛ̀nɛ̀ŋ ke jìì nyùùŋ do tàwè sùà wèè wo nyɛ̀nɛ̀ŋ è keì naanààŋ.

Jìiiŋ 1:15

Kpeiŋ sèè e wànàŋ maŋ keì naanààŋ jɔ̀à wo nyùùŋ ke jiio sùà, yèè wo nyùùŋ bi jàà maŋ keì bi kùàŋ dìì, wò do naŋ gbìɛ̀ŋ kùàŋ maŋ kèì jùumù nyɛ̀nɛŋ sùà. Sèè wo nyùùŋ wò jeeyà maŋ jùumù sùà, ko jee ɗìuŋ niìŋ wò dò naŋ fɔ̀.