Jɔ̀ɔŋ 9:39 - WƆŊ FƐ̀Ì EBÒ SÌÀŊ DAYÀA

³⁹ Yèè wo Jisɛ̀ naŋ woò wààŋ, “Mìŋ naŋ hnè e ɗuunyaŋ lɛɛ̀ wèè ka gbàì anyùùŋ nyaŋ. Mìŋ naŋ hnè wèè ka nyɛ̀nɛ̀ŋ wo nyuùŋ zììlè le fɛ̀ɛ̀ɔ wo yɛ̀mɛ̀ dìì, yèè wèè ka nyɛ̀nɛ̀ŋ wo nyùnɔ̀ɔŋ yɛmɛ̀ dìì wɔ wo zììlè le fɛ̀ɛ̀.”

Jɔ̀ɔŋ 9:39 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 15:14

Ɓɔ̀ nìŋ gongò è kii nyiŋ! Àŋ yaà aŋ ɓɛ̀màŋɗì zììlè le fɛ̀ɛ̀ wèè anyuùŋ zììlè le fɛ̀ɛ̀ nyaŋ. Yèè sèè wo nyuùŋ zììlè le fɛ̀ɛ̀ wo sìè wo dàwiuŋ nɔɔ̀ŋ feìŋ wèè wouŋ koà, nyiŋ tìyèe àŋ do nàŋ sɛ̀ɛ̀ ko golo.”

Maafiù 6:23

Kɛ̀ɛ̀ sèè le fɛɛ̀ mɔ̀ɛ̀ è go nɔ̀ŋ sengei, ke kpùnaŋ mɔɛ̀ŋ do nàŋ nɔ̀ŋ ke nyìwì sùà. Sèè e gbolòùŋ nɛ è nɔ̀ùm sùà lɛ è nɔ̀ŋ ke nyìwì, kɛ̀ tɔɔɓaa mùŋ yaà ke nyiwì gbee sùà.

Luù 1:79

Yèè yàwi nààŋ nyùùŋ nyaŋ joàìŋ ke nyìwì e fàa sùà nyaŋ, e gbolòùŋ lɛɛ̀ do wi nàŋ mɛ̀ɛ̀ŋ diɛŋ wèè e wi tɔ̀ɔ̀ ke dòmaàŋ kɔ̀à koɓɛ̀ wɔŋ nyììŋ gè ke jii fàa sùà yɛ̀.”

Luù 13:30

Kpeiŋ anyùùŋ nyaŋ yaà naàŋ aŋ dìàmaŋ nyàŋ lɛ, do nàŋ nɔ̀ŋ anyuùŋ jiɛ̀jiɛ̀ nyaŋ, anyùùŋ nyaŋ yaà naàŋ aŋ jiɛ̀jiɛ̀ nyaŋ lɛ̀, do nàŋ nɔ̀ŋ anyuùŋ dìàmaŋ nyàŋ.”

Luù 2:34

Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 7:21

E teenga lii sùà wo Jisɛ̀ naŋ wa sùngò anyuùŋ zimgbe kɛ̀ɛ̀nɛ̀ŋ maŋ sàaŋ gɛ̀wɛɛ̀, wo gè aŋ jinàŋ naanààŋ anyùùŋ maŋjɛ̀wɛ, yèè wò naŋ kpuumò wo gbàì maŋ fɛ̀ɛ̀ anyuùŋ zììlè le fɛ̀ɛ̀ zimgbe.

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 3:19

E ɗeweɛ̀ lɛɛ̀ sùà wo Dayà do wa nàwèè nàŋ kìlìè kiti anyùùŋ diɛŋ. Esaɓù kɛ̀, anyùùŋ nyaŋ e ɗuunyaàŋ naŋ yɛ̀mɛ̀ e gbòlòùŋ Dayàa, kɛɛ anyuùŋ kpùuŋ manaŋ ke nyìwìɛ e nìàŋ e gbolòùŋ nɛ, esaɓù kɛ̀ ke nyìwìɛ sùà àŋ nyiniàŋ maŋ keì ngaamuŋ ngààmùŋ nyiŋ màŋ.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 8:15

Nìŋ gbaì anyùùŋ e ɗèwè guùŋ nɛ sùà màànààŋ nɔŋ anyuùŋ gbànaŋ nyàŋ gbiŋ nyɛnɛŋ lɛ̀, kɛɛ miŋ fè gbàì wò nyùùŋ gbiŋ.

Jɔ̀ɔŋ 9:25

Wo felaaà wo Jisɛ̀ naŋ sùngò wɔ naŋ nyiŋ fasàì wààŋ, “Miŋ nyimààŋ sèè mààŋ wò yaà wò nyùùŋ màŋ jùumù ɔ̀ɔ̀ wo fè wò nyùùŋ màŋ jùumù. E yèɛ mìŋ naŋ nyìmè lɛ nàŋ yaà kɛ̀, àŋ naim wa kùmìè le fɛɛ̀ zììle, kɛɛ mìŋ yɛmɛ̀ naàŋ dìì.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

2 Kɔliìŋ 2:16

E wèè aŋ yè nyaŋ do nàŋ go nyàŋ, e nɛ̀ŋ hùmòò dò naanààŋ nàŋ jìwè nyiìŋ. Kɛɛ wèè aŋ yè nyaŋ do nàŋ jòèyè nyaŋ, e nɛ̀ŋ hùmòò dò siaŋ nàŋ hiàŋ wɔŋ nyiiŋ gè ko nɛ̀ɛ̀ŋ nyiŋ niìŋ. Kɛ̀ ɓòò, naŋ naàŋ ɓɛ̀nɛ̀ŋ e tòmo mààŋ tɛɛ̀?

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

2Tɛsè 2:10

yèè anyùùŋ nyaŋ do nàŋ fɔ̀ nyaŋ, wò do nyiŋ nàŋ tòòmò maŋ tòa naanààŋ diɛ̀ŋ. Àŋ do nàŋ fɔ̀ esaɓù kɛ̀ aŋ gò wa mànàŋ è tɔ̀ɔ̀nyaàaŋ aiŋ jàà kùàŋ dìì wèè aŋ yɛ̀mɛ̀ è jòèyè.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

1Jɔ̀ɔŋ 2:11

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ, wò yaà ke nyìwi sùà e kìlà wò yaà kààìŋ ke nyìwì sùà, yèè wo nyimààŋ kɛ̀ kòò wò yaà kɔɔyɛ, e fèfoo ke nyìwìɛ kè nyɛ̀nɛ̀ŋ wò zììlè le fɛ̀ɛ̀.