Jɔ̀ɔŋ 9:34 - WƆŊ FƐ̀Ì EBÒ SÌÀŊ DAYÀA

³⁴ Anyùùŋ gbèègbèè aŋ Juùù nyaŋ nauŋ woò nyààŋ, “Mùŋ yaà wo nyùùŋ maŋ jùumù e yìwìà ke ɗɔɔɛ̀ àŋ naum wa kòmò lɛ! Mùŋ naŋ gongò kɛ̀ màŋ wi ɓɛ̀nɛ̀ŋ kàà e keì kɛnɛ gbiŋ?” Yèè àŋ nauŋ dùùlò ko jɔɔlèi maŋ dùaŋ dùaŋ, àŋ nauŋ naaà nyààŋ, “Julɔfɔ ɓɔ̀ mùŋ jɔ̀à wa nàwèè ɓɛìŋ kè sààŋ zòòlò àŋ Juùù nyaŋ bà gbiŋ dìì.”

Jɔ̀ɔŋ 9:34 ပူးပေါင်းရင်းမြစ်များ

Luù 11:45

Wo kààmɔ̀ɔ̀ŋ maŋ Sàwà Dayà maŋ bà guùŋ nauŋ woò wààŋ, “Kààmɔɔŋ, sèè mùŋ woà tɛɛ̀, kɛ̀ màŋ wi pɔ̀ɔ̀ɓɛ̀ɛ yàwi pɛɛ!”

Luù 14:11

Esaɓù kɛ̀ anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Luù 18:17

Mìŋ yààìŋ wòò sùà e tɔɔɓaaà kɛ̀, wo nyùnɔ̀ɔŋ gbiŋ gò jɔ̀ɔ̀lɔ̀ è Kànà Dayàa dìì mààŋ wò jɔ̀àkàiŋ wɔ̀, julɔfɔ wo fè nàwèè kà è kanauŋ nɛ̀ sùà.”

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 8:41

Nìŋ yaà nyìnìè e nɛ̀ŋ guùŋ nɛ aŋ dèdaiŋ nyàŋ naŋ wa nyɛ̀nɛ̀ŋ lɛ.” Anyùùŋ nyaŋ naŋ fasàì nyààŋ, “Ɓɔ̀ mùŋ woò wi mààŋ è yààìŋ àŋ jɔ̀à hmɔŋtu. Wo Dayà wuŋ bi nàŋ yaà nɔŋ wo Dèdaà è kùwàìŋ wɔ.”

Jɔ̀ɔŋ 9:2

Anyùùŋ màŋjɛ̀wɛ̀ Jisɛ̀ nyaŋ nauŋ dawè nyààŋ, “Kààmɔɔŋ, esàɓù maŋ jùùmù ɓòò àŋ naŋ wa kùmìè wo felaa wɛɛ̀ le fɛɛ̀ zììle, esàɓù wuŋ biɛ̀ le ɔ̀ɔ̀ esàɓù maŋ jùùmù anyuùŋ kòmauŋ nyàŋ?”

Jɔ̀ɔŋ 9:22

Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

Jɔ̀ɔŋ 9:35

Nààŋ wo Jisɛ̀ naŋ kòmò e yèɛ naŋ kaaìŋ lɛ, wò naŋ kɔ̀ wo mɛ̀ɛ̀ŋ wo felaaà. Yèè wo Jisɛ̀ nauŋ dawè wààŋ, “Mùŋ kuwa e hààwe wo Jɔ̀àfèlàà Nyuùŋ Kpùnɔɔ̀ŋ ko sùà?”

Jɔ̀ɔŋ 9:40

Aŋ Fɛlosiì nyaŋ bà nyiŋ naŋ kòmò e yèɛ wo Jisɛ̀ naŋ wa woò lɛ, yèè àŋ naŋ dawè nyààŋ, “Yàwi pɛɛ zà, è naiŋ zììlè le fɛ̀ɛ̀?”

Gàla 2:15

Tɔɔɓaa, è yààìŋ aŋ Juùù e kòmò kii wilɛ̀ sùà yèè e feìŋ “ànyùùŋ màŋ jùumù” mààŋ ànyùùŋ nyaŋ fè àŋ Juùù nyaŋ, màànààŋ àŋ woà lɛ.

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

1Pììlɛ 5:5

E ɗèwè guùŋ bi sùà nyɛ̀iŋ nààŋ nyuùŋ bɔwɔ nyàŋ sɔɔ̀ naŋ jɔ̀ɔ̀lɔ̀ àŋ màmàŋkùmɛŋ nyaŋ dìì. Nyɛ̀iŋ nààŋ gbiŋ, wo nyùùŋ gbiŋ ɓɔ̀ wò ɓemè wuŋ bi gbee. Màànààŋ wɔŋ fɛ̀ì Dayàa naŋ woò wààŋ, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wò kiɛ̀ŋ wo nyùnɔ̀ɔŋ fè ɓèmè wuŋ bi gbeeɔ̀ e keì sìàŋ.”

3Jɔ̀ɔŋ 1:10

Sèè mìŋ hnàŋ, mìŋ do nàŋ gè maŋ keì maŋ gbiŋ wò naŋ nyɛ̀nɛ̀ŋ maŋ dìì, maŋ keì naanààŋ maŋ wò woà nyaàiŋ e wi dè yèè e tòaà wò tɔɔ̀ lɛ! Kɛɛ tii pɛɛ fè è gbiŋ weèuŋ, wo naàŋ jàà kè gbòò ànyuùŋ hààwe nyàŋ kùàŋ dìì sèè àŋ hnàŋ, yèè wùìyaiŋ nyàŋ pɛɛ manaŋ wèè aŋ nyiŋ jàà kùàŋ dìì nyaŋ, wò nyiŋ kìlìà kùàŋ feìŋ e kìlà wò fɛɛ wèè wo nyiŋ nyìmàŋ aŋ fòlà ke Sààŋ zòòloɛ̀ dìì!

3Jɔ̀ɔŋ 1:9

Mìŋ naŋ sìngè wɔŋ fɛi kpuu koɓɛ̀ ke gbòò anyuùŋ hààwe nyàŋ, kɛɛ wo Dìɔ̀tifɔ̀, wo yèɔ manaŋ wo nɔ̀ŋ sìèfeìŋ wɔ, wo nààŋ kùmìè e yèɛ mìŋ naŋ woò lɛ.

Maŋ kèì nyɛɛnɛŋ 13:17

Anyùùŋ nyaŋ nɔŋ kuwa wa e dèè ɔ̀ɔ̀ wɔŋ figàa naŋ sɔ̀ wo yilì kùùno jiɛ̀jiɛ̀ɔ dèè nyaŋ naŋ wa ɓɛ̀nɛ̀ŋ dènàŋ bòli ɔ̀ɔ̀ aŋ mààŋ bòli.