Jɔ̀ɔŋ 9:31 - WƆŊ FƐ̀Ì EBÒ SÌÀŊ DAYÀA

³¹ Kà nyìmàŋ kɛ̀ wo Dayà fè kùmìàŋ ànyùùŋ màŋ jùumù. Wò kumiàŋ anyùùŋ nyaŋ kiɛ̀uŋ ɓɛ̀ɛ̀jàa e kìlà àŋ nyɛnɛŋ e yèɛ wò manaŋ àŋ nyɛ̀nɛ̀ŋ lɛ.

Jɔ̀ɔŋ 9:31 ပူးပေါင်းရင်းမြစ်များ

Jɔ̀ɔŋ 11:22

Yèè kà ngèè pɛɛ nyìmàŋ kɛ̀ wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀.”

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Jɔ̀ɔŋ 9:30

Wo felaaà naŋ fasàì wààŋ, “E kèì sai lɛɛ̀! Wo Jisɛ̀ naŋ nyɛ̀nɛ̀ŋ le fɛɛ̀ mɛ̀ naŋ gbaì yèè mìŋ yɛmɛ̀ naàŋ dìì, yɛi nɔŋ zà è yaà, kpeiŋ nààŋ niŋ nyimààŋ kɛ̀ kòò wò yewe.

Jɔ̀ɔŋ 9:32

Yèè e teenga jiɛ̀jiɛ̀ɛ lɛɛ̀ e yìwìà ko tɔ̀ɔ̀tù e ɗuunyaàŋ wèè wò nyùùŋ wo gbàì le fɛ̀ɛ̀ wo nyùùŋ wo yèɔ àŋ naŋ wa kùmìè le fɛɛ̀ zììle wɔ̀.

Hiɓu 10:7

weètii mìŋ naŋ woò mìàŋ, ‘Oo Dayà, miàŋ wɛɛ̀, kà hnàŋ wèè ka nyɛ̀nɛ̀ŋ e yèɛ mùŋ manaŋ lɛ̀, màànààŋ nɔŋ è yaà sìnga niŋ e nyaàiŋ eim dè wɔŋ fɛ̀ì maŋ Sàwà Dayàa sùà lɛ.’ ”