Jɔ̀ɔŋ 9:30 - WƆŊ FƐ̀Ì EBÒ SÌÀŊ DAYÀA

³⁰ Wo felaaà naŋ fasàì wààŋ, “E kèì sai lɛɛ̀! Wo Jisɛ̀ naŋ nyɛ̀nɛ̀ŋ le fɛɛ̀ mɛ̀ naŋ gbaì yèè mìŋ yɛmɛ̀ naàŋ dìì, yɛi nɔŋ zà è yaà, kpeiŋ nààŋ niŋ nyimààŋ kɛ̀ kòò wò yewe.

Jɔ̀ɔŋ 9:30 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 21:42

Wo Jisɛ̀ naŋ nyiŋ ɓɛìŋ woò wààŋ, “Tɔɔɓaa nàŋ wa kpɛ̀nɛ̀ŋ e sìnga lɛɛ̀ wɔŋ fɛ̀ì Dayàa sùà kɛ̀, ‘Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà. Wo Kanaà Dayà wuŋ bi naŋ wa tɛɛ̀ nyɛ̀nɛ̀ŋ. E keì sìàŋ bi è siaŋ wèè yɛ̀mɛ.’ ”

Luù 7:22

Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ. Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Kà nyɛ̀nɛ̀ŋ anyuùŋ fàa nyàŋ yèwà e fàa dìì wɔŋ nyiiŋ gèe sùà, yèè kà wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Jɔ̀ɔŋ 12:37

Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 3:10

Wo Jisɛ̀ nauŋ fasaì wààŋ, “Mùŋ yaà wo kààmɔɔŋ kɛnɛ anyùùŋ nyaŋ naŋ nyìmè ko Ezɔ̀ɛ̀ wèè maŋ maŋ Sàwà Dayà maŋ kàa, yèè mààŋ muŋ nyimààŋ tɛɛ̀?

Jɔ̀ɔŋ 9:29

È naiŋ haawè kɛ̀ wo Dayà naŋ wa gbòò koɓɛ̀ Mòòzeì, kɛɛ e nyimàìŋ ngèè pɛɛ kɛ̀ kòò wò Jisɛ̀ wò yewe.”

Jɔ̀ɔŋ 9:31

Kà nyìmàŋ kɛ̀ wo Dayà fè kùmìàŋ ànyùùŋ màŋ jùumù. Wò kumiàŋ anyùùŋ nyaŋ kiɛ̀uŋ ɓɛ̀ɛ̀jàa e kìlà àŋ nyɛnɛŋ e yèɛ wò manaŋ àŋ nyɛ̀nɛ̀ŋ lɛ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.