Jɔ̀ɔŋ 9:22 - WƆŊ FƐ̀Ì EBÒ SÌÀŊ DAYÀA

²² Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

Jɔ̀ɔŋ 9:22 ပူးပေါင်းရင်းမြစ်များ

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 19:38

E koya lii wo Jòòsɛ e yìwìà ko jawaì àŋ nyaaŋ Àlòmatià lɛ naŋ hnè ko jawaì. Wo yaà wa nyùùŋ màŋjɛ̀wɛ̀ Jisɛ̀ɔ bà guùŋ kɛɛ ke gbùnuo sùà, esaɓù kɛ̀ wò duɔŋ wa anyùùŋ gbèègbèè aŋ Juùù nyaŋ. Wo Jòòsɛ naŋ wa kùwìè ke jii nyingè yèè wò naŋ kɔ̀ ko fɛ̀ɛ̀fèìŋ wo kanaà Paalè yèè wò nauŋ hùmò e dìè Jisɛ̀ɛ. Wo Paalè naŋ wa fè wo Jòòsɛ e dieɛ̀. Kpeiŋ wo Jòòsɛ naŋ hìɛ̀ŋ wɔŋ kasange, yèè wò naŋ dèèyè e dieɛ̀ e yìwìà wɔŋ vànèkpaaà diɛŋ.

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 7:13

Kɛɛ anyùùŋ nyaŋ gò wa wòò è kiiuŋ gèngèè esaɓù kɛ̀, àŋ duɔŋ wa anyùùŋ gbèègbèè aŋ Juùù nyaŋ.

Jɔ̀ɔŋ 9:18

Kɛɛ anyùùŋ gbèègbèè aŋ Juùù nyaŋ gò wa haawè kɛ̀ wò felaa wɛɛ̀ wò wa zììlè le fɛ̀ɛ̀ è tèèngà guùŋ bà sùà yèè wò yɛmɛ̀ naàŋ dìì. Kpeiŋ àŋ naŋ tùɔ̀ŋ wèè anyuùŋ kòmauŋ nyàŋ,

Jɔ̀ɔŋ 9:21

Kɛɛ e nyimààŋ kɛ̀ dièsɔa wò naŋ nyɛ̀nɛ̀ŋ wò yɛmɛ̀ naàŋ dìì, yèè e nyimààŋ kɛ̀ ɓòò nauŋ sùngò è sààŋ lè fɛɛ̀ zììleuŋ nɛ̀. Dàwe nùuŋ wuŋ bi, wò naŋ hàì e felaa e kìlà wò ɓɛ̀nɛ̀ŋ gbòa wèè wuŋ bi.”

Jɔ̀ɔŋ 9:34

Anyùùŋ gbèègbèè aŋ Juùù nyaŋ nauŋ woò nyààŋ, “Mùŋ yaà wo nyùùŋ maŋ jùumù e yìwìà ke ɗɔɔɛ̀ àŋ naum wa kòmò lɛ! Mùŋ naŋ gongò kɛ̀ màŋ wi ɓɛ̀nɛ̀ŋ kàà e keì kɛnɛ gbiŋ?” Yèè àŋ nauŋ dùùlò ko jɔɔlèi maŋ dùaŋ dùaŋ, àŋ nauŋ naaà nyààŋ, “Julɔfɔ ɓɔ̀ mùŋ jɔ̀à wa nàwèè ɓɛìŋ kè sààŋ zòòlò àŋ Juùù nyaŋ bà gbiŋ dìì.”

Jɔ̀ɔŋ 9:35

Nààŋ wo Jisɛ̀ naŋ kòmò e yèɛ naŋ kaaìŋ lɛ, wò naŋ kɔ̀ wo mɛ̀ɛ̀ŋ wo felaaà. Yèè wo Jisɛ̀ nauŋ dawè wààŋ, “Mùŋ kuwa e hààwe wo Jɔ̀àfèlàà Nyuùŋ Kpùnɔɔ̀ŋ ko sùà?”

Nyɛ̀nɛ̀ŋ 4:18

Kpeiŋ àŋ naŋ nyiŋ ɓɛìŋ nyààŋ ko saaìŋ yèè àŋ naŋ nyiŋ woò kɛ̀ ɓɔ̀ àŋ gbòà ɓɛìŋ ɔ̀ɔ̀ aŋ kaà è dèè Kanaà Jisɛ̀ɛ diɛŋ kòɓɛ̀ wò nyùùŋ gbiŋ.

Nyɛ̀nɛ̀ŋ 5:13

Wo nyùnɔ̀ɔŋ gbiŋ wo yèɔ fè wa kè gbòò anyuùŋ hààwe nyàŋ sùà wɔ gò wa nyimèè wèè wo kà àŋ keela nyàŋ kɔɔ, jòòpɛɛ anyùùŋ nyaŋ fè wa kè gbòòɛ sùà nyaŋ hewa gbòà tɛ̀ɛ̀ wèè aŋ keela nyàŋ.

Nyɛ̀nɛ̀ŋ 5:40

Aŋ naŋ nyààŋ aŋ keela nyàŋ ko saaìŋ, yèè anyuùŋ gbeegbèè nyaŋ naŋ wa kìɛ̀ŋ e gààŋ koɓɛ̀ anyuùŋ tùnìàŋ ke sààŋ nyìwìɛ wèè aŋ nyiŋ ɓùlà. Kpeiŋ àŋ naŋ nyiŋ naàà kɛ̀ ɓɔ̀ àŋ gbuuyà wa ɓɛìŋ è dèè Kanaà Jisɛ̀ɛ sùà julɔfɔ, yèè àŋ naŋ nyiŋ dangè àŋ naŋ kɔ̀.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”