Jɔ̀ɔŋ 9:2 - WƆŊ FƐ̀Ì EBÒ SÌÀŊ DAYÀA

² Anyùùŋ màŋjɛ̀wɛ̀ Jisɛ̀ nyaŋ nauŋ dawè nyààŋ, “Kààmɔɔŋ, esàɓù maŋ jùùmù ɓòò àŋ naŋ wa kùmìè wo felaa wɛɛ̀ le fɛɛ̀ zììle, esàɓù wuŋ biɛ̀ le ɔ̀ɔ̀ esàɓù maŋ jùùmù anyuùŋ kòmauŋ nyàŋ?”

Jɔ̀ɔŋ 9:2 ပူးပေါင်းရင်းမြစ်များ

Maafiù 16:14

Àŋ nauŋ fasàì nyààŋ, “Aŋ bà nyiŋ nyààŋ muàŋ nàŋ yaà wo Jɔ̀ɔŋ Gùà Nyùnɔ̀ɔŋ, aŋ bà nyiŋ nyààŋ muàŋ nàŋ yaà wo Ìlaajà, e kìlà aŋ bà nyiŋ nyààŋ, muàŋ nàŋ yaà wo Jɛ̀lèmaayà ɔ̀ɔ̀ wo kèèlà gɔ̀ù Dayàa bà guùŋ.”

Maafiù 23:7

Aŋ manaŋ wèè aŋ nyiŋ zuumò e kìlà wèè aŋ nyiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ, yèè aŋ nyiŋ nyààŋ aŋ ‘Kààmɔɔŋ.’

Maafiù 23:8

Kɛɛ nyɛ̀iŋ nààŋ bà gbiŋ ɓɔ̀ mùŋ nyimèè wèè aum nyààŋ wò ‘Kààmɔɔŋ,’ esaɓù kɛ̀ nyɛ̀iŋ gbiŋ nìŋ yaà aŋ wùìyà guùŋ, yèè nìŋ kuwa nɔŋ wo kààmɔ̀ɔ̀ŋ guùŋ.

Luù 13:2

Wo Jisɛ̀ naŋ nyiŋ fasàì wààŋ, “Nìŋ naŋ gongò kɛ̀ anyùùŋ fùɔ̀ŋ Galaliì nyɛɛ̀ŋ wo Paalè naŋ yaà wa jìwè nyaŋ, àŋ yaà anyùùŋ maŋ jùumù naanààŋ e nìàŋ anyuùŋ gbànaŋ nyàŋ wɔŋ fùɔ̀ŋ Galaliìɔ sùà esàɓù e yèɛ naŋ nyiŋ kaaìŋ lɛ?

Jɔ̀ɔŋ 4:31

Jòòpɛɛ tɛɛ̀ kpɛlɛɛ yaà wa kaaiŋ, anyùùŋ màŋjɛ̀wɛ̀ Jisɛ̀ nyaŋ yàuŋ wa pɔɔwɔ nyààŋ, “Kààmɔɔŋ, jè weè e nɛ̀ŋ.”

Jɔ̀ɔŋ 9:1

Nààŋ wo Jisɛ̀ yaà wa kɔɔyɛ, wò naŋ yɛ̀mɛ̀ wo felaa bà wo yèɔ àŋ naŋ wa kùmìè le fɛɛ̀ zììle wɔ̀.

Jɔ̀ɔŋ 9:34

Anyùùŋ gbèègbèè aŋ Juùù nyaŋ nauŋ woò nyààŋ, “Mùŋ yaà wo nyùùŋ maŋ jùumù e yìwìà ke ɗɔɔɛ̀ àŋ naum wa kòmò lɛ! Mùŋ naŋ gongò kɛ̀ màŋ wi ɓɛ̀nɛ̀ŋ kàà e keì kɛnɛ gbiŋ?” Yèè àŋ nauŋ dùùlò ko jɔɔlèi maŋ dùaŋ dùaŋ, àŋ nauŋ naaà nyààŋ, “Julɔfɔ ɓɔ̀ mùŋ jɔ̀à wa nàwèè ɓɛìŋ kè sààŋ zòòlò àŋ Juùù nyaŋ bà gbiŋ dìì.”

Nyɛ̀nɛ̀ŋ 28:4

Nààŋ anyùùŋ maŋ fuɔŋ joo nyàŋ joà wa koɓɛ̀ wii nyàŋ naŋ yɛ̀mɛ̀ wo kaìɔ wò sɛɛ wo Pɔɔ̀ wɔŋ kùàŋ, àŋ naŋ wòò aŋ dàwe e fèemàŋ nyààŋ, “Wo kaì wɛɛ̀ gò kɛ̀nɛ̀ŋ wò kenàŋ wɛɛ̀ wèè foo, èiŋ ɓɛ̀nɛ̀ŋ hààwe kɛ̀ wò yaà wo nyuùŋ jìwà nyùùŋ, kɛɛ e tɔ̀ɔ̀nyaàŋ nàŋ yaà kɛ̀ wo naàŋ jòèyè wèè wo jèè wɔ̀ŋ nyiiŋ gèeɔ̀ sùà, jòòpɛɛ wo gò jèè wɔ̀ŋ juwoɔ̀ sùà.”