Jɔ̀ɔŋ 9:1 - WƆŊ FƐ̀Ì EBÒ SÌÀŊ DAYÀA

¹ Nààŋ wo Jisɛ̀ yaà wa kɔɔyɛ, wò naŋ yɛ̀mɛ̀ wo felaa bà wo yèɔ àŋ naŋ wa kùmìè le fɛɛ̀ zììle wɔ̀.

Jɔ̀ɔŋ 9:1 ပူးပေါင်းရင်းမြစ်များ

Maafiù 20:30

Aŋ fèlàà tìyèe zììlè le fɛ̀ɛ̀ bà jaa wa ko dòmaàŋ kɔɔì. Yèè nààŋ àŋ naŋ wa kòmò kɛ̀ wo Jisɛ̀ yaà wa hìnìè e tèèngà koɓɛ̀i àŋ jaa wa lɛ̀, àŋ naŋ tɔ̀ɔ̀tù kpàaŋ nyààŋ, “Jɔ̀àfèlàà Kanaà Dèèweɔ̀! Muàŋ nàŋ yaà wo yèɔ wo Dayà naŋ tàeɗùù wèè muŋ joeyè e ɗuunyaàŋ. Yɛ̀mɛ̀ wi ke nyowo hee!”

Maafiù 9:27

Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Luù 8:43

Anyùùŋ bi e tɛɛ wo nìe bà yaào wa wo yèɔ e sààŋ aŋ jɔùŋ yaà wa wèè maŋ dòà zììyà jɛ̀wɛ̀ tìyèe wɔŋ nyiiŋ gèeuŋ nɔɔ̀ŋ sùà. Wò wa naàŋ mààŋ e nɛɛnɛuŋ nɛ̀ gbiŋ wò kuwa wa lɛ̀ koɓɛ̀ aŋ zòòlegòò, kɛɛ wo bà gbiŋ pɛɛ gòuŋ wa ɓɛ̀nɛ̀ŋ sùnga.

Jɔ̀ɔŋ 5:5

Wo felaa bà yaào wa e wùìyèɛ kɔɔ wo yèɔ naŋ wa kpɔɔkpɔ̀ɔ̀ wèè maŋ doa kpɛ̀ùŋ guùŋ jɛ̀wɛ̀ zììyà jɛ̀wɛ̀ nɔɔnɔŋ le taai.

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.

Jɔ̀ɔŋ 9:2

Anyùùŋ màŋjɛ̀wɛ̀ Jisɛ̀ nyaŋ nauŋ dawè nyààŋ, “Kààmɔɔŋ, esàɓù maŋ jùùmù ɓòò àŋ naŋ wa kùmìè wo felaa wɛɛ̀ le fɛɛ̀ zììle, esàɓù wuŋ biɛ̀ le ɔ̀ɔ̀ esàɓù maŋ jùùmù anyuùŋ kòmauŋ nyàŋ?”

Nyɛ̀nɛ̀ŋ 14:8

Wo felaa bà yaà wa ko Lesità wo yèɔ naŋ wa kpɔɔkpɔ̀ɔ̀ e yìwìà e teengaà àŋ nauŋ wa kòmò lɛ, yèè wo gò wa ngèè pɛɛ ɓɛnɛ̀ŋ wèè wo kaaìŋ.

Nyɛ̀nɛ̀ŋ 28:4

Nààŋ anyùùŋ maŋ fuɔŋ joo nyàŋ joà wa koɓɛ̀ wii nyàŋ naŋ yɛ̀mɛ̀ wo kaìɔ wò sɛɛ wo Pɔɔ̀ wɔŋ kùàŋ, àŋ naŋ wòò aŋ dàwe e fèemàŋ nyààŋ, “Wo kaì wɛɛ̀ gò kɛ̀nɛ̀ŋ wò kenàŋ wɛɛ̀ wèè foo, èiŋ ɓɛ̀nɛ̀ŋ hààwe kɛ̀ wò yaà wo nyuùŋ jìwà nyùùŋ, kɛɛ e tɔ̀ɔ̀nyaàŋ nàŋ yaà kɛ̀ wo naàŋ jòèyè wèè wo jèè wɔ̀ŋ nyiiŋ gèeɔ̀ sùà, jòòpɛɛ wo gò jèè wɔ̀ŋ juwoɔ̀ sùà.”

Nyɛ̀nɛ̀ŋ 4:22

Wo felaaà wo yèɔ naŋ wa nɔ̀ŋ jòèyeuŋ e yìwìà e gààŋ e kèè mèè gbèè lɛɛ̀ dìì wɔ naŋ wa nìe maŋ doa kpɛ̀ùŋ tìyèe.

Nyɛ̀nɛ̀ŋ 9:33

Kuii wo Pììlɛ naŋ wa mɛ̀ɛ̀ŋ wo felaa kpɔ̀ɔ̀kpɔɔ bà àŋ nyaaŋ wo Enià. Wo felaa wɛɛ̀ wa naàŋ sààŋ wèè maŋ dòà nɔɔnɔŋ le taai wɔŋ gbùmauŋ nɔɔ̀ŋ sùà.