Jɔ̀ɔŋ 8:6 - WƆŊ FƐ̀Ì EBÒ SÌÀŊ DAYÀA

⁶ Àŋ naŋ wa dàwè wo Jisɛ̀ wɔŋ mààŋdàwè wɛɛ̀ŋ wèè auŋ wàà, esaɓù kɛ̀ àŋ manaŋ wa wèè auŋ gbùwà e keì ɗì. Kɛɛ wo Jisɛ̀ naŋ wa gbuwo wò yaà sìngìè ke kiiyòuŋ nɛɛ̀ŋ ko dììnaŋ.

Jɔ̀ɔŋ 8:6 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Maafiù 15:23

Kɛɛ wo Jisɛ̀ gòuŋ wa ngèè pɛɛ gbòà kɔɔ. Anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ pɔwɔ̀ nyààŋ, “Nyɛ̀nɛ̀ŋ wo nìeɔ̀ wo ka, esaɓù kɛ̀ kòò wò kùwà wì maŋjɛ̀wɛ wò yaà kpàaŋ sùà.”

Maafiù 16:1

Aŋ Fɛlosiì yèè aŋ Sadusiì nyaŋ bà nyiŋ naŋ wa hnè koɓɛ̀ Jisɛ̀i wèè auŋ kùwìà ke gbaù sùà, weètii àŋ nauŋ wa dawè wèè wo nyɛ̀nɛ̀ŋ e kèè mèè weè nyiŋ wèè wo tɔɔ̀ kɛ̀ wo Dayà e yìwìà ko àìjɛnɛ̀ŋ nauŋ gè nyààŋ diɛŋ.

Maafiù 19:3

Aŋ Fɛlosiì nyaŋ bà naŋ hnè yèè àŋ naŋ gɛ̀ɛ̀ wo Jisɛ̀ jɛ̀wɛ̀ nyààŋ, “Wòò wi, ke sàwà wiɛ̀ naŋ wi gè nyààŋ diɛŋ wèè wo felaa yaà wo jawèuŋ nɔɔ̀ŋ aŋ ɓaanè wèè esaɓù bà gbiŋ, nààŋ wo felaaà wò manaŋ lɛ̀?”

Maafiù 22:18

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ, “Nyɛ̀iŋ nààŋ nyùùŋ fɛ̀ɛ̀ ɗòònààkeì fɛ̀ɛ̀ keì nyɛɛ̀ŋ, wèè kiìŋ nìŋ manaŋ naim kùwìà ke gbaù sùà?

Maafiù 22:35

Kpeiŋ wò guùŋ, wo kààmɔ̀ɔ̀ŋ maŋ Sàwà Dayàa bà, manaŋ wa wo gɛ̀ɛ̀ wo Jisɛ̀ jɛ̀wɛ̀ yèè wò nauŋ dawè wààŋ,

Maafiù 26:63

Kɛɛ wo Jisɛ̀ naŋ wa nɔ̀ŋ gìli e kìlà wo gò wa wòò kè mìè guùŋ pɛɛ. Wo Kànà Sìèfèìŋ Zòòlo Gbeeɔ̀ nauŋ ɓɛìŋ woò wààŋ, “Mìŋ yààùm daawe wèè maŋ wi wòò e tɔ̀ɔ̀nyaàaŋ, wo Dayà nyiiŋ gèeɔ̀ kòò wò yààùm kumie. Wòò wi sèè mààŋ muàŋ nàŋ yaà wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Jɔ̀àfèlàà Dayàa.”

Luù 10:25

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, wo kààmɔ̀ɔ̀ŋ maŋ Sàwà Dayà maŋ bà yaào wa. Wò manaŋ wa wo dàwè wo Jisɛ̀ wɔŋ mààŋdàwè nyìnga wèè wo kuwiàuŋ e keì. Kpeiŋ wò nauŋ dawè wààŋ, “Kààmɔɔŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 11:16

Anyùùŋ nyaŋ bà nyiŋ manaŋ wa aŋ kùwìà wo Jisɛ̀ ke gbaù sùà, kpeiŋ àŋ nauŋ dawè wèè wo nyɛ̀nɛ̀ŋ e kèè mèè weè nyiŋ wèè wo tɔɔ̀ kɛ̀ wo Dayà e yìwìà ko àìjɛnɛ̀ŋ nauŋ gè nyààŋ diɛŋ.

Jɔ̀ɔŋ 8:2

Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

1 Kɔliìŋ 10:9

Ɓɔ̀ è gɛɛ̀iŋ wò Jisɛ̀ Kulaì jɛ̀wɛ̀, nààŋ àŋ bà nyiŋ naŋ wa nyɛ̀nɛ̀ŋ, yèè aŋ kàì naŋ nyiŋ jìwè lɛ.