Jɔ̀ɔŋ 8:59 - WƆŊ FƐ̀Ì EBÒ SÌÀŊ DAYÀA

⁵⁹ Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.

Jɔ̀ɔŋ 8:59 ပူးပေါင်းရင်းမြစ်များ

Maafiù 12:14

Kpeiŋ aŋ Fɛlosiì nyaŋ naŋ fòlò yèè àŋ naŋ kɔ̀ aŋ ɗewè wèè aŋ jìwà wo Jisɛ̀.

Luù 24:31

Kpeiŋ e fɛɛ̀ nyiŋ nɛ̀ naŋ gbaì yèè àŋ nauŋ jàà jii, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 11:54

Esàɓù ke gbùnu yɛɛ̀, wo Jisɛ̀ fè wa ɓɛìŋ tɔ̀ɔ̀ wuŋ bi janyai kò ɓài àŋ Juùù nyaŋ tɛɛ. Wò naŋ wa kɔ̀ koɓɛ̀ e jawa bà àŋ nyaaŋ ko Ɛfilàm, ko gbɛ̀ɛ̀ e dìì ke fòungà wòaà. Kuŋ wuŋ yaà anyùùŋ màŋjɛ̀wɛ̀uŋ nyàŋ naŋ wa nɔ̀ŋ.

Jɔ̀ɔŋ 11:8

Yèè anyùùŋ màŋjɛ̀wɛ̀uŋ nyàŋ nauŋ woò nyààŋ, “Kààmɔɔŋ, aŋ Juùù nyaŋ koɓɛ̀ wii manaŋ wèè aum hɔ̀wà le dùò wèè maŋ fà. Wèè kiìŋ mùŋ manaŋ ɓɛìŋ wèè mao kɛɛ̀?”

Jɔ̀ɔŋ 12:36

Kɛ̀ɛ̀nɛìŋ e hààwe wo nyùnɔ̀ɔŋ kiɛ̀ŋ e gbolòùŋ wɔ e teengaà wò yaà ko nɛ̀ɛ̀iŋ niìŋ lɛ. Wèè kɛ̀ niŋ nɔ̀ŋ aŋ bàiŋbà wèè e gbolòùŋ lɛ.” Nààŋ wo Jisɛ̀ naŋ nyiŋ tɛɛ̀ woò, wò naŋ nyiŋ jɔ̀ɔ̀nɔ̀ŋ fɛ̀ɛ̀, yèè wò naŋ kɔ̀ koɓɛ̀ joo bà wɔŋ kùàŋ wùŋ mauŋ ko yèi wo nyùùŋ gbiŋ nyimààŋ wa lɛ̀.

Jɔ̀ɔŋ 18:31

Wo Paalè naŋ wòò aŋ Juùù nyaŋ wààŋ, “Kɛ̀ nyɛ̀iŋ bi kòa nùuŋ yèè niŋ kiliàuŋ e kiti diɛŋ màànààŋ ke sàwàiŋ nɛɛ̀ŋ naŋ woò lɛ.” Kpeiŋ anyùùŋ nyaŋ naŋ fasàì nyààŋ, “Ke sàwàa gò wi gè nyààŋ diɛŋ wèè eiŋ jìwà wò nyùùŋ gbiŋ.”

Jɔ̀ɔŋ 5:13

Kɛɛ wo felaaà naŋ wa jòèyè wɔ nyimààŋ wa kɛ̀ ɓòò nàŋ yaà wa wò Jisɛ̀, esaɓù kɛ̀ e faaàŋ naŋ wa gàŋ, yèè wo Jisɛ̀ wò nyiŋ wa naàŋ fòlà e tɛɛ wò ka.

Jɔ̀ɔŋ 9:1

Nààŋ wo Jisɛ̀ yaà wa kɔɔyɛ, wò naŋ yɛ̀mɛ̀ wo felaa bà wo yèɔ àŋ naŋ wa kùmìè le fɛɛ̀ zììle wɔ̀.

Nyɛ̀nɛ̀ŋ 7:57

Wèè tɛɛ̀, anyùùŋ gbèègbèè fuɔɔ̀ŋ naŋ hɔ̀ɔ̀ maŋ kiiyò nùŋ, yèè àŋ naŋ kpààŋ sɛiŋ aŋ vaì auŋ kùwà fiò,