Jɔ̀ɔŋ 8:51 - WƆŊ FƐ̀Ì EBÒ SÌÀŊ DAYÀA

⁵¹ Mìŋ yààìŋ wòò e tɔɔɓaaà kɛ̀ sèè nìŋ jaa maŋ mìè gbòaim màŋ kùàŋ dìì, niŋ naàŋ wa nàwèè fɔ̀ julɔfɔ.”

Jɔ̀ɔŋ 8:51 ပူးပေါင်းရင်းမြစ်များ

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Luù 2:26

wo Dayà nauŋ wa woò e yìwìà wo Jìnàŋ Nɛɛmaàŋ sùà wààŋ kɛ̀, wo naàŋ fɔ̀ e jèèsùà wo yɛ̀mɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 17:6

“Mùŋ naim wa kìɛ̀ŋ anyùùŋ wèè aim nɔ̀ŋ maŋjɛ̀wɛ e ɗuunyaŋ lɛɛ̀, yèè mìŋ naŋ tɔɔ̀ kɛ̀ ɓòò nàŋ yààùm muàum Dayà koɓɛ̀ anyùùŋ nyaŋ e ɗuunyaàŋ. Muàŋ nàŋ kanaŋ wa anyùùŋ nyɛɛ̀ŋ, kɛɛ mùŋ naim nyiŋ wa kiɛ̀ŋ, yèè àŋ naum jɔ̀ɔ̀lɔ̀ dìì.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:50

Kɛɛ e nɛ̀ŋjeɛ̀ e yìwìà ko àìjɛnɛ̀ŋ è dèyà, wèè kɛ̀ wo nyùnɔ̀ɔŋ gbiŋ do niŋ nàŋ jè wɔ wo naàŋ wa nàwèè fɔ̀.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Jɔ̀ɔŋ 8:55

joo pɛɛ tɔɔɓaa kɛ̀ niŋ nyimààuŋ. Sèè ka woò kɛ̀ miŋ nyimààuŋ, mìŋ do nàŋ nɔ̀ŋ wo nyuùŋ tòa maàŋ nyɛ̀iŋ gbiŋ. Kɛɛ kàuŋ nyìmàŋ, yèè mìŋ nyɛnɛŋ e yèɛ wò woà lɛ.

Hiɓu 11:5

E hààwe naŋ nyɛ̀nɛ̀ŋ wo Inɔ̀ jèè wɔŋ nyiiŋ gèeɔ̀ sùà. Wèè esaɓù lii wò naŋ wa jòwò ko àìjɛnɛ̀ŋ, yèè wo nyùùŋ gbiŋ gòuŋ wa ɓɛ̀nɛ̀ŋ mɛɛ̀ŋ, esaɓù kɛ̀ wo Dayà nauŋ wa joowò. Wɔŋ fɛ̀ì Dayàa wààŋ wèè paŋ wo Inɔ̀ jòwà wa, ke mìè seì naŋ tɔɔ̀ kɛ̀ wò naŋ wa nyɛ̀nɛ̀ŋ e nɛ̀ɛŋ wo Dayà manaŋ wa lɛ̀.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.