Jɔ̀ɔŋ 8:49 - WƆŊ FƐ̀Ì EBÒ SÌÀŊ DAYÀA

⁴⁹ Wo Jisɛ̀ naŋ nyiŋ fasàì wààŋ, “Wo jinàŋ naanààŋ fèìm kò sùà. Mìŋ kiɛ̀ŋ wo Dèda miɔ̀ŋ e ɓɛ̀ɛ̀jàa, yèè nìŋ naŋ gè maŋhɛɛ wèè naim kìɛ̀ŋ e ɓɛ̀ɛ̀jàa.

Jɔ̀ɔŋ 8:49 ပူးပေါင်းရင်းမြစ်များ

Jɔ̀ɔŋ 11:4

Kɛɛ nààŋ wo Jisɛ̀ naŋ wa tɛɛ̀ kòmò, wò naŋ woò wààŋ, “Ko jee ɗìi wèè e sàauŋ nɛ̀ e naàŋ nɔ̀ŋ è fàa. È do nàŋ hìɛ̀ŋ e jòòwo koɓɛ̀ Dayài yèè miàim wo Jɔ̀àfèlàà Dayàa.”

Jɔ̀ɔŋ 12:28

Dèda miɔ̀ŋ, tɔ̀ɔ̀ e dɛ̀ɛ̀kɛ koɓɛ̀ e deè mɔ̀ɛ̀.” Kpeiŋ wo Dayà naŋ gbòò e yìwìà ko àìjɛnɛ̀ŋ yèè wò naŋ woò wààŋ, “Kà dɛ̀ɛ̀kɛ̀ miàŋ bi tɛ, e kìlà mìŋ do ɓɛìŋ nàŋ dɛ̀ɛ̀kɛ̀ miàŋ bi.”

Jɔ̀ɔŋ 14:13

Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà.

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 7:20

Anyùùŋ nyaŋ e faaàŋ sùà naŋ fasàì nyààŋ, “Mùŋ naŋ sààŋ ke gbòà! Kiìŋ naum nyɛ̀nɛ̀ŋ mùŋ naŋ gongò kɛ̀ wo nyùùŋ bà manaŋ wèè woum jìwà?”

Jɔ̀ɔŋ 8:29

Wo nyùnɔ̀ɔŋ naim tùɔ̀ŋ wɔ kòò wò yààìm kɔɔ. Mìŋ nyɛnɛŋ e yèɛ wò manaŋ wèè ka nyɛ̀nɛ̀ŋ lɛ e teenga gbiŋ, yèè wo naàim wa nàwèè jòò miàŋ guùŋ.”

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

1 Kɔliìŋ 11:14

Sɔ̀ɔ̀ è yaà kè kpèè naanààŋ yèè è kèì sàngè wèè wò felaa kùwìè è ɗì duum mùlò mulo?

1 Kɔliìŋ 15:43

Sèè àŋ sie ke kpùnaàŋ kè nanaŋ kìlà kè yɔkpɔ̀. Wo Dayà gè nyiìŋ e fàa dìì e jòòwo sùà, yèè kè kuwa gààŋ.

1Pììlɛ 2:23

E teengaà àŋ yàaùŋ wa pɔ̀ɔ sùà ɓɛ̀ɛ lɛ̀, wo gò kɛ̀lɛ̀ɛ̀ è ɓɛ̀ɛ̀pɔ̀ɔ koɓɛ̀ nyùùŋ, e teengaà wò yaà kɔ̀ɔ̀yɛ̀ keì nyìnga dìì lɛ, wo gò sìà nyùùŋ gbiŋ è jùù, kɛɛ wò kùwìè ke jii tùlia wo Dayà sùà, wo Dayàa gbaì e tɔ̀ɔ̀nyaàaŋ wɔ̀.