Jɔ̀ɔŋ 8:48 - WƆŊ FƐ̀Ì EBÒ SÌÀŊ DAYÀA

⁴⁸ Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”

Jɔ̀ɔŋ 8:48 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 10:5

Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà.

Maafiù 11:18

Wo Jɔ̀ɔŋ naŋ wa hnè, kɛɛ wo gò kilià kò jììyè mànɛ̀ŋ je yèè kò tììyè màŋ tala muaŋ, yèè nìŋ naŋ woò nààŋ, ‘Wo jinàŋ naanààŋ yàaùŋ sùà!’

Maafiù 12:24

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ woò nyààŋ, “Wò gè anyùùŋ aŋ jinàŋ naanààŋ maŋjɛ̀wɛ esaɓù kɛ̀ wo kànà aŋ jinàŋ naanààŋ nyaŋ wo Bɛɛziɓù nàŋ yàuŋ maŋjɛ̀wɛ!”

Maafiù 12:31

Wèè esaɓù lɛɛ̀ tɔ̀ miŋ woòiŋ kɛ̀, wo Dayà ɓɛ̀nɛ̀ŋ jùùyà aŋ nyuùŋkpùuŋ hakɛ̀ wèè maŋ jùumù nyiŋ màŋ gbiŋ e hààwè maŋ mìè ɓɛ̀ɛ̀pɔ̀ɔ nyiŋ màŋ gbiŋ ko nɛ̀ɛ̀uŋ niìŋ. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà fòuŋ wa nàwèè jùùyà hakɛ̀.

Maafiù 15:7

Nyɛ̀iŋ nààŋ nyùùŋ fɛ̀ɛ̀ ɗòònààkeì nyɛɛ̀ŋ! E nɛ̀ɛŋ wo kèèlà Dayàa Àzaayà naŋ wa sìngè, yèè wò naŋ woò e nyaàiŋ eiŋ dè lɛ, è yaà wa tɔɔɓaà!

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 10:20

Aŋ Juùù nyaŋ zimgbe nyiŋ naŋ wa woò nyààŋ, “Wo jinàŋ naanààŋ yàaùŋ maŋjɛ̀wɛ! Wò naŋ sààŋ ke gbòà! Wèè kiìŋ nìŋ kumìàŋ e nɛ̀ɛŋ wò yaà woo lɛ̀?”

Jɔ̀ɔŋ 13:13

Yèè wo Jisɛ̀ naŋ nyiŋ ɓɛìŋ woò wààŋ, “Nìŋ nyààìm wò Kààmɔɔŋ yèè wo Kana, e tɔɔɓaaà lii, esaɓù kɛ̀ mìŋ yaà wo Kààmɔɔŋ yèè wo Kana.

Jɔ̀ɔŋ 4:9

Kpeiŋ wo nìeɔ̀ e yìwìà ko Sàmilià naŋ fàsàì wo Jisɛ̀ wààŋ, “Dièsɔa tɛɛ̀ naŋ ɓɛ̀nɛ̀ŋ hɛ̀ɛ̀nɛŋ wèè muàŋ maim dawè wèè e wuiyè tìa, tiiŋ zà mùŋ yaà wo Juùù nyuuŋ, yèè mìŋ yaà wo jɔùŋ e yìwìà ko Sàmilià? Màŋ nyìmàŋ fo kɛ̀ aŋ Juùù nyaŋ yaà anyùùŋ nyaŋ e yìwìà ko Sàmilià fè kpùlìà kè nyɛ̀nɛŋ.”

Jɔ̀ɔŋ 7:20

Anyùùŋ nyaŋ e faaàŋ sùà naŋ fasàì nyààŋ, “Mùŋ naŋ sààŋ ke gbòà! Kiìŋ naum nyɛ̀nɛ̀ŋ mùŋ naŋ gongò kɛ̀ wo nyùùŋ bà manaŋ wèè woum jìwà?”

Jɔ̀ɔŋ 8:22

Aŋ Juùù nyaŋ naŋ dàwè nyiŋ bi e fèemàŋ nyààŋ, “Ɓàà wò naŋ ɗewè wèè wo jìwà wuŋ bi, nààŋ wò naŋ woò wààŋ e naàìŋ ɓɛ̀nɛ̀ŋ kà koɓɛ̀i wò yaà kɔɔyɛ̀ lɛ̀?”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Luùm 15:3

Wo Jisɛ̀ Kulaì gò wa nɔ̀ŋ wɔ̀ŋ nyiiŋ gèeɔ̀ sùà wèè wo nyɛ̀nɛ̀ŋ è kèì wùmauŋ. Wɔŋ fɛ̀ì Dayàa naŋ woò wààŋ, “Maŋ mìè ɓɛ̀ɛ̀pɔ̀ɔ maŋ aŋ naiŋ kiɛ̀ŋ maŋ, maŋ mìè ɓɛ̀ɛ̀pɔ̀ɔ bi naim kpɛ̀lɛ̀.”

Hiɓu 13:13

Weètii, kà wiìŋ ko nɛ̀ɛ̀uŋ niìŋ e jawaà ɓula wèè e nɔ̀iŋ aŋ bàuŋbà wèè e sàngèɛ àŋ nauŋ wa sìè lɛ.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.