Jɔ̀ɔŋ 8:46 - WƆŊ FƐ̀Ì EBÒ SÌÀŊ DAYÀA

⁴⁶ Nyɛ̀iŋ nààŋ bà gbiŋ nàim ɓɛ̀nɛ̀ŋ wòo kɛ̀ mìŋ yaà wo nyùùŋ maŋ jùumù? Kɛɛ sèè mìŋ woàìŋ e tɔ̀ɔ̀nyaàaŋ, kɛ̀ wèè kiìŋ niŋ fèim haawè?

Jɔ̀ɔŋ 8:46 ပူးပေါင်းရင်းမြစ်များ

Maafiù 21:25

Kòò wo Jɔ̀ɔŋ gè wa e gààaŋ wò guo anyùùŋ nyaŋ? Wo Dayà sìwè e yìwìà ko àìjɛnɛ̀ŋ ɔ̀ɔ̀ anyuùŋ kpùuŋ sìwè?” Àŋ naŋ tɔ̀ɔ̀tù kpàànè kpaane nyiŋ wouwòù e fèemàŋ nyààŋ, “Kiìŋ è naiŋ ɓɛ̀nɛ̀ŋ wòo? Sèè e woò wìàà, ‘Wo Dayà sìwè,’ wo do wi nàŋ dawè, ‘Kɛ̀ wèè kiìŋ niŋ gò wa hààwè wò Jɔ̀ɔŋ?’

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 16:8

Wo nyùùŋ bà gbiŋ e ɗuunyaŋ lɛɛ̀ wòim ɓɛ̀nɛ̀ŋ wòo kɛ̀ kiìŋ nàŋ yaà maŋ jùumù? Kɛɛ sèè wo Jìnàŋ Nɛɛmaàŋ wò hnàŋ, wò do nàŋ wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ e nyaàiŋ dè maŋ jùumù nyiŋ màŋ, e tɔ̀ɔ̀nyààŋ Dayàa yèè e kitiuŋ nɛ̀.

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Jɔ̀ɔŋ 8:47

Wo nyùnɔ̀ɔŋ gbiŋ yewe koɓɛ̀ Dayài wɔ wò do nàŋ kòmò ke mìè Dayàa. Kɛɛ nìŋ naŋ gè maŋhɛɛ wèè naŋ kòmàŋ ke mièuŋ nɛɛ̀ŋ, esaɓù kɛ̀ niŋ fè wèè wò Dayà.”

Jɔ̀ɔŋ 8:7

Nààŋ àŋ naŋ wa kpèènè wo Jisɛ̀ dàwe e nyaàiŋ dè wò nìeɔ̀, wo Jisɛ̀ naŋ sie yèè wò naŋ nyiŋ woò wààŋ, “Nyɛ̀iŋ nyɛɛ̀ŋ gbiŋ sùà, wo nyùnɔ̀ɔŋ kòò wò nyɛ̀nɛ̀ŋ wa è jùumù wɔ wo nɔ̀ŋ wo jiɛ̀jiɛ̀ɔ wo hɔ̀wàuŋ ke dùò.”

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

1Pììlɛ 2:22

Wo gò nyɛ̀nɛ̀ŋ è kèì jùumù, yèè wo nyùùŋ gbiŋ gò kòmàŋ wèè è tòa euŋ fùlìà kò nyààŋ.