Jɔ̀ɔŋ 8:44 - WƆŊ FƐ̀Ì EBÒ SÌÀŊ DAYÀA

⁴⁴ Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Jɔ̀ɔŋ 8:44 ပူးပေါင်းရင်းမြစ်များ

Maafiù 12:34

Nìŋ yaà aŋ kaì gbòò naanààŋ, kpeiŋ kɛ̀ dièsɔa nìŋ naŋ ɓɛ̀nɛ̀ŋ wòò e keì kɛnɛ bà? Maŋ miè gbòaiŋ màŋ tɔɔ̀ kɛ̀ kiìŋ nàŋ yaà maŋ jiiŋ màŋ sùà.

Maafiù 13:15

Yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ, àŋ naŋ yìlè maŋ nuùŋ nyiŋ màŋ kpaŋ yèè àŋ naŋ ɓùwò maŋ fɛɛ̀ nyiŋ màŋ. Sèè è go yɛi weè nɔ̀ŋ, maŋ fɛɛ̀ nyiŋ màŋ he weè nàŋ yɛ̀mɛ̀ dìì, maŋ nuùŋ nyiŋ màŋ he weè nàŋ kòmò maŋ kàìŋ, e jiikɛ̀ɛ he nyiŋ nàŋ dè, e kìlà àŋ he weè nàŋ kìlè ko nɛ̀ɛ̀ŋ miìŋ, yèè mìŋ he nyiŋ nàŋ joeyè.’

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Jɔ̀ɔŋ 8:38

Mìŋ yààìŋ wòo sùà e kèè e yèɛ wo Dèda miɔ̀ŋ naim tɔɔ̀ lɛ, màànààŋ nɔŋ nìŋ nyɛnɛŋ e yèɛ wo dèdaiŋ nɔɔ̀ŋ naiŋ kaà lɛ.”

Jɔ̀ɔŋ 8:41

Nìŋ yaà nyìnìè e nɛ̀ŋ guùŋ nɛ aŋ dèdaiŋ nyàŋ naŋ wa nyɛ̀nɛ̀ŋ lɛ.” Anyùùŋ nyaŋ naŋ fasàì nyààŋ, “Ɓɔ̀ mùŋ woò wi mààŋ è yààìŋ àŋ jɔ̀à hmɔŋtu. Wo Dayà wuŋ bi nàŋ yaà nɔŋ wo Dèdaà è kùwàìŋ wɔ.”

Jɔ̀ɔŋ 8:55

joo pɛɛ tɔɔɓaa kɛ̀ niŋ nyimààuŋ. Sèè ka woò kɛ̀ miŋ nyimààuŋ, mìŋ do nàŋ nɔ̀ŋ wo nyuùŋ tòa maàŋ nyɛ̀iŋ gbiŋ. Kɛɛ kàuŋ nyìmàŋ, yèè mìŋ nyɛnɛŋ e yèɛ wò woà lɛ.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Nyɛ̀nɛ̀ŋ 24:9

Aŋ Juùù nyaŋ gbiŋ naŋ wa gbùùyè koɓɛ̀ guùŋ yèè àŋ naŋ nyimèè kɛ̀ e yèɛ wo Tɛtɔlɔ̀ naŋ woò lɛ è yaà e tɔ̀ɔ̀nyaàŋ.

Nyɛ̀nɛ̀ŋ 5:3

Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

1Jɔ̀ɔŋ 1:8

Sèè eiŋ woò kɛ̀ kòò è nyɛ̀nɛ̀ìŋ màŋ jùumù, è naiŋ zùwò yàwi bi, yèè ngèè e tɔ̀ɔ̀nyaàŋ fè màŋ jii wi màŋ sùà.

1Jɔ̀ɔŋ 2:21

E fè mààŋ niŋ nyimààŋ è tɔ̀ɔ̀nyaàaŋ, wèè kaìŋ sìngà wɔ̀ŋ fɛi wɛɛ̀ŋ, kɛɛ nààŋ nìŋ naŋ niŋ nyìmè lɛ, nàŋ nyìmàŋ kɛ̀ e tòa bà gbiŋ e fè è tɔ̀ɔ̀nyaàŋ bi sùà.

1Jɔ̀ɔŋ 2:4

Sèè è naiŋ woò wìàà èiŋ nyìmàŋ wo Dayà, kɛɛ e fèiŋ jɔ̀ɔ̀lɔ̀ màŋ Sàwàuŋ màŋ dìì, kɛ̀ è yààìŋ anyuùŋ tòa e kìlà e fèiŋ anyùùŋ tɔ̀ɔ̀nyaàŋ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 3:15

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ wò yaà wo nyuùŋ jìwà nyùùŋ, yèè nàŋ nyìmàŋ kɛ̀ wo nyuùŋ jìwà nyùùŋ naàŋ wa nàwèè nɔ̀ŋ wɔŋ nyiiŋ gèe gò jùàa sùà.

Juù 1:6

Jàaìŋ e kèì aŋ màikà nyaŋ jii aŋ yè nyaŋ gò wa jɛ̀ì màŋ toomo nyiŋ màŋ wo Dayà naŋ nyiŋ wa jàà maŋ, kpeiŋ àŋ naŋ yèwè maŋ toomo nyiŋ màŋ yèè àŋ naŋ gììyè maŋ gbòò nyiiŋ bi màŋ kɛ̀ɛ. E wèètii wo Dayà naŋ nyiŋ wa dìkìè maŋ jɔ̀ɔɔ wèè fɔfɔ̀fɔ, ke nyiwì kpùɛ dìì ko yèi wo Dayà naŋ nyiŋ gbìɛ̀ŋ wèè aŋ fòlà ke ɗɔ̀ɔ̀ kiti hàaà lɛ, e kìlà wo Dayà do nyiŋ wa nàwèè nàŋ pɔ̀ɔ̀ɓɛ̀ɛ.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 13:14

Wo yilì kùùno dìà tìyèeɔ naŋ zùwò anyùùŋ e dììɛ diɛŋ nààŋ wo Dayà nauŋ gè nyààŋ diɛŋ wèè wò nyɛ̀nɛ̀ŋ maŋ kèè mèè ko fɛ̀ɛ̀fèìŋ wo yilì kùùno jiɛ̀jiɛ̀ɔ. Wo yilì kùùnoɔ̀ naŋ wòò anyùùŋ nyaŋ wààŋ kɛ̀, aŋ banè wo dayà joo wo yèɔ naŋ tèènè wo yilì kùùnoɔ̀ àŋ naŋ wa nyɛ̀mɛ̀ŋ, e kìlà wò yaà nɔŋ wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”