Jɔ̀ɔŋ 8:43 - WƆŊ FƐ̀Ì EBÒ SÌÀŊ DAYÀA

⁴³ Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Jɔ̀ɔŋ 8:43 ပူးပေါင်းရင်းမြစ်များ

Maafiù 13:15

Yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ, àŋ naŋ yìlè maŋ nuùŋ nyiŋ màŋ kpaŋ yèè àŋ naŋ ɓùwò maŋ fɛɛ̀ nyiŋ màŋ. Sèè è go yɛi weè nɔ̀ŋ, maŋ fɛɛ̀ nyiŋ màŋ he weè nàŋ yɛ̀mɛ̀ dìì, maŋ nuùŋ nyiŋ màŋ he weè nàŋ kòmò maŋ kàìŋ, e jiikɛ̀ɛ he nyiŋ nàŋ dè, e kìlà àŋ he weè nàŋ kìlè ko nɛ̀ɛ̀ŋ miìŋ, yèè mìŋ he nyiŋ nàŋ joeyè.’

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Jɔ̀ɔŋ 5:43

Mìŋ naŋ hnè ɓɔɔɓɔɔ mààŋ wo yèɔ wo Dèda miɔ̀ŋ naŋ tɔ̀ùŋ wɔ wèè ka dè e bɛ̀uŋ, kɛɛ nìŋ naŋ gè maŋhɛɛ wèè naim jàà kùàŋ dìì. Yèè sèè wo nyùùŋ bà wò hnàŋ wo yèɔ gboo e gààŋ wuŋ biɛ̀ sùà wɔ, nìŋ douŋ nàŋ jàà kùàŋ dìì.

Jɔ̀ɔŋ 6:60

Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Jɔ̀ɔŋ 8:27

Anyùùŋ nyaŋ gò wa nyìmàŋ kɛ̀ wò Jisɛ̀ yaà nyiìŋ wa wòò è kèè wò Dèdà àìjɛnɛ̀ɔŋ.

Jɔ̀ɔŋ 8:33

Àŋ naŋ fasàì nyààŋ, “È yèwèìŋ ke kpòò Eɓulɔhɛɛ̀ɛŋ sùà, yèè kòò è nɔ̀ìŋ wa àŋ ɗo wò nyùùŋ gbiŋ dìì. Dièsɔa mùŋ naŋ ɓɛ̀nɛ̀ŋ wòo mààŋ, ‘È doiŋ nàŋ fòlò e ɗo dìì’?”

Jɔ̀ɔŋ 8:39

Anyùùŋ nyaŋ naŋ wòò wo Jisɛ̀ nyààŋ, “Wo Eɓulɔhɛɛ̀ŋ naŋ yaà wo dèda wiɔ̀.” Yèè wo Jisɛ̀ naŋ nyiŋ fasàì wààŋ, “Sèè naŋ weè nɔ̀ŋ aŋ jɔ̀à kòmàŋ Eɓulɔhɛɛ̀ŋ nyaŋ, nìŋ he weè nàŋ nyɛ̀nɛ̀ŋ e nɛ̀ɛŋ wò naŋ wa nyɛ̀nɛ̀ŋ lɛ.

Nyɛ̀nɛ̀ŋ 7:51

Wo Siiwììŋ naŋ nyiŋ ɓɛìŋ woò wààŋ, “Kiìŋ è ɗì nyinge nìŋ kuwa yɛi le! Nìŋ yaà mààŋ anyùùŋ maŋ jii komaŋ gò jàà kpùa kpùɔ̀ŋ maŋ nùŋ, aŋ yè nyaŋ kòò àŋ kòmò wa kè mìè gbìàŋ Dayàa. Nìŋ yaà mààŋ aŋ nèwàènèweiŋ nyàŋ. Nyɛ̀iŋ pɛɛ nìŋ giiyà wo Jìnàŋ Nɛɛmaàŋ maŋhɛɛ e teenga gbiŋ!

Luùm 3:11

e fè wò yèɔ kuwa jiikɛ̀ɛ miŋ dò nàŋ sɔ̀ wo yèɔ zoolà Dayà wɔ.