Jɔ̀ɔŋ 8:38 - WƆŊ FƐ̀Ì EBÒ SÌÀŊ DAYÀA

³⁸ Mìŋ yààìŋ wòo sùà e kèè e yèɛ wo Dèda miɔ̀ŋ naim tɔɔ̀ lɛ, màànààŋ nɔŋ nìŋ nyɛnɛŋ e yèɛ wo dèdaiŋ nɔɔ̀ŋ naiŋ kaà lɛ.”

Jɔ̀ɔŋ 8:38 ပူးပေါင်းရင်းမြစ်များ

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Jɔ̀ɔŋ 14:10

Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 14:24

Kɛɛ anyùùŋ nyaŋ yè nyaŋ aŋ manàìm nyaŋ aŋ naàŋ nyɛ̀nɛ̀ŋ è yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. E yèɛ zà àŋ naŋ kòmò mìŋ naŋ woò lɛ gò e yìwìà è gaàŋ mɛ̀ sùà, kɛɛ è yewe e gààŋ Dèdaà naim tùɔ̀ŋ wɔ sùà.”

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 3:32

Wò naŋ kìɛ̀ŋ ke mìè seì wèè e yèɛ wò naŋ yɛmɛ̀ yèè wò naŋ kòmò lɛ ko àìjɛnɛ̀ŋ. Yèè yɛi nɔŋ è yaà anyùùŋ nyaŋ gò wa jàà kè mìè gbìauŋ nɛɛ̀ŋ kùàŋ dìì.

Jɔ̀ɔŋ 5:19

Kpeiŋ wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà, miàim wo Jɔ̀àfèlàà Dayàa fè ɓɛ̀nɛ̀ŋ nyɛ̀nɛ̀ŋ è keì gbiŋ kùàŋ wùùmaim. Mìŋ nyɛnɛŋ nɔŋ e yèɛ mìŋ yɛmɛ̀ wo Dèda miɔ̀ŋ nyɛnɛŋ lɛ̀.

Jɔ̀ɔŋ 5:30

“Miŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùŋ maim e fòfoo mìŋ manaŋ ka niŋ nyɛ̀nɛ̀ŋ. Wo Dèdaà naim tùɔ̀ŋ, yèè wuŋ nàŋ woàìm kɛ̀ dièsɔa mìŋ gbaì wo nyùùŋ. Sèè mìŋ gbaì wo nyùùŋ gbiŋ, mìŋ nyɛ̀nɛ̀ŋ niìŋ e tɔ̀ɔ̀nyaàŋ sùà. Miŋ fè niŋ nyɛ̀nɛ̀ŋ wèè ka fɔ̀ɔ̀yɛ̀ miàŋ bi kè jii.

Jɔ̀ɔŋ 8:26

Mìŋ kuwa e zimgbe niŋ wèè ka weè woò wèè kaiŋ jèè e keì, kɛɛ miŋ naàŋ tii woò. Nààŋ wo yèɔ naim tùɔ̀ŋ wɔ wò yaà e tɔ̀ɔ̀nyaàŋ, yèè mìŋ woàìŋ nyɛ̀iŋ nààŋ anyùùŋ nyaŋ e ɗuunyaŋ lɛɛ̀ e yèɛ mìŋ naŋ kòmò lɛ e yìwìà wo yèɔ naim tùɔ̀ŋ wɔ sìwè.”

Jɔ̀ɔŋ 8:41

Nìŋ yaà nyìnìè e nɛ̀ŋ guùŋ nɛ aŋ dèdaiŋ nyàŋ naŋ wa nyɛ̀nɛ̀ŋ lɛ.” Anyùùŋ nyaŋ naŋ fasàì nyààŋ, “Ɓɔ̀ mùŋ woò wi mààŋ è yààìŋ àŋ jɔ̀à hmɔŋtu. Wo Dayà wuŋ bi nàŋ yaà nɔŋ wo Dèdaà è kùwàìŋ wɔ.”

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.