Jɔ̀ɔŋ 8:37 - WƆŊ FƐ̀Ì EBÒ SÌÀŊ DAYÀA

³⁷ Kà nyìmàŋ kɛ̀ nìŋ folo ke kpòò Eɓulɔhɛɛ̀ɛŋ sùà, yɛi nɔŋ è yaà nìŋ yaà kààmè ɗewe wèè naim jìwà, esaɓù kɛ̀ niŋ gò jàà è kàa mɛ̀ kùàŋ dìì.

Jɔ̀ɔŋ 8:37 ပူးပေါင်းရင်းမြစ်များ

Maafiù 13:15

Yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ, àŋ naŋ yìlè maŋ nuùŋ nyiŋ màŋ kpaŋ yèè àŋ naŋ ɓùwò maŋ fɛɛ̀ nyiŋ màŋ. Sèè è go yɛi weè nɔ̀ŋ, maŋ fɛɛ̀ nyiŋ màŋ he weè nàŋ yɛ̀mɛ̀ dìì, maŋ nuùŋ nyiŋ màŋ he weè nàŋ kòmò maŋ kàìŋ, e jiikɛ̀ɛ he nyiŋ nàŋ dè, e kìlà àŋ he weè nàŋ kìlè ko nɛ̀ɛ̀ŋ miìŋ, yèè mìŋ he nyiŋ nàŋ joeyè.’

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Jɔ̀ɔŋ 10:31

Yèè aŋ Juùù nyaŋ naŋ ɓɛìŋ ɓèmè le dùò wèè aŋ hɔ̀wà wo Jisɛ̀.

Jɔ̀ɔŋ 11:53

E nɔŋ e yìwìà ke ɗɔɔ yii, anyùùŋ gbèègbèè aŋ Juùù nyaŋ naŋ wa kùùnò e ɗewe kàme wèè aŋ jìwà wo Jisɛ̀.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Jɔ̀ɔŋ 7:19

È yaà tɔɔɓaa kɛ̀ wo Mòòze naiŋ wa kìɛ̀ŋ maŋ sàwà Dayà maŋ. Kɛɛ nyɛ̀iŋ nààŋ bà gbiŋ fè miŋ jɔ̀ɔ̀lɔ̀ dìì è tɔ̀ɔ̀nyaàŋ sùà. Sèè nìŋ jɔɔlɔ̀ miìŋ weè dìì, kɛ̀ wèè kiìŋ nìŋ yaà kààmè ɗewe wèè naim jìwà?”

Jɔ̀ɔŋ 7:25

Anyùùŋ nyaŋ bà nyiŋ yewe wa ko Jùlusɛ̀làm nyaŋ yaà wa wòò e kèè wo Jisɛ̀ nyààŋ, “Wɛɛ̀ nààŋ fè wò felaaà ànyùùŋ gbèègbèè àŋ Juùù nyaŋ yaà kààmè ɗewe wèè aŋ jìwà wɔ?

Jɔ̀ɔŋ 8:33

Àŋ naŋ fasàì nyààŋ, “È yèwèìŋ ke kpòò Eɓulɔhɛɛ̀ɛŋ sùà, yèè kòò è nɔ̀ìŋ wa àŋ ɗo wò nyùùŋ gbiŋ dìì. Dièsɔa mùŋ naŋ ɓɛ̀nɛ̀ŋ wòo mààŋ, ‘È doiŋ nàŋ fòlò e ɗo dìì’?”

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Jɔ̀ɔŋ 8:56

Wo dèdaiŋ nɔɔ̀ŋ Eɓulɔhɛɛ̀ŋ naŋ wa gè zɔlɔ̀ wèè wo wa yɛ̀mɛ̀ ke ɗɔ̀ɔ̀ hnaàŋ miɛ̀ŋ. Wò naŋ nyiŋ wa yɛmɛ̀ yèè e zɔlɔ̀ nauŋ wa diè.”

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.

Jɔ̀ɔŋ 8:6

Àŋ naŋ wa dàwè wo Jisɛ̀ wɔŋ mààŋdàwè wɛɛ̀ŋ wèè auŋ wàà, esaɓù kɛ̀ àŋ manaŋ wa wèè auŋ gbùwà e keì ɗì. Kɛɛ wo Jisɛ̀ naŋ wa gbuwo wò yaà sìngìè ke kiiyòuŋ nɛɛ̀ŋ ko dììnaŋ.

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Luùm 9:7

Aŋ jɔ̀à nyaŋ kinɛiŋ naŋ fòlò ke kpòò Eɓulɔhɛɛ̀ɛŋ sùà nyaŋ nààŋ fè àŋ jɔ̀à Dayà. Wo Dayà naŋ wa wòò Eɓulɔhɛɛ̀iŋ wààŋ, “È yaà e yìwìà wo jɔ̀àfelaa mɔɔ̀ŋ Ààze sùà mùŋ do nàŋ kɛ̀ɛ̀nɛ̀ŋ ke kpooɛ̀ mìŋ naŋ jɔ̀ɔ̀ ɗààhiì kɛ̀ mìŋ doum nàŋ kiɛ̀ŋ lɛ.”

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

1Jɔ̀ɔŋ 2:14

Mìŋ naŋ sìngè ko nɛ̀ɛ̀iŋ niìŋ, nyɛiŋ nààŋ jɔ̀àim nyàŋ, e fèfoo nàŋ nyìmàŋ wo Dèdaà. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ wo Dayà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nìŋ kuwa e gààŋ. E kìlà ke mìè Dayàa yaà maŋ jiiŋ màŋ sùà, yèè nìŋ kuwa e gààŋ wo Nyuùŋ Nyɛ̀nɛ̀ŋ keì naanààaŋ diɛŋ.