Jɔ̀ɔŋ 8:34 - WƆŊ FƐ̀Ì EBÒ SÌÀŊ DAYÀA

³⁴ Wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà kɛ̀ wo nyùnɔ̀ɔŋ gbiŋ nyɛnɛŋ e jùumù wɔ wò yaà wo ɗo maŋ jùumùuŋ màŋ sùà.

Jɔ̀ɔŋ 8:34 ပူးပေါင်းရင်းမြစ်များ

Maafiù 5:18

Tɔɔɓaa kɛ̀ɛ̀nɛìŋ jii jàa kɛ̀, ko àìjɛnɛ̀ŋ yaà e ɗuunyaàŋ e wa nàwèè wɛ̀i ɓɛ̀nɛ̀ŋ hàì ko dìa. Kɛɛ e pɛɛ nɔ̀ŋ ke tomi jɔa yèè wɔŋ kɔmɔŋ miaŋ maŋ Sàwà maŋ sùà, ke naàŋ nɔ̀ŋ dao ge nyiŋ. E nɛ̀ɛŋ gbiŋ è yaà sìnga niŋ maŋ Sàwà maŋ sùà lɛ kuwa e hɛɛnɛ̀ŋ.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Nyɛ̀nɛ̀ŋ 8:23

Esaɓù mìŋ yɛmɛ̀ kɛ̀ mùŋ yaà wo nyùùŋ hɔ̀ɛŋ yèè maŋ jùumùum màŋ màum dèkà mààŋ wo nyùùŋ keì.”

Luùm 6:12

Ɓɔ̀ nìŋ dangè ɓɛìŋ e jùumù do kɛ̀ɛ̀nɛ̀ŋ gààŋ màŋ kpùnaiŋ màŋ diɛŋ, wèè e goiŋ nàŋ nyɛ̀nɛ̀ŋ naŋ jɔ̀ɔ̀lɔ̀ e ɗèweɛ̀ nìŋ kuwa lɛ̀ ke kpèè maŋ keì naanààiŋ nɛɛ̀ŋ dìì.

Luùm 6:16

Tɔɔɓaa nàŋ nyìmàŋ kɛ̀ nìŋ yaà aŋ ɗo koɓɛ̀ wo nyùnɔ̀ɔŋ nìŋ jɔɔlɔ̀ dìì wɔ. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ maŋ jùumù dìì, e jìwààjɛ̀wɛ̀ɛ nàŋ yaà e fàa. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ wo Dayà dìì, e jìwààjɛ̀wɛ̀ɛ do nàŋ nyɛ̀nɛ̀ŋ wo Dayà woiŋ jàà kùàŋ dìì wèè naŋ nɔ̀ŋ anyùùŋ tɔ̀ɔ̀nyaàŋ.

Luùm 6:6

Èiŋ nyìmàŋ kɛ̀ nààŋ wo Jisɛ̀ Kulaì naŋ wa fɔ̀ɔ̀yɛ̀ wɔŋ vènèkpaaà diɛŋ, yaà maŋ kpùnàŋ jùumù wi màŋ naŋ wa fɔ̀ɔ̀yɛ̀ koɓɛ̀ guùŋ. Tɛɛ̀ naŋ wa kaaìŋ wèè e nyɛ̀nɛ̀ŋ e gààŋ maŋ kpùnàŋ jùumù wi màŋ nɔ̀ŋ pɔ̀ɔ̀pɔɔ niŋ, wèè e go wi ɓɛìŋ nàŋ nyɛ̀nɛ̀ŋ eiŋ nɔ̀ŋ aŋ ɗo wèè maŋ jùumù nyɛ̀nɛŋ.

Luùm 7:14

Èiŋ nyìmàŋ kɛ̀ maŋ Sàwà maŋ yewe wo Jìnàŋ Dayàa sìwè. Kɛɛ mìŋ yaà nɔŋ wo nyuùŋkpùuŋ, yèè mìŋ yaà wo ɗo koɓɛ̀ maŋ jùumù.

Luùm 7:25

Mìŋ naŋ gè wo Dayà ke sɛ̀ e yìwìà wo yèɔ doim nàŋ joeyè wɔ, wo Kana wiɔ̀ Jisɛ̀ Kulaì sùà. Weètii, yɛi mìŋ yaà, e yìwìà ke jii miɛ̀ŋ sùà mìŋ jɔɔlɔ̀ ke Sàwà Dayàa dìì. Yèè e yìwìà ke kpùnaŋ miɛ̀ŋ sùà mìŋ jɔɔlɔ̀ ke sàwàa dìì ke yèɛ naim nyɛ̀nɛ̀ŋ wo ɗo koɓɛ̀ jùumù lɛ.

Luùm 8:21

kɛ̀ wo Dayà do wa nàwèè nàŋ gè manɛ̀ŋ bàne màŋ gbiŋ e ɗuunyaàŋ e ɗo dìì wèè maŋ go nàŋ hèwè, yèè maŋ nɔ̀ŋ bà miŋ bà wèè e jòòwoɛ̀ yèè e ɗoɛ̀ aŋ jɔ̀àuŋ nyàŋ naŋ fòlò dìì lɛ.

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.