Jɔ̀ɔŋ 8:32 - WƆŊ FƐ̀Ì EBÒ SÌÀŊ DAYÀA

³² Nìŋ do nàŋ nyìmè e tɔ̀ɔ̀nyaàaŋ, yèè e tɔ̀ɔ̀nyaàaŋ doiŋ nàŋ joeyè.”

Jɔ̀ɔŋ 8:32 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Jɔ̀ɔŋ 17:17

Jaà nyiŋ e ɓula wèè muàŋ bi esàɓù e tɔ̀ɔ̀nyaàŋ mɔ̀ɛ̀. Ke miè mɔɛ̀ŋ kè yaà e tɔ̀ɔ̀nyaàŋ.

Jɔ̀ɔŋ 6:45

Wo wɛ̀ijìɔ bà guùŋ naŋ wa sìngè wò naŋ woò wààŋ, ‘Wo Dayà do nàŋ kàà anyùùŋ nyaŋ gbiŋ.’ Weètii wo nyùnɔ̀ɔŋ gbiŋ naŋ kòmò yèè wò naŋ gbèè e yèɛ wo Dèdaà naŋ woò lɛ wò do nàŋ hnè ko nɛ̀ɛ̀ŋ miìŋ.

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Jɔ̀ɔŋ 8:36

Sèè miàim wo Jɔ̀àfelaaà kaum dangè maŋ ka foo, kɛ̀ màŋ nɔ̀ŋ e jòèyeum julɔfɔ.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

Luùm 8:15

Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 7:22

Wo ɗoɔ̀ wo Kanaà naŋ nyààŋ wɔ, wò yaà wo nyuùŋ gè nyààŋ diɛŋ wèè Kanaà, e ɗèwè guùŋ bi sùà, wo nyùnɔ̀ɔŋ àŋ naŋ gè nyààŋ diɛŋ wèè wo ka, yèè wo Jisɛ̀ Kulaì naum nyààŋ wɔ wò yaà wo ɗo wèè Jisɛ̀ Kulaì.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

2Time 3:7

Aŋ jɔ̀ùŋ nyaŋ kamàŋ ɗewe wèè aŋ gbeè kɛɛ aŋ fè ɓɛ̀nɛ̀ŋ hnàaŋ wèè aŋ nyìmàŋ è tɔ̀ɔ̀nyaàaŋ.

Jìiiŋ 1:25

Kɛɛ wo nyùnɔ̀ɔŋ naŋ kpɛ̀nɛ̀ŋ ke miè gbìaŋ yɛɛ̀ tɛ̀ɛ̀ wɔ, yèè wo jèè nyìnìè e nɛ̀ɛŋ kè naŋ woò lɛ, wo Dayà do nàŋ kpùùmò wo nyùùŋ mààŋ wii. Yèè ke miè gbìaŋ yii nàŋ yaà, ke sàwà jìlɛɛ̀ŋ joeyà anyùùŋ lɛ.

Jìiiŋ 2:12

Weètii wòò, yèè muŋ nyɛ̀nɛ̀ŋ maŋ keì mààŋ anyùùŋ nyaŋ naŋ nyìmè kɛ̀ wo Dayà do nyiŋ nàŋ gbààì ke sàwàa do nyiŋ nàŋ gè keì sùà lɛ.

1Pììlɛ 2:16

Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.

2Jɔ̀ɔŋ 1:1

E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.