Jɔ̀ɔŋ 8:29 - WƆŊ FƐ̀Ì EBÒ SÌÀŊ DAYÀA

²⁹ Wo nyùnɔ̀ɔŋ naim tùɔ̀ŋ wɔ kòò wò yààìm kɔɔ. Mìŋ nyɛnɛŋ e yèɛ wò manaŋ wèè ka nyɛ̀nɛ̀ŋ lɛ e teenga gbiŋ, yèè wo naàim wa nàwèè jòò miàŋ guùŋ.”

Jɔ̀ɔŋ 8:29 ပူးပေါင်းရင်းမြစ်များ

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Maafiù 3:17

Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo Jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Jɔ̀ɔŋ 14:31

Kɛɛ anyùùŋ nyaŋ e ɗuunyaàŋ kuwa aŋ nyìmàŋ kɛ̀ mìŋ manaŋ wo Dèda miɔ̀ŋ. Esaɓùɛ lɛɛ̀ mìŋ nyɛnɛŋ e nɛ̀ɛ̀iŋ gbiŋ e ɗeweɛ̀ wò manaŋ lɛ̀.” Yèè wo Jisɛ̀ naŋ nyiŋ ɓɛìŋ woò wààŋ, “Yèwaìŋ dìì, fòlà wiìŋ ko saaŋ yaà e kaiŋ.”

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 16:32

Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 5:30

“Miŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùŋ maim e fòfoo mìŋ manaŋ ka niŋ nyɛ̀nɛ̀ŋ. Wo Dèdaà naim tùɔ̀ŋ, yèè wuŋ nàŋ woàìm kɛ̀ dièsɔa mìŋ gbaì wo nyùùŋ. Sèè mìŋ gbaì wo nyùùŋ gbiŋ, mìŋ nyɛ̀nɛ̀ŋ niìŋ e tɔ̀ɔ̀nyaàŋ sùà. Miŋ fè niŋ nyɛ̀nɛ̀ŋ wèè ka fɔ̀ɔ̀yɛ̀ miàŋ bi kè jii.

Jɔ̀ɔŋ 6:38

Esaɓù kɛ̀ miŋ gò dèyà è yìwìà kò àìjɛnɛ̀ŋ wèè ka nyɛ̀nɛ̀ŋ è yèɛ mìàŋ bi mìŋ manaŋ lɛ̀, kɛɛ wèè ka nyɛ̀nɛ̀ŋ e yèɛ wo Dayàa naim tùɔ̀ŋ wɔ manaŋ lɛ̀.

Jɔ̀ɔŋ 8:16

Kɛɛ sèè mìŋ nyɛnɛŋ yɛi weè, e kiti mɛ̀ henàŋ nɔ̀ŋ e tɔ̀ɔ̀nyaàŋ, esaɓù kɛ̀ miàŋ guùŋ nààŋ fè niìŋ nyinie. Wo Dèdaà naim tùɔ̀ŋ wɔ yèè miàŋ è yaà koɓɛ̀ guùŋ.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

2Time 4:22

Wo Kanaà Jisɛ̀ yɛmɛ̀um diɛŋ. Tɔ̀ e tɛ̀ɛ̀tɛ̀ɛ̀ Dayàa nɔ̀ŋ nyɛ̀ìŋ gbiŋ maŋjɛ̀wɛ.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.